د لاسرسۍ وړ لېنکونه

تازه خبر
پنجشنبه ۱۶ چنګاښ ۱۴۰۱ کابل ۰۰:۲۸

امريکا: په يوه لومړني ښوونځي کې ۱۸ ماشومان او ۳ مشران په ډزو وژل شوي


ارشيف

د امریکا د ټکزاس ایالت په یو لومړني ښوونځي کې یوه ځوان سړي ۱۸ ماشومان او درې مشران په ډزو وژلي دي.

د ټکزاس په اووالدې Uvalde ښار کې له بېګانۍ پېښې وروسته ولسمشر جو بایډن پر وسلو د بندیز د قانون مخالفان وغندل او ژمنه یې وکړه چې په متحدوایالتونو کې د ډزو په وسیله د خلکو د وژنو د لړۍ مخه به ونیسي.

ښاغلي بایډن په غرېو نیولي اواز وویل، هغه وخت رارسېدلی چې د میندو- پلرونو او د امریکا د ټولو وګړو دې درد ته علاج پیدا شي.

ښاغلي بایډن هغو کسانو ته چې د ده په وینا د وسلو د ازاد خرڅلاو د مخنیوي د قانون مخالفت کوي او یا ځنډ پکې راولي په خطاب کې وویل چې خلک به د دوی دا کار هېر نه کړي.

ويل شوي دي، پوليس د پېښې څېړنې کوي
ويل شوي دي، پوليس د پېښې څېړنې کوي

له دې مخکې د ټکزاس والي ګریګ ابوټ Greg Abbott په یو خبري کنفرانس کې وویل مشکوک برید کوونکي د سیمې یو اوسېدونکی اتلس کلن سلوادور راموس دی چې امریکايي تابعیت لري.

د ټکزاس د عامه امنیت ادارې سي ان ان ټلویزیون ته ویلي چې برید کوونکي، مخکې له دې چې د راب Robb په نوم لومړني ښوونځي ته د ډزو په مقصد ولاړ شي خپله انا هم په ډزو وژلې ده.

بریدکوونکی وروسته په خپله هم د پولیسو په ډزو وژل شوی دی.

بېګانۍ پېښه په متحدوایالتونو کې په تېرو څو کلونو کې په ډزو د خلکو د وژنو تر ټولو خونړۍ پېښه ده.

XS
SM
MD
LG