د لاسرسۍ وړ لېنکونه

تازه خبر
سه شنبه ۱۲ چنګاښ ۱۴۰۳ کابل ۰۵:۱۶

خبرونه

ګوربز او فاروقي د ۲۰۲۴ جام غوره توپ وهونکي او اچونکي شول

شل اوریز نړیوال جام؛ رحمن الله ګربز او فضل حق فاروقي د دې پړاو مخکښ لوبغاړي شول.

د کرکټ شل اوریز نړیوال جام چې د هندوستان په اتلولۍ سره پای ته ورسېد، د مخکښو لوبغاړو په توګه دوه افغان لوبغاړي رحمن الله ګربز او فضل حق فاروقي پاتې شول.

پیلیز افغان توپوهونکي رحمن الله ګربز په دې ټورنمنټ کې ۸ سیالۍ ترسره کړې او ۲۸۱ منډې وکړې چې تر پایه تر نورو توپوهونکو مخکې و.

دغه راز د توپ اچونکو په ډله کې بیا چټک افغان لوبغاړي فضل حق فاروقي په ۸ سیالیو کې ۱۷ لوبغاړي وسوځول او تر پایه تر نورو توپ اچونکو مخکې و.

د ویلو ده چې افغانستان په نیمه پایلوبه کې سویلي افریقا ته سیالي وبایلله.

د ورځې تازه خبرونه دلته ولولئ

د هنګري صدراعظم کییف ته رسېدلی

د عکس ښي لور ته د اوکراین ولسمشر ولادیمیر زیلینسکي او چپ لور ته د هنګري صداعظم د اوکراین ویکتور اوربان په کییف کې د روغبړ پر مهال
د عکس ښي لور ته د اوکراین ولسمشر ولادیمیر زیلینسکي او چپ لور ته د هنګري صداعظم د اوکراین ویکتور اوربان په کییف کې د روغبړ پر مهال

د هنګري صدراعظم د اوکراین د جګړې له پیل راهیسې لومړی ځل دی چې د اوکراین پلازمېنې کییف ته سفر کړی دی.

د هنګري د حکومت ویاند نن دجولای دویمه پر خپلې ایکسپاڼې یا پخواني ټویټر اوکراین ته د اوربان سفر تایید کړی دی.

اوکراین ته د هنګري د دې لوړپوړي چارواکي دا سفر په داسې حال کې دی چې پرون د جولای لومړی نېټه هنګري د اورپايي ټولنې د شورا مشري پر غاړه واخیسته.

دا سفر، چې د اوکراین له ولسمشر ولادیمیر زیلینسکي سره په کې د اوربان لیدنه شامله ده، کییف ته د لوېدیځو هېوادونو د دوامداره پوځي مرستو په اړه د اوربان نیوکو ته په کتو د پام وړ ګرځېدلی دی.

ویکتور اوربان یو له هغوو څو ګوته په شمار لوېدیځو مشرانو څخه دی چې پر اوکراین د روسیې له یرغل وروسته يې د روسیې له ولسمشر ولادیمیر پوتین سره کتلي دي.

کییف تراوسه د اوربان د سفر په اړه څه نه دي ویلي، خو د راپورونو پر بنسټ رسنیو په یوه خبري کنفراس کې د ګډون بلنلیکونه ترلاسه کړي دي.

د پاکستان پوځ په خیبرپښتونخوا کې د ۹ وسله‌والو د وژلو ادعا وکړه

د پاکستان پوځ ادعا کوي چې په خیبرپښتونخوا کې يې ۹ وسله‌وال وژلي دي.

د پاکستان پوځ د جولای په لومړۍ نېټه په یوې خبرپاڼه کې ویلي، دا کسان يې د خیبرپښتونخوا په تیرا او لکي مروت سیمو کې په یو لړ عملیات کې وژلي دي.

په خبرپاڼه کې وړاندې راغلي، دا عملیات د استخباراتي معلوماتو پر اساس شوي چې په کې له وسله‌والو چادوېدونکې مواد هم لاسته راغلي دي.

