- یو کې ډېفېنس ژورنال
د بریتانیا دفاعي مجلې 'یو کې ډېفېنس' ژورنال په دې عنوان یوه مقاله خپره کړې چې ایا د جنګسالارانو عمدي کمزوري کول د افغانستان د سقوط لامل شو که څنګه؟
په دې مقاله کې راغلي چې که څه هم ۲۰۲۱ کال تېر شو، خو افغانان به د اګسټ ۱۵مه او تر هغه راوروسته پېښې چې افغانستان سقوط وکړ او طالبان واک ته ورسېدل هېڅکله هېر نهکړي.
یو کې ډېفېنس ژورنال د مقالې په منځ کې د خپلې پوښتنې د ځوابولو هڅه کړې په دې ترتیب چې ګواکې د پرځول شوي ولسمشر اشرف غني ټیم د طالبانو ضد او د جمهوریت پلویو جنګسالارانو د کمزوري کولو هڅې کولې.
مقاله کې دا ادعا هم راغلې چې د ارګ ټیم دا کسان د اقتدار لپاره ننګوونکي بلل.
یو کې ډېفېنس ژورنال لیکلي چې د ارګ ټیم دا جنګسالاران له موقفونو وپرځول، له دولتي ادارو او منسبونو یې وشړل او د واکمنۍ فرصتونهیې ځینې واخیستل.
دا خپرونه وايي چې که څه هم ارګ دا کسان لیرې کړل، خو دوی بیا هم د طالبانو ضد جبهې لویه برخه جوړوله او تشهیې هغه وخت معلومه شوه چې کله د ۲۰۲۱ کال په پای موسم کې یوه پاڅون ته اړتیا وه.
یو کې ډېفېنس ژورنال بیا وړاندې د جمهوریت د چټک سقوط یو بل عامل د طالبانو تګلاره هم بللې چې په خبرهیې مهمه ده او باید له پامه ونهغورځول شي.
هماغه پخوانۍ فرضیه چې [افغانان سره ووېشئ او واک پرې وکړئ.]
- ګارډین
بریتانیايي ورځپاڼې ګارډین په کابل کې د شرابو پر ضد د طالبانو د وروستي اقدام په اړه یو راپور خپور کړی دی.
راپور وايي، په دې وروستیو کې د طالبانو د استخباراتي چارواکو یوې ډلې شااوخوا ۳،۰۰۰ لیتره شراب د کابل په یوه رود کې توی کړل.
ویل کېږي چې دا د شرابو د خرڅلاو د مخنیوي لپاره د طالبانو د وروستي اقدام یوه برخه ده.
د طالبانو د استخباراتو لهخوا د یکشنبې په ورځ په خپره شوې خبرپاڼه کې ویل شوي چې د شراب پلورنې پر ضد د عملیاتو په ترڅ کې یې درې تنه شراب پلورونکي نیولي دي.
په راپور کې ویل شوي چې د الکول پلور او مصرف حتی د لوېدیځ له ملاتړ برخهمن تېر رژیم کې هم ممنوع وو.
خو مقالې زیاته کړې چې طالبان بیا له شرابو سره لا کلک مخالفت پالي.