د فټنس او بدن ښکلا افغان لوبغاړي علي بلال د مستر المپیا سیالیو ته لار پیدا کړې.
د افغانستان د اندام د ښکلا او فتنس فدراسیون لیکلي چې علي بلال په امریکا کې د پیتسبورګ سیالیو اتلولي ګټلې او ورسره یې د ۲۰۲۴ کال د المپيا سیالیو چانس هم ترلاسه کړی.
مستر المپیا لوبې د اندام د ښکلا او د فټنس تر ټولو معتبره نړیوالې لوبې دي.
علي بلال تر اتلولۍ وروسته په خپله فیسبوک پاڼه لیکلي چې له ټولو د ملاتړ او مینې په خاطر مننه کوي.
علي بلال ۲۰۲۲ کال د ارنولد کلاسیک فتنس سیالیو اتلولي ګټلې او پنځه واره هم د فتنس او اندام د ښکلا د نړیوال فدراسیون د حرفه يي برخې اتلولي خپله کړې ده.