د لاسرسۍ وړ لېنکونه

تازه خبر
سه شنبه ۸ کب ۱۴۰۲ کابل ۰۵:۱۶

نړۍ

د یوه پاکستاني چارواکي ادعا؛ د طالبانو حکومت دوه مخې لوبه راسره کوي

په سپین بولدک کې د پاکستان او طالبانو بیرغونه
په سپین بولدک کې د پاکستان او طالبانو بیرغونه

د بلوچستان د اطلاعاتو سرپرست ایالتي وزیر جان اڅکزي ادعا وکړه چې په افغانستان کې د طالبانو حکومت د دې پرځای چې په پاکستان کې په حملو کې دخیل عناصر چې د افغانستان له خاورې استفاده کوي، دوی ته تسلیم کړي، دوه مخې لوبه کوي.

نوموړي، چې په دې باب پرون شنبه یوه کنفرانس ته څرګندونې کولې ادعا وکړه چې د طالبانو حکومت دا موضوع جدي نه اخلي.

د پاکستاني رسنیو د راپورونو له مخې، جان اڅکزی وایي پاکستان په وار- وار د هغو عناصرو د ورسپارل کېدو غوښتنه کړې چې لیست یې له وړاندې د اسلام اباد له خوا له شواهدو سره یوځای کابل ته سپارل شوی، خو د ده په وینا د افغانستان اوسنيو حاکمانو تر اوسه مثبت ځواب نه دی ویلی.

پاکستان له څه باندې دوو کلونو راهیسې تور لګوي، هغه افراطي وسلوال چې په افغانستان کې دېره دي، په پاکستان کې خونړۍ حملې تنظیموي، هغه تور چې په افغانستان کې د طالبانو حکومت رد کړی دی.

د ورځې تازه خبرونه دلته ولولئ

په شل اوریزو سیالیو کې د چټکې سلیزې ریکارډ مات شو

د نامیبیا کیڼ لاسي توپ وهونکي جان نیکول د یوې درې اړخیزې لوبلړۍ پرمهال د نيپال پر وړاندې په ۳۳ توپونو سلیزه وهلې ده.
د نامیبیا کیڼ لاسي توپ وهونکي جان نیکول د یوې درې اړخیزې لوبلړۍ پرمهال د نيپال پر وړاندې په ۳۳ توپونو سلیزه وهلې ده.

د نامیبیا کیڼ لاسي توپ وهونکي جان نیکول د یوې درې اړخیزې لوبلړۍ پرمهال د نيپال پر وړاندې په ۳۳ توپونو سلیزه وهلې ده.

دا په شل اوریزو سیالیو کې تر ټولو چټکه سلیزه ده.

۲۲ کلن نیکول چې په ۵م نمبر توپوهنې ته راښکته شوی و په ۳۳ توپونو یې ۱۰۰ منډې پوره کړې دي.

هغه ۸ شپږیزې او ۱۱ څلوریزې ووهلې.

تر نوموړي وړاندې دا ویاړ د نیپال د لوبغاړي کوشال مالا په نوم و چې په ۳۴ توپونو یې د نامیبیا خلاف سلیزه وهلې وه.

دا سیالي د فبرورۍ په ۲۷مه نېټه نن سه شنبه په نیپال کې ترسره شوه چې د ۲۰ منډو په توپیر نامیبیا وګټله.

د نیوزیلینډ د ټېسټ کرکټ مخکښ توپ اچونکي تقاعد اعلان کړ

نیل واګنر د خپل هېواد لپاره ۶۴ ټېسټ سیالۍ ترسره کړي، په ۱۲۲ پاڼیو کې یې ۲۶۰ وېکټې اخستې وې.
نیل واګنر د خپل هېواد لپاره ۶۴ ټېسټ سیالۍ ترسره کړي، په ۱۲۲ پاڼیو کې یې ۲۶۰ وېکټې اخستې وې.

وروسته له هغې چې د اسټرالیا پر وړاندې د راتلونکو دوو ټېسټ سیالیو لپاره کیڼ لاسی چټک توپ اچونکی نیل واګنر غوره نه‌شو، هغه هم په سمدستي توګه له نړیوال کرکټ تقاعد اعلان کړ.

ټاکل شوې چې د راتلونکې پنجشنبې په ورځ د فبرورۍ په ۲۹مه نېټه د اسټرالیا او نیوزیلینډ ترمنځ د دوه ټېسټ سیالیو لوبلړۍ پیل شي.

واګنر د یوه رسنیز کنفرانس پرمهال وویل، ورته سخته ده چې د تقاعد پرېکړه کوي، خو وی ویل: "فکر کوم نور د دې وخت نږدی شوی چې له نړیوال کرکټ لاس په سر شم او نويو ځوانانو ته د لوبېدو موقع ورکړم."

۳۷ کلن واګنر چې د رسنیز کنفرانس پر مهال یې له سترګو اوښکې روانې وې وویل، تېره اوونۍ یې د نیوزیلینډ له مشر روزونکي سره ډېرې خبرې وکړې، خو مثبت ځواب یې ترلاسه نه کړ.

د نوموړي په خبره، مشر روزونکي ورته ویلي چې نور د نیوزیلینډ د ټېسټ کرکټ په ۱۱ کسیزه لوبډله کې ورته ځای نه‌شته.

نیل واګنر د خپل هېواد لپاره ۶۴ ټېسټ سیالۍ ترسره کړي، په ۱۲۲ پاڼیو کې یې ۲۶۰ وېکټې اخستې وې.

د هغه د توپ اچونې اوسط ۲۷.۵۷ و.

نوموړي په یوه پاڼۍ کې یې ۷ لوبغاړي سوځولي وو او ۹ ځل یې د ټېسټ کرکټ په یوه پاڼۍ کې ۵ لوبغاړي سوځولي وو.

نیل واګنر یوازېنی لوبغاړی و چې په هېڅ نړیواله یو ورځنۍ سیالۍ کې یې د لوبېدو چانس ترلاسه نه کړ.

اوکراین د روسیې د ۱۱ بې پيلوټه الوتکو د ویشتو خبر ورکړ

له ارشیفه د یوه اوکرایني پوځي تصویر
له ارشیفه د یوه اوکرایني پوځي تصویر

د اوکراین پوځي چارواکي وايي چې نن سهار یې د روسیې له ۱۳ بې پیلوټه الوتکو څخه ۱۱ ویشتلي او راغورځولې دي.

د اوکراین هوايي ځواک نن په یوه بیان کې همداراز وویل چې د روسیې له شپږو کروز توغندیو څخه یې هم دوه له منځه وړي دي.

د اوکراین پوځ وايي چې دا بې پیلوټه الوتکې او توغندي د خارکییف، سوُمي، دنیپروپیتروفسک او څو نورو سیمو په فضا کې په نښه شول.

له بلې خوا د فرانسې ولسمشر ایمانویل مکرون وايي چې د اروپايي ټولنې مشرانو په خپله سرمشریزه کې د داسې یوه ایتلاف پر جوړولو موافقه کړې چې د روسیې د یرغل پر وړاندې د مقابلې لپاره اوکراین ته د منځني او اوږده واټن ویشتونکي توغندي او بمونه ورکړي.

له مکرون سره په دې غونډه کې چې تر بیګا ناوخته پورې یې دوام وکړ د جرمني صدراعظم اولاف شولڅ، د پولنډ ولسمشر اندری دودا او د بالتیک د حوزې د هېوادونو مشران هم شامل وو.

بایډن: که حماس د یرغمل شویو کسانو خلاصون ومني اسراییل به روژه کې جګړه ودروي

د امریکا د متحدو ایالتونو ولسمشر جوبایډڼ
د امریکا د متحدو ایالتونو ولسمشر جوبایډڼ

د امریکا د متحدو ایالتونو ولسمشر جوبایډڼ وایي،که له حماس سره د برمته شویو یو شمېر کسانو د خلاصون موافقه وشي؛ اسراییل به د را روانې روژې میاشتې په جریان کې په غزه کې جګړه بنده کړي.

د امریکا متحده ایالتونه او اروپایي ټولنه حماس ډله یوه ترهګره ډله ګڼي.

د متحده ایالاتو، مصر او قطر مذاکره کوونکي د یوې موافقې پرطرحې کارکوي چې له مخې به یې حماس د یوشمېر فلسطیني بندیانو د خوشې کولو او د شپږو اونیو لپاره د جګړې د درولو په بدل کې په لسګونو یرغمل شوي کسان خوشې کړي.

سخت دریځې حماس ډلې د اوکتوبر پراومه پراسراییل له برید سره شاوخوا ۱۲۰۰ کسان ووژل او ۲۴۰ نور یې یرغمل کړل.

د مخکیني لنډ مهاله اوربند په ترڅ کې د اسراییل له زندانونو د یوشمیرفلسطیني بندیانو د خوشې کیدو په بدل کې په لسګونو یرغمل آزاد شوي، خو ویل کیږي چې ترسلو زیات کسان لاهم یرغمل دي.

