د لاسرسۍ وړ لېنکونه

تازه خبر
شنبه ۴ چنګاښ ۱۴۰۱ کابل ۰۲:۴۹

نړۍ

د فنلنډ وسله وال پوځ قوماندان: د روسيې احتمالي بريدونو ځواب ته چمتو يو

د فنلنډ بيرغ

د فنلنډ د وسله والو ځواکونو عمومي قوماندان وايي، هېواد یې له څو لسیزو پخوا څخه د روسیې احتمالي حملې ته چمتووالی نیولی او که پرې یرغل وشي نو په وړاندې به یې کلک ودرېږي.

جنرال تیمو کیونین دا خبره پرون وکړه او ویې ویل چې سکنډنیاوي هېوادونه له روسیې سره د مقاومت لپاره ډېرې وسلې لري.

پر اوکراین د روسیې د یرغل ۱۲۰ ورځې پوره شوې او ورسره دا وېره رامنځته شوې چې روسیه به پر فنلنډ هم برید وکړي.

د ورځې تازه خبرونه دلته ولولئ

له سيورودونيڅک ښار څخه د اوکرايني سرتېرو د وتلو خبر ورکړل شوی

د اوکراين د جګړې يو انځور

د اوکراین یوه محلي چارواکي نن ویلي، اوکرایني ځواکونه به له سیورودونیڅک ښار څخه چې په وروستیو کې روسیې اشغال کړی، ووځي.

چارواکي وايي مسکو هڅه کوي چې د اوکراین په ختیځ لوهانسک کې د اوکراین د مقاومت کوونکو وروستی سنګر هم کلابند کړي.

د لوهانسک والي سرهی هیدی ویلي، په هغو سنګرونو کې چې د تېرو میاشتو پر مهال ټوټې-ټوټې شوي، پاتې کېدل منطقي نه برېښي.

اوکراين د امريکا د اوږد واټن ويشتونکو وسلو د ور رسېدو اعلان وکړ

ارشيف

اوکرایین د امریکا د اوږد واټن ویشتونکو لومړنیو وسلو د ور رسېدو اعلان وکړ هغه چې د اوکراین پوځ له میاشتو راهیسې د دغو وسلو انتظار کاوه.

د اوکراین دفاع وزیر الکسي رزنیکوف پرون (د جون په ۲۳مه) وویل چې د امریکا د هایمرس HIMARS توغندیو سیسټم اوس په اوکراین کې دی.

دا لا څرګنده نه‌ده چې دا سیسټم کله دغه هېواد ته رسول شوی او آیا په لومړۍ کرښه کې هم کارول شوی او که نه.

د امریکا متحده ایالاتو پرون (د جون ۲۳مه) اعلان وکړ چې اوکراین ته به د نورو راکټي سیسټمونو په ګډون د پوځي مرستو نوې لړۍ واستوي.

کییف ته د امریکا د اوږده واټن ویشتونکو وسلو د استولو خبر په داسې حال کې راغلی چې روسي ځواکونو د لوی توپچي ځواک په ملاتړ د لوهانسک په سیمه کې د اوکراین د وروستي مقاومت د سیمې د بشپړ کلابندۍ لپاره خپلو عملیاتو ته دوام ورکړی دی.

د اوکراین یوه سیمه ییز چارواکي له دې مخکې ویلي وو، چې روسي ځواکونو د دونباس د کلیدي ښار لیسیچانسک په جنوب کې دوه ښارګوټي نیولي دي.

پر اوکرایین د روسیې غیر موجه یرغل چې د فبرورۍ په ۲۴ پیل شوی، لا هم روان دی.

حکومت: له ټي ټي پي سره به خبرې د پاکستان د اساسي قانون په چوکاټ کې کېږي

د پاکستاني طالبانو د تحريک غړي

د پاکستان د کورنیو چارو وزیر وايي، د پاکستاني طالبانو له تحریک سره خبرې به یوازې د پاکستان د اساسي قانون په چوکاټ کې کېږي.

د رانا ثنااالله په وینا دا پرېکړه د ملي امنیت په اړه د ملکي او پوځي مشرانو په ګډه غونډه کې شوې ده.

