د لاسرسۍ وړ لېنکونه

تازه خبر
شنبه ۴ سلواغه ۱۳۹۹ کابل ۰۰:۲۸

نړۍ

له برېکزیت وروسته مسایلو په اړه په بحثونه نن هم دوام وکړي

د بریتانیا صدراعظم بوریس جانسون په بروکسل کې د اروپايي کمېسیون له رئیسې اورزولا فن در لاین سره

تمه ده چې له اروپايي ټولنې د بریتانیا له وتلو یا برېکزیت د وروسته مسایلو په اړه په بروکسل کې بحثونه نن بیا هم دوام وکړي.

دواړه لوري مني چې په دې برخه کې اختلافونه پرځای پاتې دي.

د اروپايي کمېسیون مشرې اورزولا وان دیرلین پرون د ډسمبر په ۱۷مه د بریتانیا له صدراعظم بوریس جانسن سره له ټیلیفوني خبرو وروسته خبرداری ورکړ چې د دې اختلافونو له منځه وړل به ستونزمن کار وي، خو مېرمن وان دیرلین په عین حال کې په ډېرو برخه کې د اساسي پرمختګونو هرکلی وکړ.

دا په داسې حال کې ده چې له اروپايي ټولنې د برتانیا د وتلو د بهیر د بشپړېدو نېټې ته یوازې دوه اوونۍ پاتې دي او د دې مهلت له پای ته رسېدو وروسته به بریتانیا د اروپايي ټولنې د سوداګرۍ د اصولو په رعایت مکلفه نه وي.

د بریتانیا خلکو نژدې څلورنیم کاله مخکې له اروپايي ټولنې د خپل هېواد وتلو ته رایې ورکړې.

د ورځې تازه خبرونه دلته ولولئ

د مسکو یوې محکمې د ناوالني د رسنیو مسووله په بند محکومه کړه

د ناوالني د رسنیو مسووله کیرا یارمیش

د مسکو یوې محکمې د روسیې د اپوزیسیون د بندیوان مشر الکسي ناوالني د رسنیو مسووله په نهه ورځې بند محکومه کړې ده.

دې محکمې نن جمعه (د سلواغې ۳مه) په خپل یوه حکم کې کیرا یارمیش په غیرقانوني اعتراضونو کې چې اپوزیسیون د سبا لپاره پلان کړي دي، د خلکو په هڅولو تورنه کړه.

یارمیش او د ناوالني یو شمېر نور ملګري پرون د جنوري په ۲۱مه ونیول شول.

له بلې خوا اروپايي ټولنې د ناوالني د سمدستي خوشې کېدو غوښتنه کړې.

د اروپايي شورا مشر شارل میشل پرون پنجشنبې(د سلواغې ۲مه) د ویډیو کنفرانس له لارې د اروپايي ټولنې له سرمشریزې وروسته په دې اړه وویل: "د ښاغلي ناوالني حقوقو ته باید پوره درناوی وشي. موږ پر روسیې غږ کوو چې نوموړی سمدستي خوشې کړي او د هغه د امنیت ډاډ ورکړي."

ناوالني چې په زهري موادو له مسمومېدو وروسته په جرمني کې تر علاج لاندې و، په روانه اوونۍ کې مسکو ته د راستنېدو پر مهال ونیول شو.

بل خوا د بشري حقونو د څار سازمان- هیومن رایټس واچ له روسیې غوښتي دي چې د ناوالني پرضد غیر قانوني کمپاین بند کړي.

اروپايي ټولنه: روسیه دې الکسي ناوالني سمدستي خوشې کړي

الکسي ناوالني

اروپايي ټولنې د روسیې د اپوزیسیون د مشر الکسي ناوالني د سمدستي خوشې کېدو غوښتنه کړې.

ناوالني چې په زهري موادو له مسمومېدو وروسته په جرمني کې تر علاج لاندې و، په روانه اوونۍ کې مسکو ته د راستنېدو پر مهال ونیول شو.

د اروپايي شورا مشر شارل مېشل پرون پنجشنبې (د سلواغې ۲مه) د ویډیو کنفرانس له لارې د اروپايي ټولنې له سرمشریزې وروسته په دې اړه وویل: "د ښاغلي ناوالني حقوقو ته باید پوره درناوی وشي. موږ پر روسیې غږ کوو چې نوموړی سمدستي خوشې کړي او د هغه د امنیت ډاډ ورکړي."

بل خوا د بشري حقونو د څار سازمان- هیومن رایټس واچ له روسیې غوښتي دي چې د ناوالني پر ضد غیر قانوني کمپاین بند کړي.

هیومن رایټس واچ نن جمعه (د سلواغې ۳مه) په یوه بیان کې وویل چې روسي چارواکو د شنبې په ورځ د پلان شوېو مظاهرو په درشل کې د ناوالني پلوي سیاسي فعالان او محصلان ځوروي، نیسي یې او وېروي یې.

په روسیه کې د پلان شوېو پراخو مظاهرو په درشل کې چارواکو د ناوالني ډېر ملګري نیولي او پر نورو یې فشار زیات کړی دی.

امریکا او اروپا کې د کرونا پرضد اقدامات چټک شوي

ارشیف، عکس تئزیني بڼه لري

په امریکا او اروپا کې د کرونا د وبا پرضد اقدامات چټک شوي دي. په داسې حال کې چې جوبایډن د امریکا د ولسمشر په توګه د کار په لومړۍ ورځ د دې وبا د مخنیوي لپاره یوه ملي ستراتیژي اعلان کړه، اروپايي مشرانو د دې ویروس د نویو بڼو پر ضد د مبارزې پر لارو چارو بحث وکړ.

ښاغلي بایډن د خپل مخکیني اقدام په دوام پرون پنجشنبه (د سلواغې ۲مه) لس نوي فرمانونه لاسلیک کړل چې له مخې به یې د نورو اقداماتو ترڅنګ د یوې پالیسۍ د جوړولو لپاره د واکسین او ټېسټونو د تطبیق، د ماسک د جبري کولو او د تحلیلي معلوماتو د راټولولو سوکه بهیر چټک شي.

په دې اقداماتو کې یو دا دی چې د نورو هېوادونو وګړي باید امریکا ته له تلو مخکې د کوویډ- ۱۹ منفي ټیسټ ولري.

له بلې خوا د اروپايي ټولنې مشرانو په خپله پرونۍ انلاین سرمشریزه کې د هغو ګواښونو په اړه بحث وکړ چې د کرونا نوې بڼه یې پېښوي.

د اروپايي کمېسیون مشرې اورزولا ون ډیرلاین له غونډې وروسته وویل، د اروپا وضعیت ډېر جدي دی.

مېرمن ون ډېرلاین زیاته کړه چې د کرونا نوې بڼې هغه اندېښنې لا زیاتې کړي چې پخوا تردې د کوویډ- ۱۹ د ناروغانو د لوړو شمېرو له کبله په اروپا کې وې.

عراق کې د غبرګو ځانمرګو بریدونو پړه داعش ومنله

عراق کې په غبرګو ځانمرګو بریدونو کې ۳۲ کسان وژل شوي

د اسلامي دولت تروریستي ډلې یا داعش، د عراق په پلازمېنه بغداد کې د پرونیو غبرګو ځانمرګو بریدونو مسوولیت واخېست.

په هغه پېښه کې چې په تېرو درېیو کلونو کې په بغداد کې له خونړیو پېښو ګڼل کېږي، ۳۲ کسان وژل شوي دي.

عراقي چارواکي وايي په دې حمله کې چې د بغداد د طیران میدان په یوه سرخلاصي بازار کې شوې، شا او خوا ۱۱۰ کسان ټپیان شوي دي.

د اسلامي دولت ډلې خبري اژانس اعماق په خپل ټیلګرام چینل کې ویلي، په دې حمله کې د دوی دوو جګړه مارو ځانونه منفجر کړي دي.

تر څو میاشتنو محدودیتونو وروسته دغه بازار کې د حملې پر وخت د خلکو ډېره ګڼه ګوڼه وه.

اوکراین د ۱۵ تنو د وژل کېدو په پار نن د ویر ورځ اعلان کړه

د اوکراین په خارکییف ښار کې په شوې اورلګیدنه کې ۱۵ تنه مړه شوي وو.

اوکرایني چارواکو د دې هېواد په ختیځ کې د سپین ږیرو او سپین سرو د ساتنې په یوه مرکز کې د اور لګېدو د پېښې د قربانیانو لپاره نن جمعه (د سلواغې ۳مه) د ویر ورځ اعلان کړې.

دا پېښه پرون پنجشنبې د اوکراین په دوهم لوی ښار خارکییف کې وشوه چې په ترڅ کې یې ۱۵ کسان مړه شول.

د اوکراین د بېړنیو خدماتو اداره وايي، په دې مرکز کې چې د خارکییف په لمنو کې پروت دی، د اور له لګېدو وروسته نهه کسان د مرستندویو ډلو له خوا وژغورل شول چې اوس تر درملنې لاندې دي.

اوکرایني چارواکو ویلي دي چې په پېښه کې ۱۱ نور کسان ټپیان دي.

د کورنیو چارو وزارت ویلي دي چې د پېښې د څرنګوالي په اړه یې د مرکز له منیجر او درېیو کارکوونکو څخه تحقیقات کړي دي.

لېتوانیا: اروپايي ټولنه دې پر روسیې نور بندیزونه ولګوي

د لېتوانیا د بهرنیو چارو وزیر ګابریلیوس لاندس بیرګیس

د لېتوانیا د بهرنیو چارو وزیر پر روسیې د نورو بندیزونو د لګولو غوښتنه کړې.

ګابریلیوس لاندس بیرګیس پرون پنجشنبې(د سلواغې ۲مه) د ازادۍ راډیو له بېلاروسۍ څانګې سره په ځانګړې مرکه کې پر اروپایي ټولنې غږ وکړ چې د کرملېن د منتقد او د روسیې د اپوزیسیون د مشر الکسي ناوالني له نیول کېدو وروسته پر کرملین نور بندیزونه هم ولګوي.

د لېتوانیا د بهرنیو چارو وزیر زیاته کړه چې د اروپايي ټولنې د بهرنۍ پالیسۍ مشر جوزېپ بوریل باید په را روانه میاشت کې مسکو ته خپل سفر هم لغوه کړي.

ناوالني چې د وژونکو کیمیاوي موادو په وسیله له مسمومېدو وروسته په جرمني کې تر علاج لاندې و، په روانه اوونۍ کې مسکو ته د راستنېدو پر مهال ونیول شو.

جوبایډن د 'اېف.بي ای' مشر ته: خپلې دندې ته دوام ورکړه

د امریکا د تحقیقاتو د فدرال ادارې مشر کریستوفر ورې

سپینه ماڼۍ وايي، ولسمشر جوبایډن د امریکا د تحقیقاتو د فدرال ادارې 'FBI' مشر کریستوفر ورې ته ویلي دي چې خپلې دندې ته دوام ورکړي.

ورې پخواني ولسمشر ډونالډټرمپ ګومارلی و.

د سپینې ماڼۍ ویاندې جېن پساکي پرون پنجشنبه (د سلواغې ۲مه) پر ټویټر په یوه بیان کې وویل، بایډن غواړي د 'FBI' مشر پر خپله دنده پاتې شي. هغې لیکلي چې ولسمشر پر نوموړي، د دې دندې د پرمخ بیولو باور لري.

پساکي له دې یوه ورځ مخکې ویلي و چې له ولسمشر سره یې د ورې په اړه خبرې نه دي کړې.

له دې څرګندونو وروسته داسې اوازې خپرې شوې چې ګنې ۵۴ کلن ورې له دندې لېرې کېږي.

د سپینې ماڼۍ ویاندې په بېګاني ټویټ کې ولیکل چې د دې وینا یوه غیر عمدي لانجه جوړه کړه.

د 'FBI' مشران د لس کلنې دورې لپاره ټاکل کېږي. ورې شپږ کاله نور وخت لري جې پر دې دندې کار ته دوام ورکړي.

د عراق په بغداد کې ځانمرګو بریدونو لږ تر لږه ۲۸ تنه وژلي

عراق کې د چاودنې ځای

د عراق په پلازمېنه بغداد کې دوو پرله پسې ځانمرګو بریدونو لږ تر لږه ۲۸ تنه وژلي او ۷۳ نور یې ټپیان کړي دي.

دا په بغداد کې له تېرو دوو کلونو راهیسې تر ټولو خونړۍ حمله بلل شوې ده.

دا بریدونه نن تیاران څلور لارې ته نژدې هغه سر خلاصي مارکیټ کې وشول چې لیلامي کالي په کې خرڅیږي او د کرونا له لګول شویو بندیزونو وروسته په کې ګڼه ګوڼه ډېره وه.

د عراق د کورنیو چارو وزارت ویلي، لومړني ځان مرګي د همدې مارکیټ دننه لومړی ځان په ناروغۍ اچولی و، کله چې خلک ور ټول شول، په ځان پورې تړلي چاودیدونکي توکي یې وچوول.

کله چې خلک د دې برید د قربانیانو او ټپیانو مرستې ته ورغلل، منځ کې یې بل ځانمرګی برید وشو.

روغتیایي سرچینو ویلي، دوی وېره لري چې ممکن د مړېو شمېر زیات شي.

د امریکا پر بهرنیو نشراتو د څارسازمان مشر مایکل پک استعفا کړې

د امریکا پر بهرنیو نشراتو د څارسازمان مشر مایکل پک

د امریکایي رسنیو د راپور له مخې د امریکا پر بهرنیو نشراتو د څار سازمان مشر مایکل پک د ولسمشر جوبایډن په غوښتنه یې له دندې استعفا کړې.

د "یو.اېس.اې.جي.ایم" سازمان د ازادې اروپا/ ازادي راډیو او امریکا غږ په ګډون د امریکا په نورو نړیوالو رسنیو د څار دنده لري.

واشنګټن پوسټ، د امریکا عمومي ملي راډیو او واشنګټن اګزماینر رسنیو پر خپلو ټویټرپاڼو دا خبر خپور کړی دی.

پک هم له دندې استعفا کړې، خو تر اوسه ښاغلي بایډن په رسمي ډول نه ده منلې.

مایکل پک په ۲۰۱۸ میلادي کال کې د امریکا پر رسنیو د څار سازمان مشر وټاکل شو، خو د هغه ګمارنې ته د تېرکال په جون میاشته کې سنا د تایید رایه ورکړه.

د پاکستان چارواکي: چاودنې کوټه کې ۴ حکومتي ملېشې وژلي

ارشیف، په کوټه کې د یوې شوې چاودنې عکس

پاکستاني چارواکي وایي، د دوی د حکومتي ملېشې څلورغړي د ماین په چاودنه کې وژل شوي دي.

پر دغو ملېشو پرون چهارشنبه د بلوچستان ایالت د کوټې جنوب ختیځ ته په دوه سوه کیلومترۍ کې د کهلو په سیمه کې هغه مهال چاودنه وشوه چې په ګزمه بوخت وو.

په چاودنه کې د دغو ملېشو پنځه نور غړي ټپیان شوي دي.

تراوسه کومې ډلې د دغې چاودنې مسولیت نه دی اخیستی.

په بلوچستان کې څه موده وړاندې په یوه مخامخ وسله وال برید کې ۱۳ کان کیندونکي هم وژل شوي وو.

پر کان کیندونکو د برید مسولیت داعش ډلې منلی و.

جو بایډن: ډونالد ټرمپ راته سپینه ماڼۍ کې له سخاوته ډک یو لیک پرېښی

د امریکا ولسمشر جو بایډن

د امریکا ولسمشر جو بایډن وایي، مخکېني ولسمشر ډونالد ټرمپ ورته په سپینه ماڼۍ کې له سخاوته ډک یو لیک پرېښی دی.

دا هغه دود دی چې ولسمشران‌یې د خپل کار په وروستیو ورځو کې ترسره کوي، خو د ټرمپ لیک له دې پلوه هم مهم بلل کېږي چې هغه ډېر دودونه تر پښو لاندې کړي و، بایډن ته‌یې خپله ماتې نه‌وه ومنلې، نه‌یې هغه ته مبارکي ورکړې او نه‌یې هم پرون د هغه د لوړې په مراسمو ګډون کړی دی.

بایډن چې پرون‌یې د امریکا د ۴۶ م ولسمشر په توګه لوړه وکړه، په سپینه ماڼۍ کې خبریالانو ته د دغه لیک محتوا په ډاګه نه‌کړه او ویې‌ویل چې هغه‌یې شخصاً ده ته لیکلی او تر هغو به‌یې جزئیات په ډاګه نه‌کړي چې ټرمپ سره‌یې خبرې کړې نه‌وي. بایډن یوازې دومره وویل چې دا له سخاوته ډک یو لیک دی.

ټرمپ د بایډن د لوړې په مراسمو کې په نه‌ګډون سره په څه باندې یوه نیمه پېړۍ کې خپل نوم د یوه داسې ولسمشر په توګه چې له دې مخکې د دندې په مهال هېڅ یوه ولسمشر نه‌و ترسره کړی، ثبت کړ.

هغه پرون د ورځې وختي له سپینې ماڼۍ ووت او په الوتکه کې فلوریدا ایالت کې خپل استوګن ځای ته ولاړ.

جو بایډن د پاریس د اقلیم له تړون سره د یوځای کېدو فرمان لاسلیک کړ

د امریکا ولسمشر جو بایډن

د امریکا نوي ولسمشر جو بایډن پرون یو اجرائیوي فرمان لاسلیک کړ چې متحده ایالات بېرته د پاریس د اقلیم له تړون سره یوځای کوي.

بایډن په سپینه ماڼۍ کې په خپل دفتر کې وویل چې متحده ایالات د اقلیم له بدلون سره مبارزه په داسې بڼه مخ ته یوسي چې تر اوسه‌یې مخ ته نه‌ده وړې.

هغه ژمنه وکړه چې متحده ایالات به دغه تړون ته چې د نړۍ ډېرو هېوادونو په ۲۰۱۶ کال لاسلیک کړی او د نړۍ تودوخه محدودوي، ژمن پاتې شي.

مخکېني ولسمشر ډونالد ټرمپ د ۲۰۲۰ کال په نومبر کې رسماً خپل هېواد له دغه تړونه وایست چې نړیوالو پرې سخت انتقادونه وکړل.

متحده ایالات چې له چین وروسته په نړۍ کې هوا ته د مضره ګازونو د خپرېدو ستر هېواد بلل کېږي، په ۲۰۱۶ کال له دغه تړون سره یوځای شوی او ژمنه‌یې کړې وه چې تر ۲۰۲۵ کاله پورې د مضره ګازونو اندازه د ۲۰۰۵ کال تر سطحې یعنې تر ۲۸ فیصدو پورې راکمه کړي.

جو بایډن د خپل کار په لومړۍ ورځ څو اجرائیوي فرمانونه صادر کړل

د امریکا ولسمشر جو بایډن

د امریکا متحده ایالاتو نوي ولسمشر جو بایډن پرون د کار په لومړۍ ورځ څو اجرائیوي فرمانونه صادر کړل چې د یو لړ مهمو کورنیو او نړیوالو مسایلو په اړه د مخکېني ولسمشر ډونالد ټرمپ تګلاري باطلوي.

په یوه اجرائیوي فرمان کې د ټرمپ هغه پالېسي لغوه کېږي چې د امریکا متحده ایالاتو ته د اکثریت مسلمان مېشتو هېوادونو د وګړو پر ننوتو بندیز لګولی و.

سپینې ماڼۍ دغه پالېسي پر مذهبې ریښو ولاړه له بهرنیو د وېرې پالېسي بللې ده.

د ټرمپ له‌خوا د دغې پالېسۍ له مخې چې هغه په ۲۰۱۷ کې اعلان کړې وه، متحده ایالاتو ته د ایران، عراق، لیبیا، سومالیا، سوډان، سوریې او یمن پر اتباعو د ننوتو بندیز لګول شوی و.

عراق او سوډان وروسته له دغه لېسته وایستل شول او چاد، شمالي کوریا او ونزوئلا په‌کې زیات شول.

د ولسمشر بایډن له‌خوا د یوه بل اجرائیوي فرمان له مخې د روغتیا له نړیوال سازمان (who) څخه د متحده ایالاتو وتل درول کېږي. پخواني ولسمشر ډونالد ټرمپ تېر کال په دې اړه پرېکړه کړې وه.

د بایډن د پرېکړې له مخې متحده ایالات د روغتیا په نړیوال سازمان کې پاتې کېږي او هم‌یې اداره په پام کې لري چې د کوواکس په نوم ائتلاف سره چې له دوو نورو ډلو سره یوځای هڅه کوي د 'کوویډ-۱۹' ناروغۍ په وړاندې واکسین د نړۍ بې‌وزلو هېوادونو ته ورسېږي، یوځای شي.

اسپانیه کې یوې چاودنې دوه تنه ووژل او اته تنه نور ټپیان دي

اسپانیه کې د شوې چاودنې سیمه

د اسپانیې په پلازمېنه مادرید کې یوې چاودنې لږ تر لږه دوه تنه ووژل او اته تنه نور یې ټپیان کړل.

چاودنې چې زوروره یاده شوې، په مادرید کې یوه ودانۍ سرسري ویجاړه کړې او شاوخوا ورته ولاړ یو شمېر موټر سوځېدلي دي.

د بېړنیو خدمتونو مسؤلانو ویلي، د یوه ټپي حالت نازک دی.

د مادرید ښاروال په سیمه کې خبریالانو ته ویلي: "داسې ښکاري چې چاودنه دې په یوې ودانۍ کې د ګازو له کبله رامنځته شوې وي."

د سیمې یوه اوسېدونکي ویلي، دغې ودانۍ کې راهبانو یا عبادت کوونکو ته روزنه ورکول کېده او بې‌سرپناه کسانو ته ډوډۍ.

د پاکستان پوځ: د اټمي سرګلولې لېږدوونکی یو بالستیک توغندی مو ازمویلی

ارشیف

د پاکستان پوځ وایي، یو بالستیک توغندی یې چې اټمي سرګلوله لېږدولی شي، په بریالۍ توګه ازمویلی دی.

له ځمکې ځمکې ته دغه توغندی چې شاهین-درې نومېږي، د ۲،۷۵۰ کیلو مترو واټن وهلی شي.

د پاکستان د پوځ مطبوعاتي دفتر د دغه هېواد د لوی درستیز جنرال ندیم رضا له قوله ویلي، د پاکستان ستراتېژیک هدف دا دی چې پر خپل حاکمیت د هر ډول تېري مخه ونیسي.

شاهین-۳ توغندی د لومړي ځل لپاره په ۲۰۱۵ کال کې وازمایل شو.

پاکستان او سیال‌یې هند وسله تونونه او بېلابېل ډول توغندي لري.

له کله نه چې دغو ګاونډیو هېوادونو له بریتانیا خپلواکي اخیستې، درې ځله‌یې خپلو کې جګړه کړې ده.

نور راوښيه

XS
SM
MD
LG