د پوځ په خبرپاڼه کې ویلي شوي، د نهو وسله‌والو له ډلې ۷ يې په تیرا او دوه نور يې په لکي مروت کې وژل شوي دي.

پوځ تراوسه د وژل شویو کسانو د هویت په اړه څه نه دي ویلي.

د پاکستان حکومت د تېرې جون میاشتې په ۲۳مه د عزم استحکام په نوم د پوځي عملیاتو پیلولو پرېکړه کړې وه.

د پاکستان صداعظم شهباز شریف د دې عملیانو په اړه ویلي وو چې دا پرخ عملیات نه دي او د خلکو برخې اخیستو ته په کې اړتیا نه‌شته.

د فلسطین طبي مسوولان په خان‌یونس کې د ۸ کسانو د وژلو خبر ورکوي

په غزه کې د اسراییلي ځواکونو د عملیاتو یو انځور
په غزه کې د اسراییلي ځواکونو د عملیاتو یو انځور

د فلسطین د سرې میاشتې او طبي چارو مسوولان وايي، د غزې په جنوبي ښار خان‌یونس کې د اسراییل په تازه بریدونو کې اته کسان وژل شوي او تر ۳۰ ډېر ټپیان دي.

دغو بریدونو په دې ګڼ مېشت ښار کې سلګونه کسان تېښتې ته اړ کړي دي.

په عین حال کې د اسراییل پوځ د غزې په جنوبي سیمو کې له خلکو غوښتي چې له خپلو سیمو ووځي.

دا بریدونه وروسته له هغې دي چې د فلسطین اسلامي جهاد ډلې د اسراییل پر ښارګوټو توغندي وتوغول.

د فلسطین د جهاد ډله له حماس وسله‌والې ډلې سره یوځای د اسراییل پر ضد جګړه کوي.

حماس هغه ډله ده چې امریکا او اروپايي ټولنه يې ترهګر سازمان بولي.

طالب وزیر د افغاني تولیداتو د نندارتون په پرانیستو کې د ګډون لپاره تاشکند ته لاړ

د طالبانو د صنعت او سوداګرۍ وزیر نورالدین عزیزي د ازبکستان له مرستیال صدراعظم سردار عمرزاکوف سره- د ۲۰۲۲ د جولای ۴ مه
د طالبانو د صنعت او سوداګرۍ وزیر نورالدین عزیزي د ازبکستان له مرستیال صدراعظم سردار عمرزاکوف سره- د ۲۰۲۲ د جولای ۴ مه

د طالبانو د حکومت د صنعت او سوادګرۍ وزیر نورالدین عزیزي نن سهار سې شنبې د جولای دویمه د یوه پلاوي په مشری ازبکستان ته لاړ.

د طالبانو د تر کنټرول لاندې باختر خبري اژانس د عزیزي له قوله د دې سفر موخه په ازبکستان کې په هغه څلور ورځني نندارتون کې چې شاوخوا ۲۵۰ افغان سوادګرو په کې برخه اخلي، ګډون بللی دی.

وړاندې د عزیزي له قوله ویلي شوي وو چې دوی به په دې سفر کې خپل تجارتي پروګرامونه د ازبکستان له چارواکو سره شریک کړي.

ټاکل شوې نن د ازبکستان په پلازمېنه تاشکند کې د افغاني تولیداتو درې ورځنی نندارتون پرانیستل شي.

د طالبانو حکومت تر کنترول لاندې ملي تلوېزیون ویلي، په دې نندراتون کې به افغاني غالۍ، لاسي صنایع، قیمتي کاڼي، وچه مېوه او ځني نور محصولات نندارې ته وړاندې شي.

طالب چارواکو په دې نندارتون کې د ښځینه صنعتکارانو او سوداګرو د ګډون او نه ګډون په اړه تراوسه څه ویلي نه دي.

له پاکستانه ۳۰۰ افغان کورنۍ خپل هېواد ته ستنې شوې

ارشیف: له پاکستانه ایستل شوي کډوال
ارشیف: له پاکستانه ایستل شوي کډوال

د طالبانو تر کنټرول لاندې باختر خبري اژانس وايي، له پرون راهیسې له پاکستانه نژدې درې سوه کورنۍ بېرته افغانستان ته راستنې شوي دي.

