د افغانستان د فوټسال ملي لوبډلې د اسیا جام په سیالیو کې منځلوبه (کوارټرفاینل) ۲ـ۱ تاجکستان ته وبایلله.
یاده سیالي چې نن چهارشنبه د کابل پر وخت ۱۱:۳۰ بجې په تایلینډ هېواد کې پیل شوې وه، د لوبې تر پایه تاجکستان ۲ او افغانستان ۱ ګول ترسره کړ.
د یادې لوبې په لومړۍ نیمايي کې تاجکستان د یو ګول په وهلو سره مخکې و، خو د دویمې نیمايي له پیل سره افغان لوري هم ګول وکړ.
که څه هم د لوبې ټاکلی وخت په ۱ـ۱ ګول سره پای ته ورسېده، خو د لوبې د پایلې معلومېدو په موخه په ورکړل شوي اضافي وخت کې افغان لوبغاړي خطا وکړه چې د پینالټي شوټ باعث شوه.
تاجکستان دغه پینالټي په ګول بدله کړه او په دې سره یې نیمه پایلوبې او نړیوال جام ته لار پیدا کړه.
دا لومړی ځل و چې افغانستان د فوټسال په سیالیو کې د کوارټرفاینل پړاو ته رسېدلی و.
د ویلو ده چې په یاد جام کې د افغانستان ملي لوبډلې سفر بشپړ شو او نړیوال جام ته د رسېدو هیلې یې هم پاتې شوې.