په کابل کې د ماشوم د روغتیا د برخې یا د اندراګاندي روغتون رییس وايي، دغه روغتون ته د خوارځوکو ماشومانو د راوړلو شمېر مخ په ډېرېدو دی.
ډاکټر نورالحق یوسفزۍ که څه هم دقیق ارقام نه ورکوي خو وايي، دوی له همدې امله د دغو ماشومانو لپاره یو بل ځانګړی مرکز هم جوړ کړی دی.
دا څرګندونې په داسې حال کې دي چې تازه د روغتیا نړیوال سازمان ویلي، اټکل کېږي سږ کال په افغانستان کې تر دوه میلیونه او دوه لکو پورې ماشومان په شدیدې خوارځواکۍ اخته شي چې د دغه سارمان په خبره، له دې شمېر یو میلیون ماشومان د مرینې له خطر سره مخ دي.
د ازادي راډیو خبریال له ښاغلي یوسفزي سره مرکه کړې او په سر کې یې په اندراګاندي روغتون کې د خوارځواکو ماشومانو وضعیت ترې پوښتلی دی.
دا مرکه د لاندې لېنک په کېکاږلو سره واورئ:
