په کابل کې نننیو ورځپاڼو د افغانستان په اړه ګڼ مطالب لیکلي ،چې په لاندیني مطلب کې رانغښتي دي.
سرنوشت:
سرنوشت ورځپاڼې په ايران كې كې له شپږو زرو افغان زندانيانو څخه د درېو زرو د اعدام د محكومېدو د پريكړې په اړه يو مطلب خپور كړى او د ولسي جرګې د غړېو له قوله يي ليكلي، چې د ايران پارلمان افغانستان ته د زندانيانو د انتقال د موافقه ليك تصويب ځنډولى دى.
ورځپاڼې د ملي مشرۍ تشه تر سرليك لاندې په يوه بل مطلب كې د افغانستان د اوسنۍ مشرتابه ستونزې څيړلي دي.
سرنوشت د خپلې نننۍ ګڼې په سرمقالې كې د حكومت په چارو او د ولسمشر په صلاحيتونو تبصره كړې.
انیس:
انيس دولتي ورځپاڼې په خپلې سرمقالې كې په ځينو سيمو كې د ښوونځيو د تړل كېدو زيانونه څيړلي دي او په يوې برخه كې يې ليكلي دي، قومي مشران او سيمه اېز مخور كسان بايد د دې ستونزې د هواري لپاره مبازره وكړي.
ورځپاڼې په يوه بل مطلب كې په ايران كې د افغان ګډوالو وضعيت څيړلى او ليكلي يې دي چې دا كډوال تراوسه پورې له بېلابېلو ستونزو رنځيږي.
ویسا:
ويسا ورځپاڼې د خپل لومړي مخ په غټ سرليك كې ليكلي دي، چې په قبايلي سيمو كې د طالبانو او القاعده ترمنځ اختلافات ډير شوي.
ورځپاڼې په خپل مطلب كې زياته كړې، نيول شوېو طالب مشرانو په تحقيقاتو كې ويلي دي چې طالبانو د القاعده د نغدي مرستو له اخيستلو ډډه كړې.
ورځپاڼې په يوه بل مطلب كې د امريكا د ولسمشر بارك اوباما پاليسۍ څيړلي او ليكلي يې دي، نوموړى غواړي چې په افغانستان كې په خپلو پاليسيو له سره كتنه وكړي.
د ليكوال په باور اوباما اوس دې ته چمتو شوى چې له وسلوالو طالبانو سره خبرې اترې پيل كړي.
ورځپاڼې همدا راز د خپلې نننۍ ګڼې په سرمقالې كې په دې ټينګار كړى دى چې افغان چارواكي بايد نور د افغانستان په اړه د بهرنيو چارواكو او ادارو د څرګندونو پر خلاف چوپ پاتې نه شي.
په سرمقالې كې په دې برخه كې د ايران د ولسمشر وروستيو څرګندونو او د افغانانو د بشري وضعيت په اړه د امريكا د بهرنيو چارو وزارت راپور ته اشاره كړې.
ملي ارمان:
ملي ارمان ورځپاڼې هم په خپلې سرمقالې كې په افغان دولت انتقاد كړى، چې د خپل كليدي متحده د امريكا متحده ايالاتو په اړه يې د ايران د جمهور رئيس د وروستيو څرګندونو ځواب ور نه كړ.
ورځپاڼې په يوه بل مطلب كې د افغانستان او عراق وضعيت سره پرتله كړى دى او ليكلي يې دي، د افغانستان مشران بايد له عراقي مشرانو زده كړه وكړي.
د مقالې د ليكوال په باور عراقي مشران په خپل هېواد كې د نړېوالو ځواكونو له موجوديت نه ګټه اخلي.
هېواد او اصلاح:
هېواد او اصلاح ورځپاڼو هم په خپلو نننېو ګڼو كې بېلابېل تحليلي مطالب خپاره كړي.
هېواد په خپلې سرمقالې كې په كابل كې د ملګرو ملتونو له نوي ځانګړي استازي څخه د افغانونو هيلې څيړلي دي او په دې يي ټينګار كړى چې د ملګرو متلونو د عمومي منشي نوى استازى بايد هرڅه له افغان مشرتابه سره په نږدې همكارۍ، تفاهم او همغږۍ ترسره كړي.
خو اصلاح په خپلې يو تبصرې كې د اداري فساد پر ضد په مبارزې تبصره كړې او په دې برخه كې يې د لا جدي هلو ځلو غوښتنه كړې.
افغانستان ټایمز:
افغانستان ټايمزانګليسي ژبې ورځپاڼې په كابل كې د ملګرو ملتونو دعمومي منشي د نوي استازي په ماموريت تبصره كړې او ليكلي يې دي، د ملګرو ملتونو دغه لوړ پوړى استازى په افغانستان كې له يوه سخت كال وروسته خپل ماموريت پيلوي او له خنډونو ډكه اوږده لاره په مخ كې لري.
سرنوشت ورځپاڼې په ايران كې كې له شپږو زرو افغان زندانيانو څخه د درېو زرو د اعدام د محكومېدو د پريكړې په اړه يو مطلب خپور كړى او د ولسي جرګې د غړېو له قوله يي ليكلي، چې د ايران پارلمان افغانستان ته د زندانيانو د انتقال د موافقه ليك تصويب ځنډولى دى.
ورځپاڼې د ملي مشرۍ تشه تر سرليك لاندې په يوه بل مطلب كې د افغانستان د اوسنۍ مشرتابه ستونزې څيړلي دي.
سرنوشت د خپلې نننۍ ګڼې په سرمقالې كې د حكومت په چارو او د ولسمشر په صلاحيتونو تبصره كړې.
انیس:
انيس دولتي ورځپاڼې په خپلې سرمقالې كې په ځينو سيمو كې د ښوونځيو د تړل كېدو زيانونه څيړلي دي او په يوې برخه كې يې ليكلي دي، قومي مشران او سيمه اېز مخور كسان بايد د دې ستونزې د هواري لپاره مبازره وكړي.
ورځپاڼې په يوه بل مطلب كې په ايران كې د افغان ګډوالو وضعيت څيړلى او ليكلي يې دي چې دا كډوال تراوسه پورې له بېلابېلو ستونزو رنځيږي.
ویسا:
ويسا ورځپاڼې د خپل لومړي مخ په غټ سرليك كې ليكلي دي، چې په قبايلي سيمو كې د طالبانو او القاعده ترمنځ اختلافات ډير شوي.
ورځپاڼې په خپل مطلب كې زياته كړې، نيول شوېو طالب مشرانو په تحقيقاتو كې ويلي دي چې طالبانو د القاعده د نغدي مرستو له اخيستلو ډډه كړې.
ورځپاڼې په يوه بل مطلب كې د امريكا د ولسمشر بارك اوباما پاليسۍ څيړلي او ليكلي يې دي، نوموړى غواړي چې په افغانستان كې په خپلو پاليسيو له سره كتنه وكړي.
د ليكوال په باور اوباما اوس دې ته چمتو شوى چې له وسلوالو طالبانو سره خبرې اترې پيل كړي.
ورځپاڼې همدا راز د خپلې نننۍ ګڼې په سرمقالې كې په دې ټينګار كړى دى چې افغان چارواكي بايد نور د افغانستان په اړه د بهرنيو چارواكو او ادارو د څرګندونو پر خلاف چوپ پاتې نه شي.
په سرمقالې كې په دې برخه كې د ايران د ولسمشر وروستيو څرګندونو او د افغانانو د بشري وضعيت په اړه د امريكا د بهرنيو چارو وزارت راپور ته اشاره كړې.
ملي ارمان:
ملي ارمان ورځپاڼې هم په خپلې سرمقالې كې په افغان دولت انتقاد كړى، چې د خپل كليدي متحده د امريكا متحده ايالاتو په اړه يې د ايران د جمهور رئيس د وروستيو څرګندونو ځواب ور نه كړ.
ورځپاڼې په يوه بل مطلب كې د افغانستان او عراق وضعيت سره پرتله كړى دى او ليكلي يې دي، د افغانستان مشران بايد له عراقي مشرانو زده كړه وكړي.
د مقالې د ليكوال په باور عراقي مشران په خپل هېواد كې د نړېوالو ځواكونو له موجوديت نه ګټه اخلي.
هېواد او اصلاح:
هېواد او اصلاح ورځپاڼو هم په خپلو نننېو ګڼو كې بېلابېل تحليلي مطالب خپاره كړي.
هېواد په خپلې سرمقالې كې په كابل كې د ملګرو ملتونو له نوي ځانګړي استازي څخه د افغانونو هيلې څيړلي دي او په دې يي ټينګار كړى چې د ملګرو متلونو د عمومي منشي نوى استازى بايد هرڅه له افغان مشرتابه سره په نږدې همكارۍ، تفاهم او همغږۍ ترسره كړي.
خو اصلاح په خپلې يو تبصرې كې د اداري فساد پر ضد په مبارزې تبصره كړې او په دې برخه كې يې د لا جدي هلو ځلو غوښتنه كړې.
افغانستان ټایمز:
افغانستان ټايمزانګليسي ژبې ورځپاڼې په كابل كې د ملګرو ملتونو دعمومي منشي د نوي استازي په ماموريت تبصره كړې او ليكلي يې دي، د ملګرو ملتونو دغه لوړ پوړى استازى په افغانستان كې له يوه سخت كال وروسته خپل ماموريت پيلوي او له خنډونو ډكه اوږده لاره په مخ كې لري.