د لاسرسۍ وړ لېنکونه

تازه خبر
شنبه ۵ لیندۍ ۱۴۰۱ کابل ۰۴:۵۲

نړۍ

امریکا، چین د اویغور مسلمانانو او نورو مذهبي لږکیو په ډلوژنې تورن کړ

د امریکا او چین ملي بیرغونه

د امریکا د بهرنیو چارو وزارت چین د اویغور مسلمانانو او نورو مذهبي لږکیو په جینوسایډ یا ډلوژنې تورن کړ.

دې وزارت په نړۍ کې د مذهبي ازادیو په اړه په کلني راپور کې چې پرون چهارشنبه‌یې خپور کړی، دغه‌راز ایران او روسیه په نړۍ کې له مذهبي ازادیو ستر سرغړوونکي بللي دي.

د بهرنیو چارو وزیر انتوني بلېنکن په نړۍ کې د مذهبي ازادیو په اړه د دغه کلني راپور څخه په استفادې غواړي د هغو هېوادونو نومونه په ډاګه کړي او هغوی وشرموي چې نوموړی یې له مذهبي ازادیو ستر تېري کوونکي بولي.

ښاغلی بلېنکن په نړۍ کې مذهبي ازادۍ نړیوال بشري حق بولي.

د امریکا د پخواني ولسمشر ډونالد ټرمپ ادارې په تېره جنوري میاشت کې ویلي و چې په شینجن ایالت کې د چین سیاستونه د بشریت ضد جنایت او نسل وژنه ګڼل کېږي، هغه دریځ چې د بلېنکن په خبره د بایډن اداره هم وسره موافقه ده.

بلېنکن وویل، چین په پراخه پیمانه مذهبي بیانونه جرم بولي او د اویغور مسلمانانو او نورو مذهبي او نورو لږکیو په وړاندې د بشریت ضد اعمال سر ته رسوي.

په دغه کلني راپور کې ایران، برما، روسیه، نایجریا او سعودي عربستان هم په نړۍ کې پر مذهبي ازادیو ستر تېري کوونکي په نښه شوي دي.

د ورځې تازه خبرونه دلته ولولئ

عمران خان خپلو زرګونه پلويانو ته وينا کوي

عمران خان

تمه کېږي نن د پاکستان مخکينی صدراعظم عمران خان خپلو زرګونو پلویانو ته وینا وکړي.

وروسته له هغې چې عمران خان د روانې میلادي میاشتې په لومړیو کې د ډزو په نتیجه کې پر پښه ټپي شو، دا لومړی وار دی، چې نوموړی په عام محضر کې راڅرګندېږي.

عمران خان د پاکستان اوسني چارواکي تورن کړي، چې پر هغه په حمله کې لاس لري، خو د پاکستان حکومتي چارواکي دا موضوع ردوي.

د عمران خان په مشرۍ تحریک انصاف پاکستان نن غواړي د لانګ مارش یا اوږد لاریون له لارې د پاکستان پر حکومت فشار راولي، چې تر وخت مخکې ټاکنې وکړي.

اروپايي ټولنې د روسیې د تېلو بیې په اړه خبرې وځنډولې

ارشیف

اروپايي ټولنې د روسیې د تېلو د بیې په اړه خبرې تر یوې بلې اونۍ پورې وځنډولې.

ډیپلوماتان وايي په دې اړه د نړۍ د اوو سترو صنعتي هېوادونو یا جي اوه ډلې د استازو خبرې پرون د نومبر ۲۵مه په پام کې وې.

له دې یوه ورځ مخکې اروپايي چارواکي، د روسیې د تېلو د بیې په اړه په خبرو کې په دوو ډلو وېشل شوي وو.

د اروپايي ټولنې یوشمېر غړي غواړي چې د روسیې پر تېلو د اتکا په کمولو سره د دې هېواد جنګي ماشین د اوکراین په جګړه کې د مالي سرچینو د کمښت له ستونزې سره مخامخ کړي، خو ځینې نور بیا له روسیې څخه د تېلو او ګاز د وارداتو دوام غواړي.

