د افغانستان د لوړو زد كړو وزير وايي په نيژدې راتلوونكي كې په كابل كې د لوړو زده كړو د وزارت د نوي ستراتيژۍ د پيژندګلوي لپاره يو لوى كنفراس جوړ كړي.
محمد اعظم دادفر د پجشنبې په ورځ خبريالانو ته وويل په دغه كنفرانس كې به د هېواد د لوړو زد كړو په برخه كې د شتو ستونزو د حل پر لارو چارو هم بحث وشي.
"همدغه ځاى دى چې د افغانستان د لوړو زده كړو تګلاره ټاكي، چې كومې خوا ته روانه ده، البته په دې كې د افغانستان حالات په نظر كې نيول سوي دي.
موږ د خپل توان له مخې دا ارزولې، چې مشكلات څنګه حل كړو په ځانګړې ډول د كيفيت مساله. د ماسټرۍ خبره مهمه ده، موږ خپل استادان د ماسترۍ تر حده رسو او بايد ماسټري په افغانستان كې پيل كړو."
د لوړو زده كړو د وزارت چارواكي وايي، چې اوس مهال دوى د علمي او مسلكي كدرونو د كمښت، مالي ستونزو او په ځينو برخو كې د زده كړو د ټيټ كيفيت په برخه كې له سختو ستونزو سره مخ دي، چې د حل لپاره يې جدي هڅې روانې دي.
په دې خبري غونډه كې په كابل كې د كرنې لپاره د يو بل پوهنتون د جوړولو يادونه هم وشوه.
د لوړو زده كړو د وزارت تدريسي مرستيال محمد عثمان باربري وويل، دغه پوهنتون به ډېر ژر د هند د حكومت په مالي مرسته جوړ سي.
"هغه پوهنتون چې هندوستان يې په افغانستان كې جوړوي درې عمد برخي لري، لومړۍ وترنري، دوهم كرنه او وروستۍ د باغدارۍ څانګه ده.
د لوړو زده كړو د وزارت وړانديز دا دى چې په دغه پوهنتون كې د خوړو د ټيكنالوژۍ يوه څانګه هم جوړه سي، په دې خاطر چې زموږ د لوړو زده كړو موسسې د خواړو د ټيكنالوژۍ اسانتياوي نه لري."
هند د افغان حكومت سره د ښوونې په برخه كي يو فعال همكار بلل كيږي او هر كال افغانستان ته د لوړو زده كړو پنځه سوه بورسونه په واك كې وركوي.
په دې وروستيو كلونو كې د لوړو زده كړو د ښه كولو لپاره كوښښونه روان دي او د دولتي پوهنتونو تر څنګ لسګونه شخصي پوهنتونه هم فعاليت كوي.
خو څنګه چې تمه كيږي په افغانستان كې لوړي زده كړې اوس هم ښه حالت نه لري.
"همدغه ځاى دى چې د افغانستان د لوړو زده كړو تګلاره ټاكي، چې كومې خوا ته روانه ده، البته په دې كې د افغانستان حالات په نظر كې نيول سوي دي.
موږ د خپل توان له مخې دا ارزولې، چې مشكلات څنګه حل كړو په ځانګړې ډول د كيفيت مساله. د ماسټرۍ خبره مهمه ده، موږ خپل استادان د ماسترۍ تر حده رسو او بايد ماسټري په افغانستان كې پيل كړو."
د لوړو زده كړو د وزارت چارواكي وايي، چې اوس مهال دوى د علمي او مسلكي كدرونو د كمښت، مالي ستونزو او په ځينو برخو كې د زده كړو د ټيټ كيفيت په برخه كې له سختو ستونزو سره مخ دي، چې د حل لپاره يې جدي هڅې روانې دي.
په دې خبري غونډه كې په كابل كې د كرنې لپاره د يو بل پوهنتون د جوړولو يادونه هم وشوه.
د لوړو زده كړو د وزارت تدريسي مرستيال محمد عثمان باربري وويل، دغه پوهنتون به ډېر ژر د هند د حكومت په مالي مرسته جوړ سي.
"هغه پوهنتون چې هندوستان يې په افغانستان كې جوړوي درې عمد برخي لري، لومړۍ وترنري، دوهم كرنه او وروستۍ د باغدارۍ څانګه ده.
د لوړو زده كړو د وزارت وړانديز دا دى چې په دغه پوهنتون كې د خوړو د ټيكنالوژۍ يوه څانګه هم جوړه سي، په دې خاطر چې زموږ د لوړو زده كړو موسسې د خواړو د ټيكنالوژۍ اسانتياوي نه لري."
هند د افغان حكومت سره د ښوونې په برخه كي يو فعال همكار بلل كيږي او هر كال افغانستان ته د لوړو زده كړو پنځه سوه بورسونه په واك كې وركوي.
په دې وروستيو كلونو كې د لوړو زده كړو د ښه كولو لپاره كوښښونه روان دي او د دولتي پوهنتونو تر څنګ لسګونه شخصي پوهنتونه هم فعاليت كوي.
خو څنګه چې تمه كيږي په افغانستان كې لوړي زده كړې اوس هم ښه حالت نه لري.