له بلې خوا پاکستاني رسنیو پرون راپور ورکړ چې د دغه هېواد پوځي او ملکي مشرانو پرېکړه کړې چې له پاکستاني طالبانو یا ټي ټي پي سره به له خېبر پښتونخوا ایالته د قبایلي سیمو د بېلولو په اړه هیڅ راز خبرې نه‌کوي.

پاکستاني طالبانو په هغو خبرو کې چې د افغان طالبانو په منځګړتوب یې له پاکستاني چارواکو سره کړي، د څو نورو غوښتنو ترڅنګ یوه دا کړې چې قبایلي سیمې دې له خېبر پښتونخوا څخه بېلې شي.

خو اوس راپورونه وايي چې د دواړو خواوو ترمنځ د اختلاف د ژوروالي له کبله د افغان طالبانو په منځګړتوب په کابل کې خبرې درېدلې دي.

پیټر سنډز: د خوراکي موادو بحران به د ميليونونه انسانانو د مړيني لامل شي

ارشيف

د یوې نړیوالې مرستندویې ادارې ريیس خبرداری ورکوي چې د خوراکي موادو بحران او په نتیجه کې یې راز راز ناروغۍ د میلیونونو انسانانو د مړینو سبب کېدای شي.

له ایډز، ملریا او نري رنځ سره د مبارزې د نړیوال صندوق اجرايي رييس پیټر سنډز وايي، د اوکراین د جګړې له امله په نړۍ کې د خوراکي موادو بحران له دې کبله د میلیونونو انسانانو ژوند ګواښي چې وږي کسان د ناروغیو په وړاندې مقاومت له لاسه ورکوي.

د روسیې له لوري په تور سمندرګي کې د اوکراین د بندرونو محاصرې د نړۍ بېوزلو هیوادونو ته د غنمو د صادراتو مخه نیولې ده.

اروپايي ټولنه د اوکراين او مالدووا پر غړیتوب خبرې کوي

د اروپايي ټولنې غړو هېوادونو بيرغونه

د اروپايي ټولنې مشران په بروکسل کې سره جرګه کېږي چې په دې ټولنه کې د اوکراین او مالدووا د غړیتوب لپاره کاندیداتورۍ پر تصویب خبرې به یې د اجنډا په سر کې وي.

د اروپايي ټولنې ټول ۲۷ غړي هېوادونه باید دغه اقدام تصویب کړي.

داسې نه ښکاري په دې سرمشریزه کې چې سبا هم دوام کوي د دغو دوو هېوادونو کاندیداتوري دې له کوم مقاومت سره مخامخ شي.

مولود چاوش اوغلو: د روسیې لخوا د اوکراين د غله جاتو د غلا تورونه څېړو

د ترکیې د بهرنیو چارو وزیر مولود چاوش اوغلو

ترکیې ژمنه وکړه، چې له اوکراین څخه به د روسیې له خوا د غله جاتو د غلا د تورونو په اړه څېړنه وکړي.

د ترکیې د بهرنیو چارو وزیر مولود چاوش اوغلو نن له خپل بریتانوي سیالې لیز ټراس سره په انقره کې وویل، د غله دانو نړیواله ستونزه دې په یوه میاشت کې حل شي، که نه د ویجاړوونکو عواقبو شاهدان به یو.

چاوش اوغلو ویلي، چې ترکیه به اجازه ور نه کړي، چې د روسیې یا بل هېواد له خوا غلا شوې غله دانه ترکیې ته وارده شي.

د فبروري میاشتې پر ۲۴مه پر اوکراین د روسیې له یرغل سره د اوکراین په ملیونونو ټُنه غله جات د تور سمندرګي په بندرونو کې راګیر پاتې دي.

هند: يوه اوونۍ کې د کورونا ۸۲ زره پېښې ثبت کړي دي

ارشيف

په داسې حال کې چې په نوره نړۍ کې اوس د پخوا په شان د کورونا په اړه ډېر څه نه ویل کېږي، هند په یوه اوونۍ کې د کورونا څه باندې ۸۲ زره پېښې ثبت کړي دي.