د هنګري پارلمان په ناټو کې د سویډن غړیتوب ته رایه ورکړه

د هنګري پارلمان
د هنګري پارلمان

د هنګري پارلمان پرون په ناټو کې د سویډن د غړیتوب لایحه تصویب کړه.

له دې سره په داسې حال کې چې د اوکراین جګړه لاهم روانه ده، په ناټو کې د اروپا د شمال د دې هېواد غړیتوب ته لاره اواره شوه.

هنګري د ناټو وروستی غړی دی چې له څو میاشتو ځنډ وروسته په دې ټلواله کې د سویډن غړیتوب مني.

د پارلمان غړو په ۱۸۸ موافقو او شپږ مخالفو رایو دا اقدام تایید کړ. په دې برخه کې د هنګري ځنډ د ناټو غړي هېوادونه په غوسه کړي وو.

د سویډن صدراعظم اولف کریسترسن Ulf Kristersson په غبرګون کې دا یوه تاریخي ورځ وبلله او ویې ویل سويډن چمتو دی چې د اروپا او اتلانتیک د امنیت د ټینګښت لپاره خپل مسوولیتونه ترسره کړي.

د ایران سلګونه فعالان: ټاکنو کې برخه نه اخلو، پایلې یې له مخکې تنظیم شوي

د ایران د ټاکنیزو هڅو یوه څنډه
د ایران د ټاکنیزو هڅو یوه څنډه

د ایران سلګونه سیاسي، ټولنیز او فرهنګي فعالان وايي، د دې هېواد د راروانو انتخاباتو نتایج له اوسه تنظیم شوي او دوی ګډون نه پکې کوي.

د مرتضا الویري، عبدالعلي بازرګان او علیرضا رجايي په ګډون ۲۷۵ تنه فعالانو د ایران د پارلمان د دولسمې دورې په انتخاباتو کې د ګڼ شمېر کاندیدانو ردېدلو ته د اشارې په ترڅ کې د یوې اعلامیې په خپرولو سره د انتخاباتي بنسټ وضعیت خواشینونکی بللی او پر چارواکو یې انتقاد کړی دی.

په اعلامیه کې پر هغو جریانونو چې په انتخاباتو کې ګډون د هېواد په مصلحت بولي انتقاد شوی دی. اعلامیه زیاتوي چې په انتخاباتو کې د مشارکت او حضور ازموېل شوی سیاست د استبداد له دوام پرته بله نتیجه نه ورکوي.

په پام کې ده چې د ایران د ولسي جرګې یا مجلس لپاره انتخابات او ورسره د خبره ګانو په نوم د بل مجلس لپاره د رایو اخیستل د راروانې جمعې په ورځ پیل شي، خو ډېری نوماند کاندیدان لا له مخکې رد شوي دي.

د هند مشهوره سندرغاړی 'پنکج ادهاس' د ۷۲ کلونو په عمر ومړ

د هند مشهوره سندرغاړی پنکج ادهاس چې نن د فبرورۍ په ۲۶ مه د ۷۲ کلونو په عمر ومړ.
د هند مشهوره سندرغاړی پنکج ادهاس چې نن د فبرورۍ په ۲۶ مه د ۷۲ کلونو په عمر ومړ.

د هند یو مشهوره سندرغاړی پنکج ادهاس نن د فبرورۍ په ۲۶ مه د ۷۲ کلونو په عمر ومړ.

هندوستان ټایمز ورځپاڼې د ادهاس د کورنۍ په حواله دا خبر تایید کړی او لیکلي یې دي چې نوموړی له اوږدې مودې راهیسې په ناروغۍ اخته وو.

ادهاس د لومړي ځل لپاره په ۱۹۸۰ کال کې په سټېج کې سندرې پیل کړې او په ۱۹۸۶ کې د "چتهي آيي هې وطن سې" سندرې سره مشهور شو.

هغه د خپل څو لسیزو موسیقۍ فعالیت کې، ډېری معتبرې نړیوالې او ملي جایزې ګټلې دي.

په ۲۰۰۶ کې د هند حکومت پنکج ادهاس ته د "پدمشیري" په نوم د هنر ترټولو معتبره جایزه ورکړه.

مریم نواز د پاکستان د پنجاب د اعلی وزیرې په توګه لوړه وکړه

مریم نواز د پاکستان د پخواني صدراعظم نوازشریف لور ده
مریم نواز د پاکستان د پخواني صدراعظم نوازشریف لور ده

مریم نواز نن دوشنبې د پاکستان د پنجاب ایالت د اعلی وزیرې په توګه لوړه وکړه او ویې ویل چې پردې دندې د نوموړې ټاکل کېدل د هرې ښځې، د هرې لور او مور لپاره بریا ده.

مریم نواز چې د پاکستان د پخواني صدراعظم نوازشریف لور ده، د پنجاب ایالتي پارلمان نویو ټاکل شویو غړیو ته وروسته له هغې چې پر دې دندې د نوموړي ټاکنه یې تایید کړه، وویل، دغه ټاکنه ثابتوي چې ښځه اونجلۍ د دې دلیل نه‌شي کېدای چې تاسو له خوبونو راوګرځوي.

د فرانس‌پرېس خبري آژانس د راپور له مخې مریم نواز د پاکستان په تاریخ کې لومړۍ ښځه ده چې د دې هېواد د یوه ایالت د چارو واګې ترلاسه کوي.

په پاکستان کې د فبرورۍ په اتمه د عمومي انتخاباتو په نتیجه کې د مسلم لیګ نوازاو د پاکستان پیپلز ګوندونو ډېرې رایې وګټلې چې له څو نورو کوچنیو ګوندونو سره یې د یوه مرکزي ایتلافي حکومت پر جوړولو سلا کړې ده.

د پاکستان د صدارعظمي څوکۍ ته هم د مریم نواز تره شهبازشریف، چې هغه هم په دې وروستیو کې څه کم دوه کاله د پاکستان د صدراعظم په توګه دنده ترسره کړې، غوره شوی دی.

د هنګري پارلمان نن په ناټو کې د سویډن غړیتوب ته رایه ورکوي

د سویډن بیرغ
د سویډن بیرغ

تمه ده چې هنګري نن په ناټو کې د سویډن غړیتوب تصویب کړي او په دې سره به د شمالي اروپا د دې هېواد پر وړاندې چې په دوو نړیوالو جګړو او هم له هغې وروسته د سړې جګړې په موده کې ناپېیلی پاتې شوی، وروستی خنډ لېرې شي.

اټکل کیږي چې د هنګري په پارلمان کې نن په دې اړه د رایو اخیستو بهیرښه مخ ته لاړشي او هغه هم وروسته له دې چې د سویډن صدراعظم اولف کریسترشون د تیرې شنبې په ورځ، د فبرورۍ په ۲۴ له هنګري څخه د کتنې په ترڅ کې د دواړو هیوادونو ترمنځ د وسلو یوه موافقه لاسلیک کړه.

د هنګري له نني اقدام سره به په ناټو کې د سویډن د غړیتوب پروسه چې څومیاشتې ځنډیدلې، بشپړه شي.

له دې مخکې انقرې په دې اړه له مخالفته لاس اخیستی او په دې تړون کې یې د سویډن غړیتوب تصویب کړی و.

سویډن وروسته له هغې د ناپېیلتوب له پالېسۍ لاس واخیست او په ناټو کې یې د غړیتوب غوښتنه وکړه چې د ۲۰۲۲ کال په فبرورۍ میاشت کې روسیې پر اوکراین یرغل وکړ.

اسراییلو له رفح ښار څخه د ملکیانو د ایستو پلان وړاندیز کړ

د غزې یو شمېر جګړه ځپلي
د غزې یو شمېر جګړه ځپلي

د اسراییل د صدراعظم دفتر نن دوشنبې اعلان وکړ چې د اسراییل پوځ وروسته له هغې د غزې له تړانګې څخه د ملکي وګړو د ایستلو لپاره د پلان وړاندیز وکړ چې بینامین نتنیاهو وویل، د فلسطینانو په دې جنوبي ښار رفح باندې ځمکني عملیات د ده په وینا د بشپړې بریا لپاره اړین و.

دا په داسې حال کې ده چې یو شمېر بهرنیو دولتونو او مرستندویه سازمانونو په پرله پسې ډول اندېښنه څرګنده کړې چې دا ډول عملیات به په پراخه کچه ملکي تلفات واړوي.

د غزې په رفح ښارکې له ۱،۴ میلیونه زیاتو فلسطینیانو چې اکثره یې د غزې له نورو جګړه ځپلو سیمو بې ځایه شوې، پناه اخیستې.

د مصرپولې ته څېرمه رفح ښار چې غزې ته د اړتیا وړ ډېرې مرستې هم له همدې لارې رسول کیږي، تراوسه د اسراییل له ځمکنیو عملیاتو خوندي پاتې شوی.

نور راوښيه

XS
SM
MD
LG