د هند د کرکټ د غوره لیګ یا آی پي ایل د سیالیو په دوهمه ورځ تېره شپه چینای سوپرکینګز لوبډلې، مومبی انډینز ته په ۴ ویکټونو ماته ورکړه.
د چینای سوپرکینګز په بري کې د افغان لوبغاړي نوراحمد ښې توپ اچونې ډېر رول ولوباوه.
نور احمد په ۴ اورونو کې نه یوازې د سیالې لوبډلې ۴ تکړه لوبغاړي وسوځول، بلکې تر ټولو لږ منډې یعني یوازې اتلس منډې یې ورکړې.
د ښې لوبې په خاطر نور احمد د تېرې شپې د سیالۍ غوره لوبغاړی ونومول شو.
ټاکل شوې ده چې د هند د کرکټ د غوره لیګ د سیالیو په دوام کې نن ډیلي کپیټلز له لکنهو سوپر ګېنټس سره مخامخ شي.
آی پي ایل په نړۍ کې د کرکټ د سیالیو تر ټولو ستر لیګ دی.