د فوټبال نړیوال جام سیالۍ؛ نن لومړۍ لوبه د تونس او استرالیا ترمنځ ده

قطر کې د فوټبال یو لوبغالی

په قطر کې د فوټبال د نړیوال جام د لوبو په لړۍ کې نن هم څلور لوبې په پام کې دي.

د کابل په وخت د ماسپښین په دوه نیمو بجو د تونس او استرالیا لوبه پیلېږي.

د مازیګر په پنځه نیمو بجو به د پولنډ او سعودي عربستان لوبه وي.

د شپې په اته نیمو بجو د فرانسې او ډنمارک لوبډلې سره مخامخ کېږي او د شپې په یوولس نیمو بجو به ارجنټاین او مکسیکو د سیالۍ ډګر ته ننوځي.

د نننیو لوبو په حریفانو کې یوازې سعودي عربستان او فرانسه تراوسه یوه یوه بریا لري او درې درې امتیازونه یې ګټلي.

په پرونیو لوبو کې ایران ویلز ته دوه- صفر ماتې ورکړه.

سنیګال قطر ته درې یو ماتې ورکړه، هالنډ له اکوادور سره یو- یو مساوي شو او د انګلستان او امریکا لوبه هم.

فوټبال؛ د ايران د دويمې لوبې پر مهال د سياسي مخالفتونو سيوری

د فوټبال نړيوال جام

د فوټبال په نړیوال جام کې د ایران د دوهمې لوبې پر مهال نن بیا هم سیاسي مخالفتونو سیوری غوړولی دی.

له ویلز سره د لوبې په پيل کې ایراني لوبغاړو نن ملي سرود بدرګه کړ، په خپله لومړۍ لوبه کې یې چې له انګلستان سره یې شپږ د دوو په وړاندې وبایله، ملي سرود نه و ویلی.

یو شمېر حکومت پلوه کسانو لوبغالي ته د ننوتو پر مهال د ایران تر انقلاب مخکې بیرغونه له لیدونکو واخیستل او هغه کسان یې توهین کړل چې د ایران د اعتراض کوونکو شعارونه یې پر کمېسونو لیکلي و، ښځه، ژوند او ازادي.

د هنګري صدراعظم: پارلمان به مو له ناټو سره د فنلنډ او سوېډن د يو ځای کېدو پرېکړه تأييد کړي

د هنګري صدراعظم ویکتور اوبراین

د هنګري صدراعظم ویکتور اوبراین پرون وویل چې، د هېواد پارلمان به یې له ناټو سره به د فنلنډ او سوېډن د یو ځای کېدو د پرېکړې تأیید وکړي.

ټاکل شوې ده چې دا دوه هېوادونه راتلونکی کال رسما له ناټو سره یو ځای شي.

تر اوسه د ناټو نورو غړیو هېوادو له دې سره موافقه کړې ده، یوازې هنګري او ترکیه لا پاتې وو چې دا پرېکړه تأیید کړي.

ناټو د دوه زره درویشتم کال په لومړۍ غونډه کې د فنلنډ او سوېډن د غړیتوب مساله په اجنډا کې شامله کړې ده.

د اروپايي ټولنې د کډوالو چارو وزيران نن بروکسل کې غونډه لري

د اروپايي ټولنې بيرغونه

د اروپایي ټولنې د کډوالو د چارو وزیران نن په بروکسل کې د کډوالو پر مساله غونډه لري.

دا غونډه په داسې حال کې جوړیږي چې اروپا ته د کډوالو د ورتګ په شمېر کې زیاتوالی راغلی دی.

د مهاجرت د نړیوال سازمان په وینا سږ کال تر اوسه د مدیترانې له لارې څلور نوي زره کډوال اروپا ته اوښتې دي، چې دا شمېره پروسږ کال اووه شپته زرو ته رسېده.

