د نورستان په ځنګلونو کې لګېدلي اور د کونړ ځنګلونو ته هم مخه کړې او د دې ولایت د چپې ولسوالۍ د دیګل درې په ځنګله کې دوه ځایه اورلګېدلی دی.
د نورستان ولایت د نورګرام ولسوالۍ د شام درې ځنګل کې لګېدلی اور هم تراوسه نه دی مړ شوی او د چارواکو په خبره اور د مرکز پارون اړوند د کانتېوا پراخه ځنګله ته هم مخه کړې ده.
د سیمه ییزو خلکو په خبره اور د ځنغوزیو او نښترو په ونو کې لګېدلی دی.
د نورستان او کونړ په ځنګلونو کې لګېدلي اورونه به د سیمې پر اقتصاد او وحشي ژویو څه اغېز وکړي، په دې اړه نوریاس نوري د کرنې او چاپېریالي مسایلو له پوه میرویس خوګیاڼي سره مرکه کړې او په پیل کې یې ترې پوښتنه کړې چې په نورستان کې لګېدلی اور ولې دومره دوام وکړ او د مړه کېدو هڅو یې ولې تراوسه نتیجه نه ده ورکړې؟
د دې مرکې اورېدو لپاره لاندې لېنک کېکاږئ:
