د بې سرحده ډاکټرانو ټولنه یا MSF وايي چې د افغانستان د روغتیایي برخې ستونزې د صحي تاسیساتو د لازیانمنېدو او د روغتیاپالانو د نور کمي سبب شوي او په پایله کې ډېر خلک له روغتیايي خدمتونو بې برخې شوي دي.
MSF په یوه مفصل راپور کې چې پرون دوشنبې یې خپورکړی وايي، له دې سره د روغتیایي وضعیت د لا خرابېدو او د زېږون پر مهال د ماشومانو د مړینې د زیاتېدو خطر رامنځ ته شوی دی.
د MSF راپور زیاتوي چې افغانستان له پخوا راهیسې هم دا ستونزې لرلې، خو د ۲۰۲۱ کال په اګست کې د نظام له بدلون او د هغه په نتیجه کې له افغانستان سره د نړیوالو د مرستو تر کمېدو وروسته له نورو ننګونو سره مخامخ شوی دی.
په افغانستان کې د روغتیایي ستونزو په اړه نوریاس نوري د افغانستان د اسلامي طبي اتحادیې له مشر ډاکټرمحمد یوسف طیب سره مرکه کړې او لومړی یې پوښتنه ترې کړې چې ایا روغتیايي وضعیت په افغانستان کې دومره خراب دی چې ډیرخلک له روغتیایي خدمتونو بې برخې دي؟
