په اوکراین کې د یاغي پوځ ۶۸ کلیزه په لاریون کولو ولمانځل شوه

د اوکراين په لوېديځ کې لسګونو خلکو د اوکراين د ياغي پوځ د جوړېدو د اته شپېتمې کاليزې په مناسبت د دغه ځواک په ملاتړ کې لاريون وکړ.

د اوکراين ياغي پوځ په دوهمه نړيواله جګړه کې د شوروي پوځونو پرضد جګړه کوله.

د اوکراين په لوېديځ کې په لفيف ښار کې شاوخوا سل تنو چې د دغه پوځ يا (يو پي اې) يونيفورم يې په تن وو، لاريون وکړ.

د يو. پي. اې مشران په اوکراين کې د ځينو خلکو له لوري متنازع او د نازي جنايتکارانو پلويان ګڼل کېږي.