م.م: د انتخاباتو امنيت ته پراخ پلان جوړ شوى

ملګري ملتونه وايي چي په افغانستان كې د انتخاباتو د امنيت لپاره پراخ نيول شوي پلان ښايي د ډاډ وړ وي.

دغه خبره په كابل كي د ملګرو ملتونو يوه وياند عليم صديق نن په يوې خبري غونډه كې وكړه.

هغه زياته كړه افغان او نړيوالو ځواكونو د انتخاباتو د امنيت لپاره يو پراخ پلان جوړ كړى چې ګام پرګام به عملي شي.

ښاغلي صديق وړاندې وويل چې لاهم د انتخاباتو د امنيت په اړه يو لړ انديښنې وجود لري او كوښښ روان دى چې حل شي.