د لاسرسۍ وړ لېنکونه

تازه خبر
سه شنبه ۱۵ کب ۱۴۰۲ کابل ۰۵:۳۸

نړۍ

چارواکي: د اوکراين د غَلو دويمه محموله لبنان ته رسېدلې

اوکرايني کښتۍ
اوکرايني کښتۍ

د اوکراین د زیربناوو وزیر اولیکساندر کوبراکوف پرون (اګست ۷) وویل چې څلور کښتۍ ټولټال ۱۷۰ زره ټنه غله لېږدوي.

پر اوکراین د روسیې له برید وروسته له دغه هېواد څخه د غلې دانې صادرات ودرول شول، خو د ملګرو ملتونو او ترکیې په منځګړیتوب اوس د اوکراین د غلو کښتیو ته د انتقال اجازه ورکړل شوه.

د موافقې په پایله کې، لومړۍ بېړۍ د اګست په لومړۍ نېټه له اوکراین څخه ووتله او په همدې ورځ ترکیې ته ورسېده.

د فبرورۍ په ۲۴ مه د جګړې له پيلېدو وروسته د اوکراين بندرونه وتړل شول، خو اوس د دغه هېواد يوازې درې بندرونه د غلو دانو د صادرولو اجازه لري.

د ورځې تازه خبرونه دلته ولولئ

شهباز شریف د پاکستان د نوي صدراعظم په توګه لوړه وکړه

د شهباز شریف د لوړې مراسم
د شهباز شریف د لوړې مراسم

شهباز شریف نن د پاکستان د نوي صدراعظم په توګه لوړه وکړه.

د پاکستان د مسلم لیګ نواز ګوند غړی، ۷۲ کلن شریف پرون د پاکستان مرکزي پارلمان له خوا پرون یکشبې د نوي صدراعظم په توګه غوره شو.

نوموړی به داسې مهال د یوه ایتلافي حکومت مشري کوي چې پاکستان له ډېرو اقتصاي، سیاسي او امنیتي ننګونو سره مخامخ دی.

د فبرورۍ د اتمې په عمومي انتخاباتو کې ډېرې رایې د پاکستان د پخواني زنداني صدراعظم عمران خان پلویانو وړي، خو د پاکستان د اساسي قانون له مخې باید نوی حکومت هغه ګوند یا ګوندونه په ګډه جوړکړي چې ډېرې رایې یې ګټلې وي.

د مسلم لیګ نواز ګوند د پاکستان له پیپلزاو یو شمېر نورو ګوندونو سره د ایتلافي حکومت پر جوړولو سلا کړې ده.

ناټو د خپل پراخ شوي شمالي قلمرو د دفاع پوځي تمرینونه پیل کړل

د تازه پوځي تمرینونو یوه برخه
د تازه پوځي تمرینونو یوه برخه

ناټو به نن دوشنبې د خپل پراخ شوي شمالي قلمرو د دفاع لپاره پوځي تمرینونه پیل کړي.

په دغو پوځي تمرینونو کې چې د فنلنډ، ناروې او سویډن په شمالي برخو کې پیلیږي او دوه اونۍ به دوام کوي، د دیارلسو هېوادونو له شل زرو زیات سرتېري ګډون کوي.

د فنلنډ د پوځ په وینا، د ناروې په مشرۍ د ۲۰۲۴ کال د نورډیک غبرګون په نوم په دغو پوځي تطبیقاتو کې به د فنلنډ له ۴ زرو زیات سرتېري ګډون وکړي چې دا به په بهرنیو پوځي تمرینونو کې د لومړي ځل لپاره د دې هېواد پراخ ګډون وي.

فنلنډ چې له روسیې سره ۱۳۴۰ کیلومتره ګډه پوله لري، د ۲۰۲۳ کال په اپریل میاشت کې له ناټو سره یوځای شو.

په دې تړون کې د فنلنډ غړیتوب د ناټو ټولو غړیو هېوادونو تصویب کړی، خو د ګاونډي سویډن لخوا یې د غړیتوب پروسه د بشپړیدو په حال کې ده.

تمه ده چې په ناټو کې د ۳۲ غړي په توګه د سویډن د غړیتوب بهیرد روانې مارچ میاشتې ترپایه بشپړ شي.

کامالا هریس: اسراییل دې غزې ته د زیاتو بشري مرستو د رسولو لپاره نور اقدامات وکړي

د امریکا د متحدو ایالتونو د ولسمشر مرستیاله، کامالا هریس
د امریکا د متحدو ایالتونو د ولسمشر مرستیاله، کامالا هریس

د امریکا د متحدو ایالتونو د ولسمشر مرستیالې کامالا هریس له اسراییل څخه وغوښتل چې غزې ته د زیاتو مرستو رسولو لپاره نور اقدامات وکړي؛ ځکه د دې په وینا غزه له بشري ناورین سره مخ ده.

مېرمن حارث چې په الاباما کې د ۱۹۶۵ کال د یوه سوله ییزلاریون د ځپلو د کلیزې په مراسمو کې څرګندونې کولې، دغه راز وویل چې په غزه کې باید سمدستي اوربند وشي ترڅو غزې ته د بشري مرستو رسولو ترڅنګ د حماس له لوري چې امریکا او اروپایي ټولنه یې یوه ترهګره ډله بولي، د یرغملو خلاصون یقیني شي.

په الاباما کې هغه مهال لاریون کوونکي په سوله ییز ډول د خپلې رایې د حق د ترلاسه کولو لپاره واټونو ته راوتلي چې د دولتي ځواکونو له خوا وځپل شو.

د سپیس ایکس یو توغندی پرون له فلوریډا څخه د نړیوالې فضایي اډې پر لور والوت

د سپیس ایکس توغندي د فضا ته لېږلو یوه څنډه
د سپیس ایکس توغندي د فضا ته لېږلو یوه څنډه

د سپیس ایکس یو توغندی پرون له فلوریډا په خوندي ډول د نړیوالې فضایي اډې پر لور والوت.

دغه توغندی درې امریکایي او یو روسی ستورمزلي یا فضانوردان له ځان سره د ځمکې په مدار کې دې فضایي اډې ته لېږدوي او دوی به هلته شپږ میاشتې علمي څېړنې کوي.

د فالکون ۹ په نوم دغه دوه مرحله یي توغندی چې په فلوریډا کې د کیندي له فضایي اډې وتوغول شو، په سرکې یې د خدمې لپاره د ډراګان په نوم یو کپسول وصل دی.

د فالکون د پاسنۍ برخې توغندي دغه کپسول په نهو دقیقوکې د ځمکې لومړني مدارته ورساوه.

ټاکل شوې چې د دې کپسول څلور خدمې یا ستورمزلي سبا نړیوالې فضايي اډې ته ورسیږي.

جنوبي کوریا او امریکا د شمالي کوریا د اټومي ګواښونو پر وړاندې پوځي مانورې پیل کړې

د مانوریو یوه برخه
د مانوریو یوه برخه

جنوبي کوریا او د امریکا متحدو ایالتونو نن پراخ پوځي تمرینونه پیل کړل ترڅو د شمالي کوریا د اټومي ګواښ په وړاندې خپلې وړتیاوې او تیاری پیاوړی کړي.

دغه پوځي تطبیقات وروسته له هغې پیلیږي چې شمالي کوریا د روان کال په پیل کې د راکټي ازموېنو او د جګړه ییزو بیانونو په زیاتوالي سره دښمني زیاته کړې ده.

د جنوبي کوریا او د متحدو ایالتونو ځواکونه د کمپیوټر له لارې د ازادۍ ډال یا فریډم شیلډ په نوم د قوماندې د یوه روزنیز مرکز او د مختلفو ځمکنیو عملیاتو له لارې دغه یوولس ورځني پوځي تطبیقات سرته رسوي.

شمالي کوریا تراوسه د دغو کلنیو پوځي تمرینونو پر وړاندې چې هغه د خپل ځان په وړاندې یرغلیز تمرینونه بولي، غبرګون نه دی ښودلی.

دې هېواد په تېر کې د خپلو مخالفینو له خوا د دا ډول ګډو پوځي تطبیقاتو په وړاندې د وسلو لمسوونکې ازموېنې ترسره کړې دي.

واشنګټن ډي سي کې د امریکا د جمهوري پال ګوند مقدماتي ټاکنې؛ نیکي هیلي ټرمپ ته ماتې ورکړه

نیکي هیلي
نیکي هیلي

نیکي هیلي د امریکا د جمهوریپال ګوند په مقدماتي انتخاباتو کې پخواني ولسمشر ډانلډ ټرمپ ته په واشنګټن ډي سي کې ماته ورکړه.

نیکي هیلي په جمهوریپال ګوند کې د ټرمپ په وړاندې یوازینۍ پاته سیاله ده.

خو له دې سره سره د دواړو ترمنځ په رایو کې توپیر دومره ډېر دی چې د جمهوریپال ګوند د کاندید په توګه د ډانلډ ټرمپ غوره کېدا قطعي ښکاري.

