د ننګرهار کرکټ فدراسيون د شل اورېزو نړۍ والو سياليو د چمتو والي لپاره د کرکټ ډله جوړه کړه.
کرکټ فدراسيون ددغه ولايت له سلګونو کرکټ لوبغاړو نه د شنبې په ورځ ازموينه واخيسته او شپاړلس تنه يې وټاکل.دا لوبغاړي به په کابل کې د ټول افغانستان په کچه په سياليو کې ګډون وکړي.
د افغانستان د کرکټ د ملي ټيم د غړيتوب لپاره په ننګرهار کې د کرکټ فدراسيون له خوا جوړې شوې ازموينې ته د کرکټ لوبې ګڼ مينه وال راټول شوي وو، د ننګرهار د کرکټ فدراسيون لارښود کوچ نوروز زرمتي وويل :
له دوى نه ١٦ تنه وټاکل شول ده وويل: دا لوبغاړي به کابل او پاکستان کې په ملي سياليو کې ګډون کوي او خپلې وړتياوې به وښيي. ده وويل:
کوشش وشو چې دغه انتخاب ته د ننګرهار ولايت له هرې سيمې نه د کرکټ لوبغاړي را وغوښتل شي او دادې تاسې ګورې چې له مختلفو سيمو نه په سلګونو لوبغاړي راټول شوي او په پوره جرائت او مېړانه د افغاني غرور استازي کوي.
هغه کرکټ لوبغاړي چې د ننګرهار ولايتي ټيم ته ور وپېژندل شول خوشاله و، چې د افغانستان په دننه او بهر کې به له نورو لوبغاړو سره سيالۍ وکړي:
د نجيب الله په نامه د هستي ګل اکاډمۍ يوه لوبغاړي وويل: خوشاله دى چې په ازموينه کې بريالى راووت. ده وويل: په کابل کې به په کرکټ لوبو کې د خپلې سيمې د لوبغاړو نوم ښه وځلوي.
خو د افغانستان د ملي ټيم لوبغاړي کريم صادق وويل: د کرکټ ددغه ازموينې په بهير کې ستونزې وې او ښايي چې دا انتخابات ډېر دقيق نه وي: ده وويل:
اويا فيصده انتخاب دقيق دى؛ خو په پاتې فيصدۍ کې د لوړ سن لوبغاړي انتخاب شوي، چې په کار ده د ټيټ سن ځوان لوبغاړي انتخاب شي.
خو نوروز زرمتي وويل: انتخابات دقيق شوى او ټاکل شوېو کسانو ته نوره روزنه هم ورکول کېږي.
په دې وروستيو کې په ننګرهار کې د کرکټ مينه وال مخ په ډېرېدو دي او له ښاره اطرافو ته هم رسېدلې، چې ګڼ ځوانان په کې ګډون لري.
محمد داود وفا
کرکټ فدراسيون ددغه ولايت له سلګونو کرکټ لوبغاړو نه د شنبې په ورځ ازموينه واخيسته او شپاړلس تنه يې وټاکل.دا لوبغاړي به په کابل کې د ټول افغانستان په کچه په سياليو کې ګډون وکړي.
د افغانستان د کرکټ د ملي ټيم د غړيتوب لپاره په ننګرهار کې د کرکټ فدراسيون له خوا جوړې شوې ازموينې ته د کرکټ لوبې ګڼ مينه وال راټول شوي وو، د ننګرهار د کرکټ فدراسيون لارښود کوچ نوروز زرمتي وويل :
له دوى نه ١٦ تنه وټاکل شول ده وويل: دا لوبغاړي به کابل او پاکستان کې په ملي سياليو کې ګډون کوي او خپلې وړتياوې به وښيي. ده وويل:
کوشش وشو چې دغه انتخاب ته د ننګرهار ولايت له هرې سيمې نه د کرکټ لوبغاړي را وغوښتل شي او دادې تاسې ګورې چې له مختلفو سيمو نه په سلګونو لوبغاړي راټول شوي او په پوره جرائت او مېړانه د افغاني غرور استازي کوي.
هغه کرکټ لوبغاړي چې د ننګرهار ولايتي ټيم ته ور وپېژندل شول خوشاله و، چې د افغانستان په دننه او بهر کې به له نورو لوبغاړو سره سيالۍ وکړي:
د نجيب الله په نامه د هستي ګل اکاډمۍ يوه لوبغاړي وويل: خوشاله دى چې په ازموينه کې بريالى راووت. ده وويل: په کابل کې به په کرکټ لوبو کې د خپلې سيمې د لوبغاړو نوم ښه وځلوي.
خو د افغانستان د ملي ټيم لوبغاړي کريم صادق وويل: د کرکټ ددغه ازموينې په بهير کې ستونزې وې او ښايي چې دا انتخابات ډېر دقيق نه وي: ده وويل:
اويا فيصده انتخاب دقيق دى؛ خو په پاتې فيصدۍ کې د لوړ سن لوبغاړي انتخاب شوي، چې په کار ده د ټيټ سن ځوان لوبغاړي انتخاب شي.
خو نوروز زرمتي وويل: انتخابات دقيق شوى او ټاکل شوېو کسانو ته نوره روزنه هم ورکول کېږي.
په دې وروستيو کې په ننګرهار کې د کرکټ مينه وال مخ په ډېرېدو دي او له ښاره اطرافو ته هم رسېدلې، چې ګڼ ځوانان په کې ګډون لري.
محمد داود وفا