د طالبانو حکومت د کورنیو چارو سرپرست وزیر، ویلي که هر چا د دوی د عمومي عفوې له فرمان سرغړونه کړې وي، د ده په خبره د اسلامي شریعت د احکامو له مخې به محاکمه شي.
د افغانستان له بېلابېلو برخو کې د پخواني دولتي کارکوونکو، پوځیانو او فعالانو د نیول کېدو، ځورول کېدو او حتی وژل کېدو راپورونه ورکړل شوي دي.
زموږ همکار، د سیاسي مسایلو له شنونکي احمد خان اندړ څخه د مرکې په پیل کې پوښتنه وکړه: د عفوې له فرمان څخه د سرغړوونکو د سزا ورکولو ژمنه مخکې هم طالبانو کړې وه، د دوی اقدامات کافي وو؟
