د افغانستان د دولت مشرتابه ویلي، کابل ته له جګړې بې ځایه شوي کسان کولای شي د دې ښار په جوماتونو کې ځای پر ځای شي.
د ولسمشر لومړي مرستیال امرالله صالح ویلي، دوی د حج او اوقافو وزارت ته په دې برخه کې لارښوونه کړې او پولیسو ته یې هم ویلي چې بې ځایه شوېو ته دې موضوع کې خنډ رامنځته نه کړي.
د افغانستان له جګړه ځپلو سیمو، په ځانګړي توګه شمالي ولایتونو تازه لسګونه زره کسان بې ځایه شوي چې ګڼ شمېر یې پلازمېنې کابل ته راغلي او په وچ ډاګ پراته دي.
د ازادي راډیو خبریال د حج او اوقافو له وزیر محمد قاسم حلیمي سره مرکه کړې او په پیل کې ترې پوښتلي چې جوماتونو ته د بې ځایه شوېو کډوال د ورتګ امکانات څومره دی؟
دا مرکه د لاندې لېنک په کېکاږلو سره اوریدلی شئ:
