د افغانستان د پوهنتونونو د استادانو اتحادیې خبرداری ورکړی چې که په یوه اوونۍ کې طالبان د لوړو زدهکړو او د مرکز او ولایتونو د پوهنتونونو په اړه پر خپلې پرېکړې بیا کتنه ونهکړي دا اتحادیه به جدي پرېکړه وکړي.
دوی په یوه اعلامیه کې له طالبانو غوښتي چې د پوهنتونونو د حقوقي حیثیت د خوندیتوب لپاره دې پوه او اکاډمیک کسان په علمي پوستونو وګوماري.
د پوهنتونونو استادانو دا اعلامیه وروسته له دې خپره کړه چې د لوړو زدهکړو وزارت د کابل پوهنتون د رئيس پوهاند دوکتور عثمان بابري پر ځای محمد اشرف غیرت د کابل پوهنتون د رئیس په توګه معرفي کړ.
په دې موضوع عصمت څاروان د کابل پوهنتون له یوه استاد دوکتور عبدالله وردک سره مرکه کړې او لومړی یې د پوهنتونونو د استادانو د اتحادیې د اعلامیې په اړه ورڅخه جزئیات پوښتلي.
دا مرکه د لاندې لېنک په کېکاږلو سره اورېدلی شئ:
