د امریکا د بهرنیو چارو وزارت وایي، متحده ایالات په پام کې نهلري چې د افغانستان کنګل شوې درې نیم ملیارډ ډالره شتمني ازاده او د طالبانو تر کنټرول لاندې د افغانستان بانک ته وسپاري.
خو هغه لارې چارې لټوي چې له دغو پیسو د افغانستان خلک مستقیماً ګټه پورته کړي.
دا خبره د دې وزارت ویاند نیډ پرایس پرون په واشنګټن کې وکړه او ویې ویل چې د افغانستان په خاوره کې د القاعده د مشر ایمن الظواهري موجودیت هغه هم داسې مهال چې د حقاني شبکې مشران پرې خبر و، هغه اندېښنې لا پیاوړې کوي چې موږ یې د ترهګرو ډلو لاس ته د دغو پیسو د احتمالي لوېدو په اړه لرو.
په دې اړه د ازادي راډيو همکارې د سیاسي چارو پوه اسحق اتمر سره مرکه کړې او لومړی يې ترې پوښتلي، ایا په رښتیا د دې خطر شته چې که امریکا د افغانستان کنګل شوې شتمني د افغانستان بانک ته ولېږدوي، هغه د ترهګرو ډلو لاس ته ولویږي؟
د ښاغلي اسحاق اتمر مرکه د لاندې غږيز فايل په کېکاږلو اورېدلی شئ:
