د لاسرسۍ وړ لېنکونه

تازه خبر
پنجشنبه ۳ کب ۱۴۰۲ کابل ۰۷:۴۱

افغانستان

اسلام‌اباد: نور به خپلې خاورې ته افغانان بې‌ويزې پرېنږدو

ارشيف، جلال‌اباد کې د پاکستان د ويزې مراجعين
ارشيف، جلال‌اباد کې د پاکستان د ويزې مراجعين

پاکستان ویلي چې نور به خپلې خاورې ته افغانان بې‌ويزې پرېنږدي.

پاکستان له ډېره وخته د افغانانو لپاره د رسمي ویزې شرط ایښی، خو یوازې یې د سرحدي ولایتونو اوسېدونکي پرېښودل چې بې‌ویزې له کرښې واوړي.

د راپورونو له مخې د پاکستان حکومت د افغانانو لپاره د ویزې نوي مقررات جوړ کړي چې تر مخکېنیو سخت دي.

په همدې حال کې پاکستان ویلي چې تر سبا دوشنبې پورې هغو افغانان ته چې ویزه نه‌لري اجازه ورکوي چې د تورخم او سپین بولدک له لارې د تذکرې په ښودلو افغانستان ته واوړي.

د ورځې تازه خبرونه دلته ولولئ

د خوړو نړیوال پروګرام: د نورستان د واورې ښوېیدو له زیانمنو سره مو مرسته وکړه

د نورستان ولایت یوه څنډه
د نورستان ولایت یوه څنډه

د خوړو نړیوال پروګرام( ډبلیو ایف پي) وایي، په نورستان کې یې د واورو د ښوېیدو له امله اغېزمن شویو کسانو ته انرژي لرونکي بسکټ ورکړي دي.

د افغانستان لپاره د ( ډبلیو ایف پي) ادارې پرون په خپله ایکسپاڼه کې لیکلي دي چې د دې پېښې له متاثرو شویو سره به نورې مرستې هم وکړي.

د ملګرو ملتونو د مرستو د همغږۍ ادارې( اوچا) د ارزونې له مخې، د یکشنبې د ورځې د واورې د ښوېیدو له امله یو ویشت کسان مړه شوي او اتلس کورونه نړیدلي دي.

اوچا پرون په خپله ایکسپاڼه کې څرګنده کړه چې د دې برف کوچ له امله نور دیرش کورونه څه زیانمن شوي او دوه سوه پنځوس کورونه د نړیدو له خطر سره مخامخ دي.

د امریکا د کانګرس یو غړی: افغانستان کې بندي راین کاربیټ دې را خوشې شي

د افغانستان یو زندان او پکې ولاړ طالب ساتونکی - ارشیف
د افغانستان یو زندان او پکې ولاړ طالب ساتونکی - ارشیف

د امریکا د کانګرس غړي مورګان مک ګراوي په افغانستان کې د راین کاربیټ په نوم د یوه امریکایي د خوشې کېدو غوښتنه وکړه.

مورګان مک ګراوي دا غوښتنه په ایکسپاڼه( پخواني ټویټر) کې د چهارشنبې په ورځ وکړه.

د ده په وینا، ښاغلی کاربیټ له څه باندې پنځه سوه پنځوس ورځو راهیسې په افغانستان کې پرته له کومې ګناه زنداني دی.

د طالبانو د حکومت د زندانونو د تنظیم د ادارې چارواکو پروسږکال د اګسټ په میاشت کې ملت ته د حساب ورکولو په پروګرام کې تایید کړه چې په افغانستان کې د پنځو ښځو په ګډون شپاړس بهرنیان بندیان دي.

دا څرګنده نه ده چې له ډلې به څو تنه امریکایان وي.