دې اژانس نن پر خپلې ایکسپاڼې یا پخواني ټویټر لیکلي، له دغو کورنیو ۵۳ يې د کندهار د سپین بولدک، ۴۴ يې د نیمروز د وریښمو پل او ۱۲۱ نورې يې د اسلام کلا له لارې بېرته هېواد ته راغلي دي.

د اژانس پر اساس، له دې ډلې شپږ کورنۍ خپلو سیمو ته لېږدول شوې، او پر یو شمېر نورو کورنیو مرستې هم ویشل شوي دي.

دا افغانان په داسې حال کې بېرته افغانستان ته ستنیږې چې له پاکستان څخه یوازې په تېرې جون میاشت کې ۲۲زره افغان کډوال افغانستان ته راستانه کړای شوي وو.

مجاهد وايي، د ایران له استازي سره یې پر سیمه‌ییز اتصال خبرې کړي

په دوحه کې د طالبانو د شپږ کسیز پلاوي مشر او د طالبانو د حکومت ویاند ذبیح‌الله مجاهد
په دوحه کې د طالبانو د شپږ کسیز پلاوي مشر او د طالبانو د حکومت ویاند ذبیح‌الله مجاهد

په دوحه کې د طالبانو د شپږ کسیز پلاوي مشر او د طالبانو د حکومت ویاند ذبیح‌الله مجاهد وايي، د افغانستان لپاره د ایران له ځانکړي استازي سره يې د اړیکو پر پراختیا او سیمه‌ییز اتصال خبرې کړي دي.

مجاهد نن پر خپلې ایکسپاڼې یا پخواني ټویټر لیکلي، دا خبرې يې په دوحه کې د ایران له ځانګړي استازي حسن کاظمي قمي سره په کتنه کې کړي دي.

مجاهد پر ایکسپاڼې په یو بل پیغام کې د افغانستان لپاره د پاکستان د ځانګړي استازي اصف دراني او په دوحه کې د دغه هیواد له سفیر سره د کتنې هم ویلي دي.

د قطر پلازمېنه دوحه د جون په ۳۰مه او د جولای په لومړی نېټه د سرطان لسمه او یوولسمه د ملګرو ملتونو په کوربه‌توب د افغانستان په اړه د یوې ناستې کوربه وه.

دې ناستې ته د مجاهد په مشری د طالبانو د حکومت شپږ کسیز پلاوی ورغلی و.

د دوحې په ناسته کې د افغان ښځو او مدني فعالانو استازو ته د ګډون بلنه نه وه ورکړل شوې.

فوټبال؛ پرتګال او فرانسې هم منځلوبو ته لار پیدا کړه

د اروپا اتلانو لیګ د ۱۶ غوره لوبډلو په پړاو کې پرون دوشنبې (د جولای په لومړې نېټه) دوه سیالۍ وشوې چې په لومړۍ کې فرانسې ۱ـ۰ بلجیم او په دویمې سیالۍ کې پرتګال د پینالټي په شوټونو سلوانیا ته ۳ـ۰ ماتې ورکړه.

دې بریو فرانسه او پرتګال منځلوبو ته ورسول او دواړه لوبډلې به د جولای په ۵ مه نېټه منځلوبه یا کواټرفاینل ترسره کوي.

ټاکل شوې چې د ۱۶ غوره لوبډلو پړاو به نن سې شنبه د رومانیا او هالنډ یا نیدرلنډ او اتریش او ترکیې په لوبو سره پای ته ورسیږي.

د ویلو ده چې د منځلوبو پړاو به د جولای په ۵ مه نېټه د هسپانیا او کوربه جرمني ترمنځ پیل شي.

پر ترانس افغان پروژې څلوراړخیزې خبرې وشوې

دوحې ته د طالبانو د حکومت تللي پلاوي د ازبکستان، پاکستان او قطر له استازو سره پر (افغان ترانس) پروژې خبرې کړې دي.

