د افغان کرکټ بورډ ادارې په نوښت په کابل کې د قوش تپې شل اوریزه سیالیو د پیل شوي لیګ په سیالیو کې تر دې دمه د بند امیر لوبډله پایلوبې ته رسېدلې ده.
په یاد لیګ کې چې پینځو لوبډلو برخه درلوده، سپین غر یوازینۍ لوبډله وه چې د ۸ لوبو په کولو سره یې یوازې دوه وګټلې، یوه یې مساوي کړه او ۵ یې وبایللې.
تر سپین غر وروسته د امو لوبډله هم په ټورنمنټ کې له مخکې تګ پاتې شوه.
د مس عینک لوبډله که خپلې راتلونکې دواړه سیالۍ وګټي، نو پایلوبې ته به ورسیږي.
بوست لوبډله چې ۸ نومرې لري، د مس عینک لوبډلې د دواړه سیالیو د بایللو په صورت کې فاینل ته رسېدلی شي.
د ویلو ده چې د یاد لیګ پایلوبه د می میاشتې په ۱۳مه نېټه ترسره کېږي.