افغانستان
کندهار کې روغتیاپاله رحمتي: طالبان کور ته را اوښتي او تشدد یې کړی
![ارشیف، د کندهار ښار یوه څنډه](https://gdb.rferl.org/cedccc22-3282-4de4-816d-1e5f9b467cca_w250_r1_s.jpg)
په کندهار کې د خیر ښېګڼې د یوه بې پرې بنسټ مشره فهیمه رحمتي وايي، طالبان تېره شپه کور ته ور اوښتي او وروڼه یې ورته ډبولي دي.
هغې په یوه ویډیويي پیغام کې چې بېلابېلو رسنیو خپور کړی، په ژړغوني انداز د هغې صحنې جریان بیان کړی.
فهیمې ویلي:"دا د دوی عمومي عفوه ده چې د خلکو کورونو ته اوړي. په ښځو او کوچنیانو کې ګرځي، له ښځو ټیلیفونونه اخلي، حملې او وهل کوي. زما کشر ورور یې کشاوه ما ټېنګ کړ ورته ومې ویل واله که یې راڅخه بوځې، څه ورباندې کوې. زه یې پر سینه ووهلم. ما ورته وویل ټیلیفون مې راکړه، ګېټ یې راته کش کړ او ویې ویل ټیلیفون نه شته. ننوځه."
فهیمه رحمتي چې روغتیاپاله هم ده، تېره میاشت د جګړې په شرایطو کې له بې وزلو کورنیو سره د بسپنې په ټولولو کې مهم رول درلود.
په کندهار کې د طالبانو د اطلاعاتو امر رحمت الله نړیوال، بیا ادعا کړې چې په دې کور کې د پخواني حکومت استخباراتو وسله وال موجود وو چې د طالبانو له ورتګ سره سم ډزې شوي او طالبان د هغوی د نیولو لپاره لاس په کار شوي دي.
مېرمن رحمتي دغه ادعا رد کړې ده.
د ورځې تازه خبرونه دلته ولولئ
افغانستان له نیوزیلنیډ سره ټېسټ سیالي لوبوي
![د افغانستان د کرکټ ملي لوبډلې لوبغاړي](https://gdb.rferl.org/01000000-0aff-0242-3370-08db6e3a2305_cx0_cy10_cw0_w250_r1_s.jpg)
د افغانستان او نیوزیلنیډ د کرکټ ملي لوبډلې به په لومړي ځل ټېسټ سیالي ولوبوي.
د کرکټ معتبر وېبسایټ کرېک اینفو په یوه راپور کې لیکلي دي، دا سیالي به د روان کال په سپټمبر میاشت کې د هندوستان د ګریټرنوېډا په لوبغالي کې ترسره شي.
په راپور کې لیکل شوي دي چې په احتمالي توګه به دغه ټېسټ سیالي د سپټمبر میاشتې په ۹مه نېټه پیل او تر ۱۳مې نېټې به دوام وکړي.
تر دې دمه د نیوزیلنډ په ګډون، اسټرالیا، پاکستان، انګلستان او سویلي افریقا هغه هېوادونه دي چې له افغانستان سره یې ټېسټ سیالي نه ده ترسره کړې.
تر دې دمه د افغانستان او نیوزیلینډ د کرکټ بورډ ادارو د یادې ټېسټ سیالي په تړاو خپل رسمي دریځ نه دی په ډاګه کړی، خو روانه اوونۍ افغان کرکټ بورډ په یوه خبر کې لیکلي وو چې د نیوزیلنډ کرکټ بورډ له مسولینو سره یې تر چمپینز ټراپۍ وړاندې د لوبلړۍ د لوبولو خبرې کړې دي.
د پاریس په المپیک کې د درېیو نجونو په ګډون شپږ افغان لوبغاړو برخه اخیستې
![افغان لوبغاړې یولدوز هاشمي](https://gdb.rferl.org/01000000-0aff-0242-36ea-08dcac96099c_w250_r1_s.jpg)
د پاریس په المپیک کې د درېیو نجونو په ګډون شپږ افغان لوبغاړو برخه اخیستې ده.
دا لوبې نن د نړۍ له بېلابېلو برخو د څه باندې لس زره او پنځه سوه لوبغاړو په ګډون پیلېږي.
طالبانو ویلي چې دا درې ښځینه افغان لوبغاړې دوی په رسمیت نه پېژني، خو د المپيک نړیوالې کمېټې بیا ویلي چې دوی د طالبانو پلاوی نه دی وربللی.
د المپیک په لوبو کې افغان لوبغاړې یولدوز هاشمي ازادي راډیو ته وویل چې د المپیک په سیالیو کې د ګډون له لارې غواړي د هغو ۲۰ میلیونه افغان مېرمنو استازیتوب وکړي چې د دې په وینا په افغانستان کې له خپلو اساسي حقونو بې برخې دي.
هغې زیاته کړه چې دا غواړي نړۍ ته وښيي چې افغان مېرمنې په هر حالت کې ستر هدف ترلاسه کولای شي.
یولدوز هاشمي له خپلې خور فریبا هاشمي سره د پاریس المپیک د بایسکل ځغلونې په سیالیو کې ګډون کوي.
په تېرو درېیو کلونو کې په افغانستان کې د طالبانو له واک ته رسېدو وروسته په دغه هېواد کې پر ښځو او نجونو د نورو بندیزونو د ترڅنګ د نجونو او ښځو پر ورزش هم بندیز لګول شوی دی.
اروپايي ټولنې په افغانستان کې د بشري وضعیت خرابېدو او سرغړونو ته اندېښنه وښوده
![ارشیف: په کابل کې د معترضو مېرمنو د یوه لاریون انځور](https://gdb.rferl.org/01000000-0aff-0242-c6b3-08db8873ddc6_w250_r1_s.jpg)
په ویانا کې د ملګرو ملتونو په دفتر کې د اروپایي ټولنې استازولي په یوه بیان کې وویل، دغه ټولنه په افغانستان کې د بشري وضعیت خرابېدو او د ښځو او نجونو په برخو کې د طالبانو د بشري حقونو سرغړونو ته ډېره زیاته اندېښمنه ده.
په دې بیان کې چې د پنجشنبې په ورځ خپور شو، همداراز راغلي چې نجونې او ښځې په افغانستان کې له خپلو بنیادي حقونو څخه چې په دې کې زدهکړې، کار او ازاد سفر شامل دی، منع شوي دي.
تر دې مخکې په افغانستان کې د ملګرو ملتونو مرستدویه پلاوي، یوناما او د کډوالۍ نړیوال سازمان ویلي وو چې په افغانستان کې د ښځو د وضعیت په اړه ناهیلي په زیاتېدو ده.
په دې ترڅ کې تمه ده چې د امریکا د استازیو جرګې د بشري حقونو کمېسیون راتلونکې سې شنبه د افغانستان د ښځو او نجونو د وضعیت په اړه یوه غونډه جوړه کړي.
په کابل کې د درمل جوړولو یوه نوي شرکت کار پیل کړ
![ارشیف](https://gdb.rferl.org/01000000-0aff-0242-9dd6-08db667a44f6_cx0_cy20_cw63_w250_r1_s.jpg)
په کابل کې د ۲۰ میلیون ډالرو په لګښت د درمل جوړولو یوه نوي شرکت کار پیل کړ.
د لایف پرل په نوم د دغه نوي شرکت مسوولانو پرون په کابل کې د دغه شرکت په پرانیستونکو مراسمو کې وویل چې شرکت به یې شاوخوا ۵۰ ډوله درمل جوړوي.
د طالبانو د عامې روغتیا مرستیال وزیر عبدالباري عمر د پرانیستې په مراسمو کې وویل چې حاضردمه په ټول افغانستان کې د درملو ۷۷ شرکتونه فعالیت لري.
افغانستان د درملو له سخت کمښت سره مخامخ دی او اکثره درمل له بهره واردوي، خو خلک شکایت لري چې ډېری وارداتي درمل بې کیفیته دي.
یو افغان د ایران په بندر عباس زندان کې په پټه اعدام شوی
![ارشیف](https://gdb.rferl.org/08550000-0a00-0242-0211-08daf9ef687a_w250_r1_s.jpg)
یوې ایرانۍ رسنۍ د بشري حقونو د سرچینو په قول پرون پنجشنبې راپور ورکړ چې یو افغان د ایران په بندر عباس زندان کې د نشهيي توکو د قاچاق په تور په پټه اعدام شوی دی.
۴۳ کلن ګلاب شاه نورزی چې په اصل کې د افغانستان د فراه ولایت اوسېدونکی و، د سې شنبې په ورځ سهار وختي په دار وځړول شو.