کتونکي وايي، دې ته په پام کې په هند کې د کورونا نژدې ۲ میلیارده ډوزه واکسینونه شوي، په یوه اوونۍ کې تر ۸۲ زره ډېرو مثبتو پېښو ثبت د اندېښنې وړ دی.

تر ټولو ډېرې مثبتې پېښې او ورڅخه مړینې په مهارشترا، کرالا، ډیلي، کرناټک او تامیل ناډو ایالتونو کې ثبت شوي دي.

اروپايي اتحاديې اوکراين او مولداويا ته د غړيتوب ورکولو وړانديز کړی

د اروپايي اتحاديې غړو هېوادونو بيرغونه

اروپايي اتحادیې د خپلې سرمشریزې د نهايي اعلامیې په مسوده کې اوکراین او مولداویا ته د غړیتوب ورکولو وړاندیز کړی دی.

د ازادې اروپا/ ازادي راډیو د دې سند یوه کاپي ترلاسه کړي چې پر اساس یې ویل شوي؛ د اروپا شورا پرېکړه کړې چې اوکراین او مولداویا ته غړیتوب ورکړل شي.

اوکراين، مولداويا او يو شمېر نورو هېوادونو اروپايي ټولنه کې د غړيتوب غوښتنليکونه وړاندې کړي دي.



سريلانکا له اسټراليا د کرېکټ يو ورځنيو لوبو لړۍ وګټله

ارشيف

سریلانکا لوبډلې له ۳۰ کلونو وروسته په خپل کور کې له اسټرالیا لوبډ‌لې د یو ورځنیو لوبو سیریز وګاټه.

د دواړو لوبډلو ترمنځ څلورمه یو ورځنۍ لوبه چې د سریلانکا په کولمبو ښار کې وشوه، سریلانکا د ۴ منډو په توپير وګټله.

په یاده لوبه کې چارېټ اسلانکا تر ټولو ډېرې ۱۱۰ منډې وکړې او د لوبې په ګټلو کې یې مهم رول ولوباوه.

دا په تېرو ۳۰ کلونو کې لومړی ځل و چې سریلانکا لوبډلې له اسټرالیا څخه په خپل کور کې د یو ورځنیو لوبو سیریز وګاټه.

سریلانکا او اسټرالیا په دې سیریز کې پنځه یو ورځنۍ لوبې درلودې چې یوه یې اسټرالیا او درې یې سریلانکا وګټلې او پنځمه یو ورځنۍ لوبه به هم د راتلونکې جمعې په ورځ د دواړو لوبډلو ترمنځ وشي.

ملګرو ملتونو ايران کې د بشري حقونو د وضعيت په اړه اندېښنه ښودلې

د ايران بيرغ

په داسې حال کې چې په ایران کې د اعدامونو شمېر زیات شوی د ملګروملتونو یوې جګپوړې چارواکې په دې هېواد کې د بشري حقونو وضعیت د اندېښنې وړ بللی.

د بشري حقونو په چارو کې د ملګرو ملتونو لویې کمېشنرې نَدا الناشف پرون وویل چې سرمنشي انتونیو ګوتېرېش د مخدرو موادو د اړوند جرایمو په ګډون په ایران کې د اعدامونو د شمېر د زیاتېدو له کبله ډېر اندېښمن دی.

د راپورونو له مخې په ایران کې په دې وروستیو کې د مخدرو موادو په اړوندو قضیو کې د محکومو تنکیو ځوانانو او همدا راز د افغان کډوالو د اعدامونو په شمېر کې زیاتوالی راغلی.

په دې شورا کې د ایران استازي وویل چې دا اعاوې بې بنسټه او ناسمې دي.

د امريکا لوی څارنوال: اوکراين کې پر جنګي جرمونو ککړ کسان له عدالت ځان نه‌شي پټولی

د اوکراين جګړه کې د ويجاړيو يو انځور

د امریکا لوی څارنوال میریک ګارلند ژمنه کړې چې هرهغه کس به عدالت ته راکاږي چې پر اوکراین د روسیې د یرغل په ترڅ کې یې په اوکراین کې جنګي جرمونه ترسره کړې وي.

