د لاسرسۍ وړ لېنکونه

تازه خبر
یکشنبه ۶ لیندۍ ۱۴۰۱ کابل ۰۱:۴۹

نړۍ

بلېنکن د شمالي کوريا له‌خوا د بالستيک توغنديو توغول غندلي

د امریکا د بهرنیو چارو وزیر انتوني بلېنکن

د امریکا د بهرنیو چارو وزیر انتوني بلېنکن د جنوبي کوریا د بهرنیو چارو له وزیر پارک جین سره تليفوني خبرو کې د شمالي کوریا له‌خوا د بالستیک توغنديو توغول وغندل.

د رویټرز خبري اژانس د راپور له مخې د امریکا بهرنیو چارو وزارت یوه خبرپاڼه کې ویلي، له دغو توغندیو یو هغه یې په خطرناک او بېباکانه ډول د جنوبي کوریا ساحلي کرښې ته نژدې ولګېد.

خبرپاڼه کې راغلي چې ښاغلي بلېنکن د جنوبي کوریا بهرنیو چارو وزیر ته ویلي چې متحده ایالتونه د خپلو متحدانو د امنیت لپاره ټول اړین اقدامات په پام کې نیسي.

بلېنکن ویلي، واشنګټن هڅه کوي چې د شمالي کوریا د بالستیک توغندیو د پرمختګ مخه ونیسي او د پیونګیاګ د ډله‌ییزې وژنې وسلې محدودې کړي.

د ورځې تازه خبرونه دلته ولولئ

ایران کې یو فعال 'حسین رونقي' له بنده خوشې شو

حسین رونقي

ایراني چارواکو پرون د دغه هېواد یو فعال حسین رونقي په ضمانت له بنده خوشې کړ.

رونقي په زرګونو هغو کسانو کې شامل و، چې په ایران کې د وروستیو اعتراضونو پر مهال نیول شوي وو.

په ایران کې دغه مظاهرې وروسته له هغې پیل شوې، چې یوې ۲۲ کلنې ښځې مهسا امیني چې په بشپړ ډول د حجاب نه رعایت په تور نیول شوې وه، توقیف ته تر لېږدول وروسته ساه ورکړه.

د هغې پلویان وايي مهسا د پولیسو د شکنجې له کبله ساه ورکړې ده.

وروسته له هغې چې د بشري حقونو فعال حسین رونقي تېره میاشت غذايي اعتصاب پیل کړ، د هغه د روغتیايي وضعیت په اړه اندېښنې زیاتې شوې وې.

د هغه ورور حسن په ټویټر کې لیکلي، چې ورور یې تېره شپه په ضمانت خوشې شوی او درملنه یې روانه ده.

د فوټبال نړیوال جام سیالۍ؛ نن لومړۍ لوبه د جاپان او کوستاریکا ترمنځ ده

ارشیف

په قطر کې د فوټبال د نړیوال جام سیالیو په لړ کې کوستاریکا د کابل پر وخت د ماسپښین دوه نیمې بجې د جاپان په وړاندې د مسابقې ډګر ته وځي.

د مازیګر پنځه نیمې بجې بلجیم او مراکش مسابقه لري.

درېیمه لوبه د کرویشیا او کاناډا ترمنځ د شپې اته نیمې پیلېږي او هسپانیا له جرمني سره د شپې یوولس نیمې بجې د مسابقې ډګر ته وځي. پرون پولنډ دوه د صفر په وړاندې سعودي عربستان ته ماتې ورکړه، ارجنټاین دوه د صفر په وړاندې له مکسیکو لوبه وګټله او اسټرالیا یو د صفر په وړاندې له تونس، دغه راز فرانسې دوه د یو په وړاندې له ډنمارک لوبه وګټله.

د تحریک انصاف ګوند د پاکستان له ملي او ایالتي اسامبلیو وځي

د پاکستان مخکیني صدراعظم عمران خان

د پاکستان مخکیني صدراعظم عمران خان وایي، ګوند به یې د دې هېواد له ملي او ټولو ایالتي اسامبلیو څخه ووځي.

عمران خان دغه اعلان پرون په راولپنډۍ کې په زرګونو پلویانو ته په وینا کې وکړ.

دا د روانې میاشتې په پیل کې په یوه وسله وال برید کې له ټپي کېدو وروسته لومړی ځل دی چې عمران خان په عام محضر کې راڅرګندېږي.

عمران خان دغه راز د اسلام آباد پر لور خپل احتجاجي لاریون هم لغوه کړ او ویې ویل، دا پرېکړه یې د هېواد د ویجاړۍ د مخینوي لپاره وکړه.

عمران خان چې د تحریک طالبان پاکستان مشر دی، په دې هېواد کې له وخته مخکې د انتخاباتو د ترسره کېدو غوښتنه کړې، خو حکومت ویلي چې انتخابات له مهال وېش سره سم د ۲۰۲۳ کال په اکټوبر کې ترسره شي.

د لېتوانیا، پولنډ او بلجیم دفاع وزیرانو اوکراین ته سفر کړی

دغو وزیرانو د اوکراین له ولسمشر ولادمیر زیلینسکي سره په غونډه کې له اوکراین سره د اروپایي ټولنې د مالي مرستو پردوام او له دې هېواد سره د بنسټیزو تاسیساتو په رغونه کې پر همکارۍ ټینګار وکړ.

د لېتوانیا، پولنډ او بلجیم دفاع وزیرانو د روسیې پر وړاندې جګړه کې له اوکراین څخه د ملاتړ لپاره پرون له کییف څخه کتنه ترسره کړه.

دا درې واړه هېوادونه د اروپایي ټولنې او د ناټو غړي دي.

دغو وزیرانو د اوکراین له ولسمشر ولادمیر زیلینسکي سره په غونډه کې له اوکراین سره د اروپایي ټولنې د مالي مرستو پردوام او له دې هېواد سره د بنسټیزو تاسیساتو په رغونه کې پر همکارۍ ټینګار وکړ.

په دې غونډه کې د اوکراین د غلو دانو د صادراتو پر هوکړې هم خبرې وشوې.

روسیې په وروستیو کې په هوایي بریدونو کې د اوکراین ډېر بنسټیز تاسیسات په تېره د انرژۍ تاسیسات ویجاړ کړي چې په نتیجه کې یې د دې هېواد په میلیونونو وګړي په دې سړه هواکې تیارې ته کېنولي دي.

د فوټبال نړیوال جام سیالۍ؛ نن څلور لوبې ترسره کېږي

ارشیف

په قطر کې د ۲۰۲۲ کال د فوتبال د نړیوال جام لوبو په ترڅ کې نن څلور لوبې ترسره کېږي.

هسپانیا له جرمني اوجاپان له کوستاریکا سره لوبې کوي.

بلجیم د مراکش پر وړاندې د سیالۍ ډګر ته وځي او کرویشیا هم له کاناډا سره مخامخ کېږي.

پرون د دې جام لوبو په لړۍ کې پولنډ عربستان ته دوه د صفر پر وړاندې ماتې ورکړه، استرالیا له تونس څخه یو د صفر پر وړاندې لوبه وګټله، فرانسې دوه د یوه پر وړاندې ډنمارک مات کړ او ارجنټاین له مکسیکو څخه لوبه دوه د صفر پر وړاندې وګټله.

د فوتبال د نړیوال جام لوبې به د ډسمبر تر ۱۸مې پورې دوام کوي.

د فوټبال نړیوال جام؛ د استرالیا لوبډلې تونس ته ماتې ورکړه

ارشیف

په قطر کې د فوټبال د نړیوال جام په ترڅ کې نن استرالیا یو د صفر پر وړاندې تونس ته ماتې ورکړه.

د نن ورځې بله لوبه د سعودي عربستان او پولنډ ترمنځ د کابل په وخت د مازدیګر پنځه نیمې بجې ده.

د کابل په وخت ۸ نیمې بجې به فرانسه او ډنمارک سره مخامخ شي او د شپې ۱۱ نیمې بجې به ارجنټاین او مکسیکو مسابقه وکړي.

عمران خان خپلو زرګونه پلويانو ته وينا کوي

عمران خان

تمه کېږي نن د پاکستان مخکينی صدراعظم عمران خان خپلو زرګونو پلویانو ته وینا وکړي.

وروسته له هغې چې عمران خان د روانې میلادي میاشتې په لومړیو کې د ډزو په نتیجه کې پر پښه ټپي شو، دا لومړی وار دی، چې نوموړی په عام محضر کې راڅرګندېږي.

عمران خان د پاکستان اوسني چارواکي تورن کړي، چې پر هغه په حمله کې لاس لري، خو د پاکستان حکومتي چارواکي دا موضوع ردوي.

خان اوسنی صدراعظم شهباز شریف، د کورنیو چارو وزیر رانا ثنا الله او د ای ایس ای یو جنرال تورن کړي دي چې د ده د وژلو هڅه یې کوله.

د پاکستان د کورنیو چارو وزیر رانا ثنا الله پرون د سرې کچې تر بریده خبرداری ورکړ چې دې مظاهرو ته امنیتي ګواښ متوجه دی.

د عمران خان په مشرۍ تحریک انصاف پاکستان نن غواړي د لانګ مارش یا اوږد لاریون له لارې د پاکستان پر حکومت فشار راولي، چې تر وخت مخکې ټاکنې وکړي.

اروپايي ټولنې د روسیې د تېلو بیې په اړه خبرې وځنډولې

ارشیف

اروپايي ټولنې د روسیې د تېلو د بیې په اړه خبرې تر یوې بلې اونۍ پورې وځنډولې.

ډیپلوماتان وايي په دې اړه د نړۍ د اوو سترو صنعتي هېوادونو یا جي اوه ډلې د استازو خبرې پرون د نومبر ۲۵مه په پام کې وې.

له دې یوه ورځ مخکې اروپايي چارواکي، د روسیې د تېلو د بیې په اړه په خبرو کې په دوو ډلو وېشل شوي وو.

د اروپايي ټولنې یوشمېر غړي غواړي چې د روسیې پر تېلو د اتکا په کمولو سره د دې هېواد جنګي ماشین د اوکراین په جګړه کې د مالي سرچینو د کمښت له ستونزې سره مخامخ کړي، خو ځینې نور بیا له روسیې څخه د تېلو او ګاز د وارداتو دوام غواړي.

د فوټبال نړیوال جام سیالۍ؛ نن لومړۍ لوبه د تونس او استرالیا ترمنځ ده

قطر کې د فوټبال یو لوبغالی

په قطر کې د فوټبال د نړیوال جام د لوبو په لړۍ کې نن هم څلور لوبې په پام کې دي.

د کابل په وخت د ماسپښین په دوه نیمو بجو د تونس او استرالیا لوبه پیلېږي.

د مازیګر په پنځه نیمو بجو به د پولنډ او سعودي عربستان لوبه وي.

د شپې په اته نیمو بجو د فرانسې او ډنمارک لوبډلې سره مخامخ کېږي او د شپې په یوولس نیمو بجو به ارجنټاین او مکسیکو د سیالۍ ډګر ته ننوځي.

د نننیو لوبو په حریفانو کې یوازې سعودي عربستان او فرانسه تراوسه یوه یوه بریا لري او درې درې امتیازونه یې ګټلي.

په پرونیو لوبو کې ایران ویلز ته دوه- صفر ماتې ورکړه.

سنیګال قطر ته درې یو ماتې ورکړه، هالنډ له اکوادور سره یو- یو مساوي شو او د انګلستان او امریکا لوبه هم.

فوټبال؛ د ايران د دويمې لوبې پر مهال د سياسي مخالفتونو سيوری

د فوټبال نړيوال جام

د فوټبال په نړیوال جام کې د ایران د دوهمې لوبې پر مهال نن بیا هم سیاسي مخالفتونو سیوری غوړولی دی.

له ویلز سره د لوبې په پيل کې ایراني لوبغاړو نن ملي سرود بدرګه کړ، په خپله لومړۍ لوبه کې یې چې له انګلستان سره یې شپږ د دوو په وړاندې وبایله، ملي سرود نه و ویلی.

یو شمېر حکومت پلوه کسانو لوبغالي ته د ننوتو پر مهال د ایران تر انقلاب مخکې بیرغونه له لیدونکو واخیستل او هغه کسان یې توهین کړل چې د ایران د اعتراض کوونکو شعارونه یې پر کمېسونو لیکلي و، ښځه، ژوند او ازادي.

نور راوښيه

XS
SM
MD
LG