ایران وایر رسنۍ د ایران د بشري حقونو د څارونکې ډلې هینګاو د راپور پر اساس وايي، نورزی په پټه او بې له دې چې د هغه کورنۍ ته خبر ورکړل شي، اعدام شوی دی.
نورزی د نشهيي توکو د قاچاق په تور په بندر عباس کې د ایران د انقلابي محکمې لهخوا په بند محکوم شوی و او پنځه کاله په بند کې و.
د طالبانو د دفاع او کورنیو چارو سرپرست وزیران: په افغانستان کې ټولې موجودې وسلې خوندي دي
![د عکس ښي لور ته د طالبانو د دفاع سرپرست وزیر ملامحمدیعقوب مجاهد او چپ لور ته د دوی د کورنیو چارو سرپرست وزیر سراجالدین حقاني](https://gdb.rferl.org/9e786cb8-f3c1-459d-9428-f37796454597_cx29_cy8_cw69_w250_r1_s.jpg)
د طالبانو د دفاع او کورنیو چارو وزیران وايي چې په افغانستان کې ټولې موجودې وسلې خوندي دي او باید هیڅوک یې په اړه اندېښنه ونهلري.
د طالبانو د دفاع سرپرست وزیر ملامحمدیعقوب مجاهد پرون پنجشنبې د درې ګونو امنیتي او دفاعي قواوو د ستاینې په غونډه کې وویل څوک چې د وسلو او وسایطو په اړه اندېښنه ښيي، هغوی هڅه کوي چې په دې توګه خلک په دوی بېباوره کړي.
تر دې مخکې د جولای په ۱۸مه نېټه د امریکا پخواني ولسمشر او جمهوریپال ګوند کاندید ډونالډ ټرمپ یو وار بیا ادعا وکړه چې امریکا په افغانستان کې د ۸۵ میلیارد ډالرو په ارزښت پوځي وسایل پرېښودل او دا وسلې اوس په بازارونو کې پلورل کېږي.
د طالبانو د کورنیو چارو سرپرست وزیر سراجالدین حقاني هم د وسلو د خوندیتوب ډاډ ورکړ او په عین حال کې یې وویل چې د ده تر مشرۍ لاندې د کورنیو چارو وزارت ۲۳۰زره پولیس لري.
د پاریس د المپیک په سیالیو کې دوه بایسکل ځغلونکې افغانې خویندې هم ګډون لري
![یولدوز هاشمي](https://gdb.rferl.org/01000000-0aff-0242-36ea-08dcac96099c_cx0_cy0_cw99_w250_r1_s.jpg)
د پاریس د المپیک په سږنیو سیالیو کې دوه بایسکل ځغلونکې افغانې خویندې یولدوز هاشمي او فریبا هاشمي هم ګډون لري.
یولدوز ازادي راډیو ته په یوه ځانګړې مرکه کې وویل دا غواړي په سږني المپیک کې د ۲۰ میلیون افغان ښځو، چې د دې په وینا له خپلو لومړنیو حقونو بې برخې استازیتوب وکړي.
نوموړې دا یادونه هم کړې چې غواړي په دې المپیک کې نړیوالو ته وښيي چې افغان ښځې له ناوړه شرایطو سره سره کولای شي لویو اهدافو ته ورسېږي.
پر افغانستان د طالبانو له واکمنېدو راهیسې دا لومړی ځل دی چې د المپیک لوبې جوړېږي.
دا لوبې چې د نړۍ شاوخوا لس نیم زره لوبغاړي په ۳۲ ورزشونو سیالي پهکې کوي سبا پيلېږي.
د افغانستان لهخوا د ۳ نجونو په ګډون ۶ لوبغاړي ګډون لري، خو د طالبانو حکومت وایي، افغان نجونې په المپیک کې د دوی استازیتوب نه کوي.
شهباز شريف: د افغانستان له خاورې د ټيټيپي حملې د زغملو نهدي
![د پاکستاني طالبانو د تحريک جنګيالي، انځور - ارشيف](https://gdb.rferl.org/47F615B2-B718-40B1-8191-9E9E492EE27E_w250_r1_s.jpg)
د پاکستان صدراعظم یوځل بیا خبرداری ورکړی چې د افغانستان له خاورې د ده په وینا د پاکستاني طالبانو د تحریک یا TTP حملې د زغملو نهدي.
