د هغو دوو تنو افغانانو جسدونه نن د هغوي خپلوانو ته وسپارل شول چې څلور ورځې مخکې له اتو تنو بهرنیانو سره په بدخشان ولایت کې وژل شوي وو.
ویل شوي چې دوي د وسله والو طالبانو له خوا د مسیحیت دین د تبلیغ په تور وژل شوي خو د هغوی خپلوان دا ادعا ناسمه بولي.
د کورنیو چارو وزارت وایي، چې دې روغتیایي ډلې پولیسو ته له اطلاع ورکولو پرته نا امنو سیموته سفر کړی وو.
په بدخشان ولایت کې د دوو وژل شوو افغان روغتیایي کارکوونکو جسدونه نن د هغوي خپلوانو ته و سپارل شول.
دغه دوه تنه افغانان له اتو تنو بهرنیو روغتیایي کارکوونکو سره یوځای څلور ورځې مخکې د بدخشان ولایت په کران او منجان ولسوالۍ کې د مسیحیت دین د تبلیغ په تور د وسله والو طالبانو له خوا و وژل شول.
خو د دغو وژل شوو افغانانو خپلوان وایي، چې هغوي ټینګ مسلمانان وو، چې له بهرنیو روغتیایي کار کوونکو سره یې د اشپز او موټر چلوونکي په توګه کار کاوه:
(ځیني خلک وایي، چې دوي مسیحیت ته د خلکو د هڅونې لپاره ورغلي یو شمېر نور وایي، چې دوي جاسوسان وو، دا څرګندونې ټولې غلطې دي تاسو کولای شٍٍي چې د نور له روغتون څخه زما د ورور په اړه پوښتنه وکړې.)
دغه دوه افغانان د اې ،اې ، ام د نړېوالې موسسې د سترګو له اتو تنو بهرنیو ډاکټرانوسره څلور ورځې مخکې په داسې حال کې چې له نورستان ولایت څخه بیرته را ګرځیدلي وو د بدخشان ولایت په کران او منجان ولسوالۍ کې د وسله والو طالبانو له خوا و وژل شول.
د اې ،اې ،ام نړېواله موسسه کابو پنځوس کاله کیږي چې د افغانستان په بېلابېلو ولایتونوکې د سترګو د درملنې په برخه کې فعالیت لري.
د افغانستان د کورنیو چارو وزارت وایي، چې دا روغتیایي ډله پرته له دې چې امنیتي ځواکونو ته خبر ورکړي نا امنوسیمو ته تللې وه.
د کورنیو چارو وزارت د جنایي تحقیقاتو رییس مرزا محمد یارمند په دې اړه ازادۍ راډیو ته وویل:
(په وژل شوو کې شپږ تنه امریکایان، یو بریتانوی، یو جرمنی او دوه افغانان شامل دي.
یو افغان ژوندی پاتې دی چې اوس مهال د پولیسو تر تحقیقاتو لاندې دی، دوی پولیسو ته له مخکې نه خبرنه وو ورکړی.)
د ملګرو ملتونو سازمان، د امریکا متحده ایالاتو، د افغانستان د عامې روغتیا او بهرنیو چارو وزارتونو، مدني ټولنو او د بشر د حقوقو ارګانونو د وسله والو طالبانو له خوا د دغو روغتیایي کارکوونکو وژنه په کلکه غندلې ده.
د افغانستان د عامې روغتیا وزارت او په دې هېواد کې د ملګرو ملتونو د سرمنشي ځانګړي استازي له وسله والو مخالفینو څخه غوښتي چې روغتیایي کار کوونکو ته خنډونه جوړ نه کړي او هغوي پریږدي چې په ازاده توګه خلکوته روغتیایي خدمتونه وړاندې کړي.
دغه دوه تنه افغانان له اتو تنو بهرنیو روغتیایي کارکوونکو سره یوځای څلور ورځې مخکې د بدخشان ولایت په کران او منجان ولسوالۍ کې د مسیحیت دین د تبلیغ په تور د وسله والو طالبانو له خوا و وژل شول.
خو د دغو وژل شوو افغانانو خپلوان وایي، چې هغوي ټینګ مسلمانان وو، چې له بهرنیو روغتیایي کار کوونکو سره یې د اشپز او موټر چلوونکي په توګه کار کاوه:
(ځیني خلک وایي، چې دوي مسیحیت ته د خلکو د هڅونې لپاره ورغلي یو شمېر نور وایي، چې دوي جاسوسان وو، دا څرګندونې ټولې غلطې دي تاسو کولای شٍٍي چې د نور له روغتون څخه زما د ورور په اړه پوښتنه وکړې.)
دغه دوه افغانان د اې ،اې ، ام د نړېوالې موسسې د سترګو له اتو تنو بهرنیو ډاکټرانوسره څلور ورځې مخکې په داسې حال کې چې له نورستان ولایت څخه بیرته را ګرځیدلي وو د بدخشان ولایت په کران او منجان ولسوالۍ کې د وسله والو طالبانو له خوا و وژل شول.
د اې ،اې ،ام نړېواله موسسه کابو پنځوس کاله کیږي چې د افغانستان په بېلابېلو ولایتونوکې د سترګو د درملنې په برخه کې فعالیت لري.
د افغانستان د کورنیو چارو وزارت وایي، چې دا روغتیایي ډله پرته له دې چې امنیتي ځواکونو ته خبر ورکړي نا امنوسیمو ته تللې وه.
د کورنیو چارو وزارت د جنایي تحقیقاتو رییس مرزا محمد یارمند په دې اړه ازادۍ راډیو ته وویل:
(په وژل شوو کې شپږ تنه امریکایان، یو بریتانوی، یو جرمنی او دوه افغانان شامل دي.
یو افغان ژوندی پاتې دی چې اوس مهال د پولیسو تر تحقیقاتو لاندې دی، دوی پولیسو ته له مخکې نه خبرنه وو ورکړی.)
د ملګرو ملتونو سازمان، د امریکا متحده ایالاتو، د افغانستان د عامې روغتیا او بهرنیو چارو وزارتونو، مدني ټولنو او د بشر د حقوقو ارګانونو د وسله والو طالبانو له خوا د دغو روغتیایي کارکوونکو وژنه په کلکه غندلې ده.
د افغانستان د عامې روغتیا وزارت او په دې هېواد کې د ملګرو ملتونو د سرمنشي ځانګړي استازي له وسله والو مخالفینو څخه غوښتي چې روغتیایي کار کوونکو ته خنډونه جوړ نه کړي او هغوي پریږدي چې په ازاده توګه خلکوته روغتیایي خدمتونه وړاندې کړي.