نیکلاسن: اروپایي ټولنه په افغانستان کې د کوکنارو کښت د کمیدو د هڅو ملاتړ کوي

د افغانستان لپاره د اروپایي ټولنې ځانګړي استازي ټوماس نیکلاسن
د افغانستان لپاره د اروپایي ټولنې ځانګړي استازي ټوماس نیکلاسن

اروپایي ټولنه په افغانستان کې د کوکنارو د کښت د کمیدو د هڅو ملاتړ کوي.

دا خبره د افغانستان لپاره د اروپایي ټولنې ځانګړي استازي ټوماس نیکلاسن پرون په ایکسپاڼه کې خپره کړه چې اروپایي ټولڼې دا ژمنه د دوشنبې په ورځ د قطر په پلازمېنه دوحه کې د ملګرو ملتونو له لورې د افغانستان لپاره په جوړې شوې غونډه کې وکړه.

ښاغلي نیکلاسن په دې برخه کې نور توضیحات نه دي ورکړي چې اروپایي ټولنه به څه ډول مرسته کوي.

د ملګرو ملتونو د راپور له مخې، په تېر دوه زره درویشتم کال کې په افغانستان کې په لس زره او اته سوه هکتاره مځکه کوکنار کرل شوي وو او تر دې په مخکني کال کې دوه لکه درې دیرش زره هکتاره مځکه کوکنارو ته ځانګړې شوې وه،

کرکټ؛ افغانستان په وروستۍ سیالۍ کۍ سریلانکا ته ماتې ورکړه

د افغانستان او سریلانکا له لوبو یو انځور
د افغانستان او سریلانکا له لوبو یو انځور

د افغانستان د کرکټ ملي لوبډلې سفر سریلانکا ته په بریا سره بشپړ شو.

افغان لوبډلې وروستۍ شل اوریزه سیالي د ۳ منډو په توپیر وګټله.

د سریلانکا او افغانستان په درېیمې شل اوریزې سیالۍ کې افغان لوبډلې پچه وګټله او توپوهنه یې وکړه چې د ۵ لوبغاړو په سوځېدو یې ۲۰۹ منډې وکړې.

په نننۍ سیالۍ کې رحمن الله ګربز ۷۰، حضرت الله ځاځي ۴۵، عظمت الله عمرزي ۳۱ او محند نبي هم ۱۶ ناسوځېدلې منډې وکړې.

همدارنګه محمد اسحاق رحیمي چې دا یې لومړۍ نړیواله سیالي وه، په ۱۶ منډو ناسوځېدلی پاتې شو.

سریلانکا ته پتيرانا او دننجایا دوه دوه لوبغاړي وسوځول.

کوربه لوبډلې د هدف پوره کولو لپاره ښه پیل وکړ، خو په وروستي اور کې یې ۱۹ منډې پوره نه‌کړې او د ۳ منډو په تفاوت مات شول.

یادې لوبډلې ته نساکا او کمېنډو مېنډس نیمه سلیزې ووهلې.

په افغان توپ اچونکو کې محمدنبي دوه، قیس احمد، نوراحمد او فرید احمد یوه یوه وېکټ واخېسته.

دا لوبلړۍ سریلانکا دوه د یو پر وړاندې وګټله.

دغه راز په دې سفر کې افغان لوبډلې یوازینۍ ټېسټ او درې یو ورځنۍ لوبې هم وبایللې.

د ویلو ده چې تر دې سفر وروسته به افغانستان له ایرلینډ سره د درېیو لوبلړیو بهیر روانه میاشت په عربي متحده اماراتو کې پیل کړي.

کرکټ؛ افغانستان د ۲۱۰ منډو هدف وټاکه

د افغانستان او سریلانکا له لوبو یو انځور
د افغانستان او سریلانکا له لوبو یو انځور

د سریلانکا او افغانستان په درېیمې شل اوریزې سیالۍ کې افغان لوبډلې خپله توپوهنه بشپړه کړه او ۱۰۹ منډې یې وکړې.

په نننۍ سیالۍ کې رحمن الله ګربز ۷۰، حضرت الله ځاځي ۴۵، عظمت الله عمرزي ۳۱ او محمدنبي هم ۱۶ ناسوځېدلې منډې وکړې.

همدارنګه محمد اسحاق رحیمي چې دا یې لومړۍ نړیواله سیالي وه، په ۱۶ منډو ناسوځېدلی پاتې شو.

سریلانکا ته پتيرانا او دننجایا دوه دوه لوبغاړي وسوځول.

نیکلاسن: د دوحې د غونډې اکثره ګډونوالو د افغان ښځو د حقونو پر ټینګښت ټینګار وکړ

د افغانستان لپاره د اروپایي ټولنې استازی ټوماس نیکلاسن
د افغانستان لپاره د اروپایي ټولنې استازی ټوماس نیکلاسن

د افغانستان لپاره د اروپایي ټولنې استازی وایي، د دوحې په وروستۍ غونډه کې د اسلامي هېوادونو په ګډون اکثرو هېوادونو په افغانستان کې د ښځو او نجونو د حقونو پر ټینګښت ټینګار وکړ.

ټوماس نیکلاسن نن د فبرورۍ په ۲۱مه پر خپله ایکس شبکه یا پخواني ټویټر لیکلي چې د دوحې په غونډه کې د نجونو او ښځو د کار او تعلیم په اړه د افغانانو غوښتنې راپورته شوې.

د افغانستان په اړه د دوحې غونډه د تېرې یکشنبې او دوشنبې په ورځو د ملګرو ملتونو د سرمنشي انتونیو ګوتیریش په کوربه توب ترسره شوه، خو طالبانو په کې ګډون ونه کړ.

د نیکلاسن په خبره، لا هم د افغانستان او خلکو په وړاندې د دوی پیاوړی تعهد پر خپل ځای دی.

هغه ټینګار وکړ چې د تعهد یوه برخه د افغانستان د راتلونکې ملاتړ دی، داسې چې د ده په ټکو دغه هېواد له ځان، ګاونډیو او نړۍ سره په سوله کې ووسي.

مخکینی افغان ولسمشر 'محمد اشرف غني' عربستان ته تللی

د افغانستان مخکینی ولسمشر محمد اشرف غني
د افغانستان مخکینی ولسمشر محمد اشرف غني

د افغانستان مخکیني ولسمشر محمد اشرف غني په متحده عربي اماراتو کې له څه باندې دوه نیمو کلونو وروسته په ظاهره لومړي بهرني سفر د سعودي عربستان مکې ښار ته تللی دی.

پژواک خبري اژانس د ښاغلي غني د ورور له قوله نن چهارشنبه راپور ورکړی چې هغه د عمرې د ادا کولو لپاره سعودي عربستان ته تللی دی.

په ټولنیزو رسنیو کې هم له سهار راهیسې هغه یو شمېر وېډیوګانې ښکته پورته کېږي چې ښاغلي غني په کې له احرام سره د عمرې د ادا کولو په حال کې معلومېږي او شاوخوا یې د سعودي امنیتي ساتونکي دي.

خپله محمد اشرف غني او د متحده عربي اماراتو او سعودي عربستان دولتونو تراوسه په دې اړه رسماً څه نه دي ویلي.

محمد اشرف غني د ۲۰۲۱ کال د اګست په ۱۵مه نېټه هغه مهال له کابله ووت چې طالبان د ګڼ شمېر ولایتونو له نیولو وروسته د کابل پر دروازو ننوتل.

وروسته څرګنده شوه چې نوموړی متحده عربي اماراتو ته تللی دی.

کرکټ؛ افغان لوبډله د سریلانکا خلاف دا ځل توپوهنه کوي

د افغانستان او سریلانکا له مخکینیو لوبو یو انځور
د افغانستان او سریلانکا له مخکینیو لوبو یو انځور

د افغانستان او سریلانکا ترمنځ درېیمه او وروستۍ شل اوریزه سیالۍ کې افغان لوبډله توپوهنه کوي.

د دې سیالۍ پچه هم افغان لوبډلمشر وګټله، خو دا ځل یې د توپوهنې انتخاب وکړ.

په ننۍ سیالۍ کې د افغانستان لپاره په یولس کسیز نوملړ کې څو بدلونونه هم راغلي دي.

محمداسحاق رحیمي به د لومړي ځل لپاره په شل اوریزو سیالیو کې ولوبېږي، دغه راز شرف الدین اشرف، فریداحمد او وفادار مومند ته هم د لوبېدو چانس ورکړل شوی دی.

د سریلانکا لوبډلې هم په خپل نوملړ کې ځینې تغییرات راوستي دي.

د ویلو ده چې دا لوبلړۍ له وړاندې سریلانکا ګټلې ده.

ملګري ملتونه: په هرات کې د بیارغونې لپاره څه باندې ۴۰۲ میلیونه ډالرو ته اړتیا لرو

په هرات کې د زلزلې له کبله د اوښتو زیانونو یو انځور. October 11, 2023
په هرات کې د زلزلې له کبله د اوښتو زیانونو یو انځور. October 11, 2023

ملګري ملتونه وایي، په هرات کې د تېرې اکټوبر میاشتې له زلزلې وروسته د حالت د عادي کېدو او بیارغونې لپاره څه باندې ۴۰۲ میلیونه ډالرو ته بېړنۍ اړتیا لري.

ملګرو ملتونو دغه خبرې نن چهارشنبه د هرات د تېرې اکټوبر میاشتې له مرګونې زلزلې وروسته د اړتیاوو د ارزونې په هر اړخیز راپور کې کړې ده.

وړاندې راغلي چې د اړتیاوو د ارزونې دغه راپور د ملګرو ملتونو، نړیوال بانک، اروپایي ټولنې او اسیایي پراختیایي بانک له خوا په ګډه جوړ شوی دی.

راپور کې راغلي چې د هرات زلزلې د ۲۱۷ میلیونه ډالرو په اندازې فزیکي ویجاړۍ او د نژدې ۷۹ میلیونه ډالرو په ارزښت زیانونه رامنځته کړي دي.

ملګري ملتونه وایي چې د تېرې اکټوبر په ۷مه، ۱۱مه او ۱۵مه نېټه په هرات کې زلزلو له یونیم زرو ډېر کسان ووژل او له ۲۶۰۰ زیات نور یې ټپیان کړل.

ګوټېرېش: د افغانستان څه باندې نیمایي وګړي سږ کال مرستو ته اړتیا لري

په کابل کې اړمنې مېرمنې او ماشومان د وچې ډوډۍ ته منتظر دي.
په کابل کې اړمنې مېرمنې او ماشومان د وچې ډوډۍ ته منتظر دي.

د ملګرو ملتونو سرمنشي انټونیو ګوټېرېش وایي، د افغانستان څه باندې نیمایي وګړي سږ کال مرستو ته اړتیا لري.

دا په داسې حال کې ده چې د ګوټېرېش په وینا، د ملګرو ملتونو د بشرپاله غبرګون طرحې د اړتیا وړ نژدې درې فیصده بودجه ترلاسه کړې ده.

ګوټېرېش پرون پر خپله ایکس پاڼه/پخواني ټویټر ولیکل چې ډېری افغانان بې وزله دي او د خپلو خوړو د ترلاسه کولو هڅه کوي.

د ملګرو ملتونو سرمنشي وایي، افغانان دا مهال زده کړو، روغتیایي خدمتونو او کار ته له لازم لاسرسي پرته ژوند مخته وړي.

ملګرو ملتونو پخوا ویلي وو چې په افغانستان کې شاوخوا ۲۹ میلیونه کسان مرستو ته اړتیا لري.

نور راوښيه

XS
SM
MD
LG