د ملګرو ملتونو د تحقیقاتو یو کمیسیون دې نتیجې ته رسیدلی، چې پاکستاني مقامات د پخوانۍ صدرا عظمې بینظیر بوټو په ساتنه او همدا راز د دوه زره اوم میلادي کال په ډيسمبر میاشت کې د نوموړې د وژنې په اړه په دقیقو تحقیقاتو کې پاتې راغلې دي.
په هغه راپور کې چې پرون خپور شو د ملګرو ملتونو څیړونکو ویلي دي، دوی په دې باور دي چې د میرمن بوټو د وژل کېدو په اړه په اغیز منو تحقیقاتو کې د پاکستاني مقاماتو پاتې راتلل عمدي و.
د ملګرو ملتونو دې کمیسیون له پاکستاني مقاماتو غوښتنه کړې چې اوس په دې اړه جدي او موثقې جنايي څېړنې وکړي څو معلومه شي چې چا د مېرمن بوټو د وژنې امر ورکړی و او هغوي محاکمې ته را کاږي.
په ملګرو ملتونو کې د چیلي سفیر هېرالدو مونوز چې د دې کمیسیون مشري کوي په دې اړه خبریالانو ته وویل:
"د حکومتي چارواکو یوه ډله اساسا په خپلو هڅو کې پاتې راغله، څو لومړی د مېرمن بوټو امنیت ټینګ کړي او دوهم دوی په خپل ټول توان سره په دې برخه کې څېړنې ونه کړې چې د دې وژنې مسوولان، نه یوازې مسوولان بلکې د هغې عوامل، پلان جوړونه او مالي منابع معلوم کړي."
نوموړې هغه مهال له اتو کالو جلا وطنۍ وروسته په خپله خوښه هېواد ته ستنه شوې وه.
په هغه راپور کې چې پرون خپور شو د ملګرو ملتونو څیړونکو ویلي دي، دوی په دې باور دي چې د میرمن بوټو د وژل کېدو په اړه په اغیز منو تحقیقاتو کې د پاکستاني مقاماتو پاتې راتلل عمدي و.
د ملګرو ملتونو دې کمیسیون له پاکستاني مقاماتو غوښتنه کړې چې اوس په دې اړه جدي او موثقې جنايي څېړنې وکړي څو معلومه شي چې چا د مېرمن بوټو د وژنې امر ورکړی و او هغوي محاکمې ته را کاږي.
په ملګرو ملتونو کې د چیلي سفیر هېرالدو مونوز چې د دې کمیسیون مشري کوي په دې اړه خبریالانو ته وویل:
"د حکومتي چارواکو یوه ډله اساسا په خپلو هڅو کې پاتې راغله، څو لومړی د مېرمن بوټو امنیت ټینګ کړي او دوهم دوی په خپل ټول توان سره په دې برخه کې څېړنې ونه کړې چې د دې وژنې مسوولان، نه یوازې مسوولان بلکې د هغې عوامل، پلان جوړونه او مالي منابع معلوم کړي."
نوموړې هغه مهال له اتو کالو جلا وطنۍ وروسته په خپله خوښه هېواد ته ستنه شوې وه.