په اوکراین کې د افغان کډوالو او محصلانو د خوندیتوب په اړه اندېښنې په ډېرېدو دي.
لا کره معلومات او شمېرې نهشته چې په اوکراین کې څومره افغانان او محصلان مېشت دي؟ خو په افغانستان کې د طالبانو حکومت او هم د پخواني جمهوري دولت لوړ پوړو ډپلوماټانو په اوکراین کې چې د روسیې له بشپړ یرغل سره مخ دی، د دې افغانانو د خونديتوب په اړه اندېښنې ښودلي دي.
په چک جمهوریت کې د افغانستان سفیر شهزاد ګل اریوبي وايي، دوی هڅه کوي چې له اوکراین څخه د افغانانو په ایستلو کې مرسته وکړي.
له ښاغلي اریوبي سره د ازادي راډیو خبریال عصمت څاروان مرکه کړې، د لاندې لېنک په کېکاږلو سره یې اوریدلی شئ:
