د لاسرسۍ وړ لېنکونه

تازه خبر
پنجشنبه ۱۶ غویی ۱۴۰۰ کابل ۱۰:۵۳

هند کې افغان سفیر: دې ورځو کې هند ته دې له سفره ډډه وشي


په نوي ډهلي کې د افغانستان سفیر فرید ماموندزی

په نوي ډهلي کې د افغانستان سفیر وايي، دا مهال هندوستان ته د سفر لپاره ښه وخت نه دی او افغانان دې دې هېواد ته له غیرې ضروري سفر ډډه وکړي.

فرید ماموندزي دا خبره ازادي راډیو سره په مرکه کې وکړه.

نوموړي وویل، تېرو څلورو ورځو کې تر یو میلیون زیات کسان په هند کې په کرونا اخته شوي او دا هېواد له یو لوی روغتیايي بحران سره مخ دی.

دا په داسې حال کې ده چې هندوستان د شنبې (د غويي ۴مه) په ورځ د درېېمې پرله پسې ورځې لپاره د نړۍ په کچه بې سابقه د کرونا ویروس نوې پېښې ثبت کړي دي.

راپورونه وايي چې د دې هېواد روغتونونه د بسترونو او اکسیجن له شدید کمي سره مخ دي.

یوه هندي چارواکي دا په دې هېواد د کووېډ- ۱۹ ناروغۍ څونامي بللې ده.

د ازادي راډیو خبریال اجمل اند نوي ډیلي کې د افغانستان له سفیر فرید ماموندزي سره په هند کې د کرونا وبا په وروستي وضعیت او هند ته د افغانانو د تګ راتګ پر اغېزو مرکه کړې.

له ښاغلي ماموندزي په سر کې په هند کې د کرونا د وروستۍ څپې د شدت په اړه پوښتل شوي دي.

دا مرکه دلته اوریدلی شئ:

هيله ده انتظار وکړئ

No media source currently available

0:00 0:07:57 0:00
مستقیم لېنک

XS
SM
MD
LG