هغه دغه ژمنه پرون سې شنبې اوکراین ته د سفرپه مهال وکړه او زیاته یې کړه چې هیڅوک نه‌شي کولای چې د دغسې جرمونو په خاطر له عدالت څخه ځان پټ کړي.

د امریکا د عدلیې وزارت وایي، د دې هېواد لوی څارنوال خپل اوکرایني سیال ته ویلي چې پر جنګي جرمونو د څارنې یوه کمېټه به وګماري.

دوه ورځې وروسته پر اکراین د روسیې جګړه پنځمې میاشتې ته داخلیږي.

په دې موده کې په اوکراین کې په زرګونو کسان وژل شوي او په ميلیونونه نور هم له هېواد بهر نورو اروپایي هېوادونو کډه کولو ته اړ کړای شوي دي.

روسي ژورنالیست د اوکراین ماشومانو سره د مرستې لپاره خپله جايزه وپلورله

دیمیتري مراتوف

د نوبل د سولې د جایزې ګټونکي- روسي ژورنالیست دیمیتري مراتوف خپله نوبل جایزه، د اوکراین له جګړه ځپلو ماشومانو سره د مرستې لپاره په لیلام کې وپلورله.

د دې جایزې له پلورلو ترلاسه شوي ټول ۱۰۳،۵ میلیون ډالر به د جګړې له کبله له بېځایه شویو اوکرایني ماشومانو سره د یونیسیف د مرستې صندوق ته ورکول شي.

مراتوف چې د نووایا ګزېتا د خپلواکې ورځپاڼې له جوړېدو سره یې مرسته کړې وه او مسوول مدیر یې هم و، په تېر ۲۰۲۱ کال کې له یوې بلې روسۍ ژورنالیستې ماریا ریسا سره په ګډه د نوبل د سولې جایزه ګټلې وه.

پر اوکراین د روسیې له یرغل وروسته چې مسکو د رسنیو د ځپلو اقدامات پیل کړل، نو په مارچ میاشت کې نووایا ګزیتا ورځپاڼه هم بنده شوه.

چارواکي: روسي ځواکونو د اوکراین په ختيځ کې درانه زیانونه اړولي

د روسي ځواکونو له بمبارۍ وروسته د لوهانسک سیمې انځور

اوکرایني چارواکي وايي، روسي ځواکونو د اوکراین پر ختیځو ښارونو لیسیچانسک او سیویرو دونېڅک د بمباریو پرمهال درانه زیانونه اړولي دي او لاهم خپلو حملو ته دوام ورکوي.

لوهانسک سیمې پوځي والي سیرهي هایدای نن پر ټولنیز شبکو په یوه بیان کې وویل، چې د سویرودونېڅک صنعتي سیمه او لیسیچانسک کې د روسیې پوځي عملیاتو یو انساني ناورین رامنځ ته کړی دی.

دا څرګندونې داسې مهال کېږي، چې د روسي ځواکونو په ختیځه دونباس سیمې کې خپلو عملیاتو ته زور وکړی.

زلنسکي: مسکو اروپايي ټولنې ته د اوکراین په نږدې کېدو ډېر عصباني شوى

د اوکراین ولسمشر ولودمیر زلنسکي

د اوکراین ولسمشر ولودمیر زلنسکي وایي، مسکو اروپايي ټولنه کې د دوی د کاندیدۍ حیثیت پرېکړې ته په نږدې کېدو " ډېر عصبانی " شوی دی.

زلنسکي دا څرګندونې داسې مهال کوي، چې ټاکل شوې د اروپایي ټولنې مشران د راتلونکې پنجشنبې او جمعې په ورځو دغې ټولنه کې د غړیتوب په خاطر د اوکراین پر کاندیدۍ غور وکړي.

بل لورته د اوکراین له ختیځه د جګړو د دوام راپورونه ورکول کېږي او د اوکراین پوځیانو د جګړې د لومړۍ کرښې وضعیت" ډېر سخت " یاد کړی دی.

نور راوښيه

XS
SM
MD
LG