شهباز شریف پرون د کابینې غونډې ته په وینا کې وویل، پاکستان د خپلو وګړو خوندي کولو ته چمتو دی، خو غواړي چې دا ستونزه له سولهيیزې لارې حل شي.
ښاغلي شریف په خیبرپښتونخوا او بلوچستان ایالتونو کې د حملو په زیاتېدو کې د افغانستان ونډې ته د اشارې په ترڅ کې زیاته کړه چې، د دې ستونزې په اړه دی د طالبانو له چارواکو سره په تماس کې دی.
شریف وویل، پاکستان په تېرو څو کلونو کې د میلیونونه افغانانو کوربه و، خو هغه څه چې په بدل کې یې ترلاسه کړي د ده په وینا پر پاکستاني وګړو د TTP حملې دي.
د طالبانو حکومت تراوسه د ښاغلي شریف د څرګندونو په اړه غبرګون نهدی ښودلی.
پاکستاني چارواکو د تورخم د بندېدو اړوند راپورونه رد کړي دي
![تورخم دروازه - ارشیف](https://gdb.rferl.org/01000000-c0a8-0242-5782-08dc14222fb5_w250_r1_s.jpg)
په ننګرهار کې د طالبانو د امنیه قوماندانۍ ویاند نن وویل، په تورخم کې د پاکستان امنیتي ځواکونه، هغو ناروغانو ته چې په میډیکل ویزو پاکستان ته ځي له تورخم څخه د اوښتو اجازه نه ورکوي او د طالبانو تر ادارې لاندې باختر اژانس د دې لارې د پوره بندېدو خبر ورکړی و.
خو په تورخم کې د پاکستان د مرکزي تحقیقاتي ادارې FIA مرستیال مشر یاسرخان نن د ازادي راډیو مشال څانګې ته وویل، پر تورخم یوازې د هغو کسانو مخه نیول کېږي چې په جعلي میډیکل او تحصیلي ویزو، د پاکستان خاورې ته د ننوتو هڅه کوي.
د نوموړي په وینا چارواکو په تېرو درې ورځو کې سل تنه چې جعلي میډیکل او تحصیلي ویزې یې لرلې بېرته افغانستان ته ستانه کړي دي.
نوموړی ډاډ ورکوي چې تورخم د ټولو هغو کسانو پر مخ خلاص دی چې اصلي اسناد لري.
یاسرخان زیاتوي چې ناروغان تورخم ته له رسېدو سره سم د پاکستان ویزې ترلاسه کوي او د لاریو ډرېوران په ځانګړو کاغذونو تګ راتګ کوي او هيڅ بندیز پرې نهشته.
د پاريس المپيکي سياليو کې د دوو خويندو په ګډون درې افغانې نجونې برخه لري
![انځور - ارشيف](https://gdb.rferl.org/5D2BAEE6-B81B-47DD-8F39-E14568D8C22D_w250_r1_s.jpg)
د پاریس په المپیکي سیالیو کې دوه بایسکل ځغلونکې افغان خویندې یولدوز هاشمي او فریبا هاشمي هم ګډون لري.
یولدوز هاشمي رویټرز ته ویلي، دا غواړي چې په افغانستان کې د شته ۲۰ میلیونه ښځو چې په خبره یې له لومړنیو حقونو بېبرخې دي، استازیتوب وکړي.
خبر کې چې تېره شپه خپور شوی، وړاندې د یولدوز په حواله راغلي، دا غواړي په المپیکي لوبو کې نړۍ ته وښيي چې افغان ښځې له بدو شرایطو سره - سره کولای شي لویو اهدافو ته ځانونه ورسوي.
د پاریس لوبې د اوړي د المپیک لومړنۍ لوبې دي چې، واک ته د طالبانو له بیا رسېدو وروسته ترسره کېږي.
ټاکل شوې دغه لوبې چې د ټولې نړۍ شاوخوا لسنیم زره لوبغاړي پهکې په دوه دېرش ډوله لوبو کې سیالي کوي، سبا جمعه پيل شي.
د افغانستان لهخوا د درې نجونو په ګډون شپږ لوبغاړي ګډون لري، خو د طالبانو حکومت وایي، د افغان نجونو ګډون د دوی استازیتوب نهکوي.