د لاسرسۍ وړ لېنکونه

تازه خبر
جمعه ۱۰ وری ۱۴۰۳ کابل ۰۶:۵۸

واشنګټن ټایمز: افغانستان د امریکا او اسرائیل لپاره یو لوی امنیتي ګواښ دی


یو شمېر نړیوالې ورځپاڼې
یو شمېر نړیوالې ورځپاڼې
  • نېشن

امریکایي مجلې نېشن په افغانستان کې پر روانو جګړو یوه مقاله لیکلې چې نوم‌یې دی "ایا جوبایډن به بالاخره د افغانستان جګړه ختمه کړي؟"

د دې مقالې په یوه برخه کې راغلي، د امریکا پخواني ولسمشر جورج ډبلیو بوش په ۲۰۰۱ میلادي کال کې امریکایي سرتېرو ته پر افغانستان د برید سپارښتنه وکړه، خو په بېړه‌یې خپل پام عراق ته واړاوه.

د لیکوال په خبره بارک اوباما په افغانستان کې د خپلو ډېرو سرتېرو په ځای پر ځای کولو سره، د دې هېواد په جګړه کې د بریا ژمنه وکړه، خو د هغه د ولسمشرۍ په دواړو دورو کې په افغانستان کې جنګ دوام درلود.

نېشن لیکلي، ډونالد ټرمپ په ۲۰۱۶ کال کې د خپل انتخاباتي کمپاین پر مهال ژمنه وکړه چې یو وار او د تل لپاره په افغانستان کې جګړه ختموي، خو تر اوسه نه‌دی توانېدلی دا کار وکړي.

د مجلې په خبره، اوس داسې ښکاري چې په افغانستان کې د بریا تعریف په دې هېواد کې د امریکایي سرتېرو د شمېر کمول دي.

امریکا په دې وروستیو کې اعلان کړی چې په افغانستان کې خپل سرتېري له ۴،۵۰۰ څخه ۲،۵۰۰ ته راکموي.

د ناټو سرمنشي ینس سټولټنبرګ او د جرمني د بهرنیو چارو وزیر هایکو ماس هم له افغانستان څخه د امریکایي سرتېرو د بېړني ایستلو په اړه اندېښنې ښودلې دي.

مجله لیکې، شواهد ښیي چې د امریکا د منتخب ولسمشر جوبایډن نظریې د دې هېواد هغو پوځي چارواکو ته ورته دي چې له نورو هېوادونو څخه د امریکایي ځواکونو د ایستلو په برخه کې د ولسمشر ټرمپ له پرېکړې سره موافق نه‌دي.

په همدې حال کې د پاکستان لپاره د افغانستان د ولسمشر ځانګړي استازي محمد عمر داوودزي ویلي چې د ده په باور به د امریکا د منتخب ولسمشر جوبایډن اداره د افغانستان د سولي بهیر په اړه منطقي پريکړې وکړي.

  • واشنګټن ټایمز

واشنګټن ټایمز ورځپاڼې بیا یوه تحلیلي مقاله لیکلې چې نوم‌یې دی "افغانستان د امریکا متحده ایالاتو او اسرائیل لپاره یو لوی امنیتي ګواښ دی."

لیکوال د ایران او القاعده شبکې ترمنځ اړیکو ته په اشارې لیکلي چې اسرائیل باید یوازې د ایران د اټمي پروګرام پر وړاندې مبارزې ته پام ونه‌کړي، بلکې له القاعده شبکې سره د هغه هېواد پر اړیکو او په افغانستان کې یې د نفوذ د پراختیا په اړه هم تمرکز ولري.

د واشنګټن ټایمز په دې مقاله کې یادونه شوې چې ایران له القاعده شبکې سره د همکارۍ غیر رسمي تړونونه لري او دغې شبکې ته مرسته کوي چې د امریکا او اسرائیل پر وړاندې وجنګېږي.

د لیکوال په خبره کله چې د القاعده شبکې بنسټ ایښودونکی اسامه بن لادن په ۱۹۹۶ کال کې له سوډان څخه تبعید شو، ایران افغانستان ته د دغې شبکې د تګ راتګ او فعالیت اسانتیا برابره کړه.

په مقاله کې راغلي چې القاعده شبکې په افغانستان کې روزنیز مرکزونه جوړ کړل او د دې لپاره چې له ایران سره دوه اړخیزو ګټو او اهدافو ته رسېدل تنظیم کړي، دې شبکې له ایراني چارواکو سره اړیکې جوړې کړي.

XS
SM
MD
LG