د لاسرسۍ وړ لېنکونه

تازه خبر
سه شنبه ۲۸ وری ۱۴۰۳ کابل ۰۵:۲۴

ای پي ایل؛ په لومړي ځل درې افغان لوبغاړي په یوه لوبډله کې لوبه کوي


ارشیف
ارشیف

د هندوستان غوره لیګ (اي پي ایل) په ۱۲مه سیالۍ کې نن یکشنبه ګجرات ټایټانز لوبډله د سن رایزر حیدراباد پر وړاندې سیالي کوي.

دغه سیالي د ګجرات لوبډلې په کوربتوب د احمداباد په نریندر مودي لوبغالي کې په څو شېبو کې پیليږي.

د ګجرات په لوبډله کې نن درې افغان لوبغاړي راشدخان، نوراحمد او عظمت الله عمرزی لوبه کوي.

دا لومړی ځل دې چې د ای پي ایل په یوه لوبډله کې درې افغان لوبغاړي لوبيږي.

دواړو لوبډلو تر دې دمه یوه – یوه سیالي ګټلې او یوه ـ یوه یې بایللې ده. خو د سن رایزر لوبډلې په خپلې وروستۍ سیالۍ کې د زیاتو ۲۷۷ منډو جوړولو له امله تاریخ جوړ کړی و.

د ننۍ سیالۍ پچه حیدراباد ګټلې او د توپ وهنې پرېکړې یې کړې ده.

د ویلو ده چې د ای پي ایل په سیالیو کې هره یکشنبه دوه سیالي ترسره کېږي، د نن ورځې دویمه لوبه د ډهلي کپیټلز او چینای سوپرکینګز لوبډلو ترمنځ ده.

XS
SM
MD
LG