د ولسمشرۍ کاندیدانو انتخاباتي کمپاین پیل کړ

نن په افغانستان كې د د ولسمشرۍ د راروانو انتخاباتو لپاره کاندیدانو په رسمي توګه انتخاباتي مبارېزې پیل کړې .

د انتخاباتو د خپلواك كميسيون وياند نور محمد نور ازادۍ راډيو ته وويل چې د كمپاين دغه لړۍ به دوه مياشتې دوام ولري.

د افغانستان د اطلاعاتو فرهنګ وزارت هم د يوې اعلاميي په خپرولو سره له ټولو كانديدانو غوښتي دي چې د كمپاين پرمهال دمعلوماتو د وركولو په برخه كې له ژورنالستانو سره مرسته وكړي.

د افغانستان لپاره د ملګروملتونو خاص استازي كايد ايډه هم څو ورځې مخكې د ولسمشرۍ كانديدانو ته د كمپاين كولو يو لارښود وركړى و .