افغان ترانس له ازبکستان څخه د افغانستان له لارې پاکستان ته د ریللار یا د ریلاګاډي پټلۍ د غځولو پروژه ده چې د درې واړو هېوادونو د تجارتي اړیکو لپاره مهمه بلل کیږي.


د طالبانو د حکومت ویاند او دوحې ته د دوی د تللي پلاوي مشر ذبیح الله مجاهد بیګا ناوخته پر خپله ایکس پاڼه/ پخواني ټویټر لیکلي، ګډونوالو د دې پروژې د کار د ژر تر ژره پيل غوښتنه وکړه.

په افغانستان کې دا ریللار، چې ۶۴۷ کیلومتره اوږدوالی لري، له مزارشریف څخه پیلیږي، له سمنګان، بغلان، بامیان، میدان وردک، لوګر او پکتیا ولایتونو څخه تېرېږي او په ډنډوپټان ولسوالي کې د پاکستان له ریللار سره یوځای کېږي.

تر دې وړاندې د ازبکستان چارواکو ویلي و چې دغه پروژه به تر ۲۰۲۷ کال پورې بشپړه شي.

د پروژې لګښت څه باندې څلورنیم میلیارده ډالره اټکل شوی دی.

مسکو پر طالبانو د بندیزونو په لیرې کولو غور کوي

د روسیې ځانګړی استازی د طالبانو د کانونو او پیترولیم له وزیر سره روغبړ کوي
د روسیې ځانګړی استازی د طالبانو د کانونو او پیترولیم له وزیر سره روغبړ کوي

په ملګرو ملتونو کې د روسیې استازی واسیلي نبنزیا وایي، مسکو پر طالبانو د لګول شویو بندیزونو په لیرې کولو غور کوي.

د یورو اکتیف خپرونې د لیکنې پر اساس، نبنزیا پرون دوشنبې دا څرګندونې داسې مهال وکړې چې د طالبانو یوه پلاوي په دوحه کې د نړیوالې ټولنې له استازو سره ناسته درلوده.

نبنزیا خپرونې ته ویلي، پر دې حقیقت سترګې نه شي پټیدای چې طالبان دا مهال افغانستان اداره کوي او باید په همدې ترتیب له هغوی سره معامله وشي.

نبنزیا ونه ویل چې دوی به څه وخت په عملي توګه طالبان د بندیزونو له لسته وباسي.


تر دې وړاندې د روسیې ولسمشر ولادمیر پوتین او د کابینې څو نورو غړو هم له طالبانو سره د اړیکو د پياوړتیا او پر هغوی د بندیزونو د لرې کولو په تړاو ورته څرګندونې کړې دي.


طالبان له ۲۰۰۳ کال راهیسې په روسیه کې د منع شویو ترهګرو ډلو په لیست کې دي.

د م.م. د بشري حقونو یوې ډلې د عمران خان د فوري خوشي کېدو غوښتنه وکړه

عمران خان
عمران خان

د ملګرو ملتونو د بشري حقونو یوې ډلې پرون دوشنبې د پاکستان د پخواني صدر اعظم عمران خان د ژر تر ژره خوشې کېدو غوښتنه وکړه او ویې ویل، نوموړی له محاکمې پرته او د نړیوالو قوانینو خلاف د حبس شپې ورځې تیروي.

د ملګرو ملتونو د بشري حقونو کاري ډلې چې په جنیوا کې مېشته ده، دا غوښتنه د عمران خان د فساد د قضیې تر څېړلو وروسته وکړه، هغه قضیه چې حکم یې تېر کال صادر شو.

عمران خان له ۲۰۲۲ کال راهیسې په بېلابېلو قضیو کې په لاس لرلو تورن شوی او زندان ته اچول شوی دی.

د پاکستان د حکومت له خوا د دې ډلې غوښتنې ته کوم ځواب نه دی ورکړل شوی.

عمران خان د ۲۰۲۳ کال په اګست کې د دولتي سوغاتونو د پلور او د هغو د پيسو د پټولو په تور زندان ته واچول شو.

محکمې حکم عمران خان له سیاسي فعالیته او د تېرې فبرورۍ میاشتې په ټاکنو کې له ګډونه منع کړ.

نور راوښيه

XS
SM
MD
LG