زلنسکي: روسيې مو د ماتې لپاره کومه لاره نه‌ده موندلې

د اوکراین ولسمشر ولودومیر زلنسکي

د اوکراین ولسمشر ولودومیر زلنسکي وايي، پر دغه هېواد د روسیې له بشپړ یرغل نهه میاشتې تېرې شوې، خو دښمن یې "د ماتې لپاره کومه لاره نه ده موندلې او نه به یې هم ومومي."

نوموړي په خپله وینا کې بېګا زیاته کړه چې د دغه هېواد پوځي ځواکونه ټول مهم استقامتونه په لاس کې لري.

خو د راپورونو له‌مخې ډېری اوکراینیان دا وخت په ملکي زېربنا باندې د روسیې د راکټي بریدونو په دوام سره شپې په تیاره کې سبا کوي او اوبه هم پرې بندې شوي.

اوکراین او روسیې پرون شاوخوا ۵۰ تنه اسیران تبادله کړي

د اوکراين او روسيې د بنديانو تبادله، انځور - ارشيف

دا په یوه اوونۍ کې د دواړو خواوو ترمنځ د جنګي بندیانو دوهمه تبادله ده.

د اوکراین د ولسمشرۍ د دفتر رئیس اندري یرماک وویل، د دوو خواوو ترمنځ د اسیرانو د تبادلې په لړ کې د اوکراین د ملي ګارډ ۲، د پوځ ۱۰، د سمندري ځواک او سرحدي ګارد ۶ او د دفاعي ځواک ۱۲ غړي خپل هېواد ته ور وګرځېدل.

د روسیې او اوکراین استازو د بندیانو د تبادلې په اړه تېره اوونۍ په متحده عربي اماراتو کې خبرې وکړې.

قطر کې د فوټبال نړيوال جام؛ نن څلور لوبې ترسره کېږي

د فوټبال نړيوال جام

د فوټبال د ۲۰۲۲ نړیوال جام د سیالیو په دوام کې نن (جمعه) څلور مسابقې کېږي.

لومړی به ایران او ویلز مخامخ شي، بله سیالي د کوربه قطر او سینګال ترمنځ ده، هالنډ او ایکوادور او امریکا او انګلیستان د یو بل په وړاندې میدان ته وځي.

پرون هم څلور سیالۍ وشوې.

وروستۍ سیالي تېره شپه د برازیل او سربیا ترمنځ وه چې د برازیل غښتلې لوبډلې دوه پر صفر وګټله.

همدا راز پرتګال درې په ۲ غانا ته ماتې ورکړه، اورګوای له جنوبي کوریا سره صفر په صفر مساوي شو خو سویس بیا کامرون ته یو پر صفر ماتې ورکړه.

د بشري حقونو شورا ايران ته: د لاريونوالو له ځپنې لاس واخلئ

د ملګرو ملتونو د بشري حقونو د شورا غونډه

د ملګرو ملتونو بشري حقونو شورا له ایراني چارواکو وغوښتل چې د مظاهره چیانو په وړاندې د زور زياتي څخه لاس واخلي.

دې شورا نن په یوه بېړنۍ غونډه کې پر ایراني مظاهره چیانو د زور زیاتي او ځپونکو اقداماتو په اړه بحث وکړ.

د ملګرو ملتونو د بشري حقونو د شورا مشر ولکر ترک په ایران کې د بشري حقونو د یوه بشپړ کړکېچ خبرداری ورکړ او ویې ویل چې باید روان وضعیت ختم شي.

په ایران کې د حکومتي ځواکونو په لاس د مظاهره چیانو په وړاندې زور زیاتی له تېرو څو اوونیو روان دی.

تر دې دمه لږ تر لږه ۴۱۶ کسان وژل شوي.

نور راوښيه

XS
SM
MD
LG