پرون د امریکا د پلازمېنې جمهوریپالو د خپل ګوند په انتخاباتو کې ګډون وکړ چې په نتیجه کې یې نیکي هیلي ۶۳ او ډانلډ ټرمپ ۳۳ سلنه رایې ترلاسه کړې.

خو له دې سره سره نیکي هیلي چې پخوا په ملګروملتو کې د امریکا استازې وه، په نورو برخو کې تر ټرمپ خورا شاته ده.

زیلینسکي: نړیوال دې د روسیې په ماتولو کې مرسته راسره وکړي

د اوکراین ولسمشر، ولودومیر زیلینسکي
د اوکراین ولسمشر، ولودومیر زیلینسکي

د اوکراین ولسمشر له نړۍ وغوښتل چې د روسیې په ماتولو کې ورسره مرسته وکړي.

ولودومیر زیلینسکي پرون (د مارچ ۳مه) په یوه بیان کې وویل چې اوکرایني ماشومان د روسیې د پوځ هدف دي.

هغه د اودیسا په ښار کې هغه برید ته اشاره وکړه چې د شنبې په ورځ په کې څلور ماشومان ووژل شول.

تېره ورځ د اوکراین پوځ تایید کړه چې په اودیسا کې د روسیې د برید په پایله کې د قربانیانو شمېر ۱۲ تنو ته رسېدلی دی.

د مارچ درېیمه یکشنبه د اودیسا په ښار کې د قربانیانو په یاد د ماتم ورځ اعلان شوې وه.

د "اوپک" غړي هېوادونه: د نفتي صادراتو کمولو ته دوام ورکوو

د اوپک سازمان لوګو
د اوپک سازمان لوګو

د نفتو صادرونکو هېوادونو د سازمان (OPEC) غړو هېوادونو موافقه کړې چې د روان کال په دویمه ربع کې به د تېلو صادراتو کمولو ته دوام ورکړي.

د سعودي عربستان او روسیې په مشرۍ اوپیک پلس پرون (د مارچ ۳مه) وویل چې د تېلو په صادراتو کې کموالی به د روان کال د جون تر پایه دوام وکړي.

روسیه چې د اوپیک له متحدینو څخه ده، ویلي چې د روان کال په دویمه ربع کې به هره ورځ ۴۷۱ زره بېرله تېل تولید کړي.

د روسیې د صدراعظم مرستیال الکساندر نوواک ویلي چې دا پریکړه یې د اوپیک پلس سازمان له غړو سره تر خبرو اترو وروسته کړې ده.

د اسراییل پوځ: غزه کې مو پر د بشري مرستو پر ترلاسه کوونکو برید نه دی کړی

غزه کې یو شمېر اسراییلي پوځیان
غزه کې یو شمېر اسراییلي پوځیان

د اسراییل د پوځ ویندوی نن (یکشنبې) وویل، تېره اوونۍ په غزه کې د مرستو په کاروان کې د ملکي وګړو د وژل کېدو په اړه د دوی لومړنۍ پلټنې بشپړې شوې دي.

د پوځ په وینا، په دغو پلټنو کې څرګندېږي چې د دوی ځواکونو پر کاروان برید نه دی کړی؛ بلکې اکثره فلسطینیان په ګڼه ګوڼه کې مړه شوي دي.

په غزه کې جګړه د اکتوبر په اوومه هغه مهال پیل شوه چې حماس چې امریکا او اروپايي اتحادیه یې تروریستي ډله ګڼي، د اسراییل په خاوره کې برید وکړ او نژدې ۱۲۰۰ تنه یې ووژل.

د پاکستان پارلمان نن نوی صدراعظم ټاکي

د پاکستان پارلمان
د پاکستان پارلمان

د پاکستان نوې ملي جرګه به نن غونډه او په لړ کې به په غیرعلني رایو د پنځو کلونو لپاره نوی صدراعظم غوره کړي.

د پاکستان د نواز ډلې مسلم لیګ او پیپلز ګوند په ګډه شهباز شریف او سُني ايتلاف چې د تحریک انصاف غړي ورسره یوځای دي، عمر ایوب د صدراعظمۍ څوکۍ ته کاندیدان کړي دي.

د نواز مسلم لیګ ګوند ادعا کوي چې د ملي جرګې په ۲۲۶ غړیو کې ۲۰۹ یې ملاتړ کوي.

د فبرورۍ په اتمه نېټه په پاکستان کې عام انتخابات وشول.

یو شمېر ګوندونه وايي چې په انتخاباتو کې درغلۍ ډېرې وې.

نور راوښيه

XS
SM
MD
LG