د لاسرسۍ وړ لېنکونه

تازه خبر
چهارشنبه ۲ کب ۱۴۰۲ کابل ۰۳:۵۶

نړۍ

سبا په خيبر پښتونخوا کې پولیو ضد واکسین کمپاين پيلېږي

آرشیف
آرشیف

د پاکستان د خیبرپښتونخوا ایالت د پوليو د کنټرول اداره سر له سبا د پولیو د واکسین یو اوونیز کمپاین پيلوي.

د خیبرپښتونخوا د پولیو ضد د کمپاین مسوولینو د ازادي راډیو مشال څانګې ته ویلي چې ټول ټال ۶۴ لکه ماشومان به په دې اوه ورځنۍ دوره کې واکسین شي.

د خیبرپښتونخوا په لرو پرتو سیمو کې ځینې خلک اجازه نه ورکوي چې ماشومان یې د پولیو پر ضد واکسین واخلي.

د یوه فلج شوي ماشوم حمزه خان پلار سخت پښېمانه دی چې زوی یې نه دی واکسین کړی.

هغه زياتوي: "خلک دې سرغړونه نه کوي، د خدای په خاطر دا ډېره خطرناکه ناروغي ده، ما یې زور وليد، ما د دغه هلک ګرمي ولیدله، که الله بچ کړ خو ښه کار به وي خو که نه شو د ده به څه ژوند وي؟."

سږ ۲۰۲۰ کال په پاکستان کې ۶۵ ماشومان په ګوزڼ اخته شوي چې ۲۲ یې په خیبرپښتونخواه کې دي.

د ورځې تازه خبرونه دلته ولولئ

د سوریې دولتي رسنۍ: دمشق کې د اسراییلو برید ۲ تنه وژلي

د پېښې سیمې ته منسوب تصویر
د پېښې سیمې ته منسوب تصویر

د سوریې دولتي رسنۍ وایي چې د دمشق په یوه هستوګنیزه سیمه کې د اسراییل هوایي بریدونو دوه تنه وژلي دي.

فرانس پریس خبري اژانس دا پیښه د غزې له جګړې سره همهاله په سیمه کې د لانجو د زیاتوالي تر ټولو وروستۍ بېلګه بللې ده.

فرانس پریس په سیمه کې د خپل یوه عکاس په حواله لیکلي چې هوایي برید په دمشق کې پر یوې نهه پوړیزۍ ودانۍ شوی دی.

له ۲۰۱۱ کال راهیسې چې د سوریې کورنۍ جګړه پيل شوې، اسراییل پر خپل دغه شمالي ګاونډي هېواد سلګونه هوایي بریدونه کړي دي.

فرانس پریس لیکلي چې دغه بریدونه د حزب الله په ګډون د ایران پلوه وسله والو ډلو او د سوریې د پوځ پر سنګرونو شوي دي.

اسراییل د دغه برید په اړه څه نه دي ویلي، خو وړاندې تر دې یې په ډاګه کړې چې په سوریه کې د ایران د نفوذ د مخنیوي هڅه کوي.

روسیې د ازادې اروپا/ازادي راډیو د "نامطلوبو ارګانونو" په ډله کې شامله کړه

د ازادې اروپا راډیو لوګو
د ازادې اروپا راډیو لوګو

روسیې د ازادې اروپا/ازادي راډیو د "نامطلوبو ارګانونو" په ډله کې شامله کړه.

د روسیې د عدلیې وزارت د دغه حکم له مخې، هر هغه کس چې له ازادۍ راډیو سره کار کوي، دغه راډیو تمویلوي یا ورسره مرکه کوي، له جنایي تورونو سره مخامخ کېدای شي.

د ازادي راډیو د خبر مرکزي څانګې پرون لیکلي چې دا د دغې راډیو په وړاندې د روسیې د حکومت تر ټولو جدي محدودیت ښيي.

ازادي راډیو ۱۴۲م بنسټ دی چې د روسیې له خوا په دغه نوملړ کې شاملېږي.

تر دې وړاندې روسیې د ازادې اروپا/ازادي راډیو د "بهرني اجېنټ" په لېست کې شامله کړې وه.

د ازادې اروپا/ ازادي راډیو مشر سټیفن کپوس ویلي، پر ازادۍ راډيو دا محدودیت په دې معنا دی چې د روسیې حکومت رښتینې راپور ورکونه د ځان په وړاندې یو ګواښ بولي.

د ازادې اروپا/ازادي راډیو د چک جمهوریت په پلازمېنه پراګ کې یو خپلواک غیر انتفاعي امریکایي بنسټ دی چې د امریکا د کانګرس له خوا د امریکا د نړیوالو رسنیو د ادارې په وسیله تمویلېږي.

پاکستان کې د شهباز شریف په مشرۍ د ایتلافي حکومت د جوړولو هوکړه شوې

شهباز شریف
شهباز شریف

د پاکستان د پخواني صدراعظم عمران خان سیاسي سیالان د یوه حکومت پر جوړولو سره سلا شوي دي.

دې ډلو د شهبازشریف په مشرۍ د یوه حکومت د جوړولو لپاره د واک د مشارکت جزییات پرون اعلان کړل.

دا اعلان د مسلم لیګ، پیپلز او نورو هغو ګوندونو ترمنځ چې په وروستیو انتخاباتو کې د پارلمان د کافي څوکیو په ګټلو بریالي نه شول، د تېرو څو ورځو له خبرو وروسته کېږي.

دوی پرون په یوه خبري غونډه کې وویل چې د ایتلافي حکومت د جوړولو لپاره د لازم اکثریت په ترلاسه کولو بریالي شول.

په اوکراین کې د امریکا سفیره: کانګرس به اوکراین سره د مرستو لایحه خامخا تصویب کړي

په اوکراین کې د امریکا سفیره، بریژیت برینک
په اوکراین کې د امریکا سفیره، بریژیت برینک

په اوکراین کې د امریکا سفیره وايي، ډاډه ده چې د امریکا کانګرس به له اوکراین سره د اضافي مرستې لایحه تایید کړي، خو زیاتوي دا اټکل ناممکن دی چې دا کار به څه وخت وکړي.

بریژیت برینک Bridget Brink پرون په کییف کې خبریالانو ته وویل، دا په ۱۰۰ کې ۱۰۰۰ ډاډه ده چې متحده ایالات به د اوکراین ملاتړ ته دوام ورکړي.

هغې زیاته کړه، دا هومره ژوره سیاسي مسئله ده چې زه یې اټکل نه شم کولی، خو دا خبره کولی شم چې موږ ټول دا استدلال منو چې ولې دا مرسته اړینه ده.

اوکراین ته د ۶۱ میلیارد ډالره مرستې لانجمنه لایحه له څو میاشتو راهیسې د تصویب لپاره کانګرس ته چې جمهوریپال پکې اکثریت دي استول شوې ده، خو د سیاسي اختلافونو له کبله بنده پاتې ده.

ولسمشر جوبایډن خبرداری ورکړی چې د دې لایحې نه تصویبېدل د روسیې د ولسمشر ولادیمیرپوتین په ګټه دي.

مسکو د الکسي ناوالني ورور د څار لاندې کسانو په لیست کې شامل کړ

الکسي ناوالني له خپل ورور اولیګ ناوالني سره د عکس اخیستو پر مهال
الکسي ناوالني له خپل ورور اولیګ ناوالني سره د عکس اخیستو پر مهال

د روسیې حکومت د کریملین د مخالف الکسي ناوالني له مړینې وروسته د هغه د کشر ورور اولیګ ناوالنۍ نوم یوځل بیا د تعقیب لاندې کسانو په فهرست کې شامل کړی دی.

چارواکو د تېرې جمعې په ورځ په زندان د الکسي ناوالنۍ مړینه اعلان کړه.

د کورنیوچارو وزارت تېرځل د ۲۰۲۲ کال په جنوري کې د اولیګ ناوالنۍ نوم وروسته له هغه د تعقیب وړ کسانو په فهرست کې شامل کړ چې د دارالتادیب چارواکو هغه ته د یو کلن تعلیقي حبس غوښتنه کړې وه ،خو پرون بیا د نوموړي نوم په دې لیست کې شامل شو.

محکمې اولیګ په ۲۰۲۱ کال کې د کووید۱۹ د مخنیوي له مقرراتو د سرغړونې په خاطر محکوم کړی و، خو نوموړي او پلویانو یې ویلي و چې دا حکم سیاسي انګېزه لري.

متحدو ایالتونو په غزه کې د اوربند غوښتنې پرېکړه لیک ویټو کړ

د ملګرو ملتونو د امنیت شورا د غونډو تالار
د ملګرو ملتونو د امنیت شورا د غونډو تالار

د امریکا متحده ایالتونو د سه شنبې په ماښام د اسراییلو او حماس سخت دریځې ډلې ترمنځ د بشري اوربند په تړاو د ملګرو ملتونو د امنیت شورا پرېکړه لیک ویټو کړ.

حماس ډله د امریکا او اروپایي ټولنې له خوا د ترهګریز سازمان په توګه پېژندل کیږي.

د ملګرو ملتونو د امنیت شورا ۱۳ غړو د الجزایر له خوا جوړې شوې دغې مسودې ته موافقې رایې ورکړې، خو برېتانیا ممتنع رایه وکاروله او متحده ایالتونو هغه ویټو کړه.

اسراییل او حماس له تېرو څه باندې ۴ میاشتو راهیسې په غزه کې په جګړه بوخت دي چې د ملګرو ملتونو په وینا، ډېر زیان یې ملکیانو ته رسېدلی دی.

د غزې د عامې روغتیا وزارت چې د حماس تر واک لاندې دی ویلي چې د اسراییلي پوځیانو په جګړه کې شاوخوا ۲۹ زره ملکي فلسطینیان وژل شوي دي.

د ګرجستان صدراعظم : موږ پر روسیې بندیزونه نه لګوو

د ګرجستان صدر اعظم، ایراکلي کوباخیدزه
د ګرجستان صدر اعظم، ایراکلي کوباخیدزه

د ګرجستان صدر اعظم وایي، هېواد یې پر روسیې بندیزونه نه لګوي.

ایراکلي کوباخیدزه(Irakli Kobakhidze) د سه شنبې په ورځ په بروکسل کې د اروپایي ټولنې د بهرنۍ پالیسي له مشر جوزیپ بوریل سره په یوې ګډې خبرې ناسته کې وویل:

" هغه څه چې پر روسیې د بندیزونو په برخه کې زمونږ پالېسۍ پورې تړلي دي، په هغې اړه زمونږ دریځ روښانه دی. مونږ بندیز نه لګوو او دې برخه کې پیاوړی استدلال لرو. ورته وخت کې له ګرجستانه د بندیزونو د لګولو په توګه استفاده نه کیږي. دا زمونږ پیاوړی سیاست دی چې تعقیبوو یې او غواړو چې دوام ورکړو."

د ګرجستان صدر اعظم د اوکراین په اړه وویل چې هېواد یې په سیاسي ډول د کیف ملاتړ کوي.

د لندن پولیسو افغان کډوال عبدالشکور ایزیدي ته د ورته کس جسد موندلی

له ارشیفه د لندن د پولیسو تصویر
له ارشیفه د لندن د پولیسو تصویر

د لندن پولیس وایي، په تیمز سیند کې یې افغان پنا غوښتونکي عبدالشکور ایزیدي ته ورته جسد موندلی دی.

دغه افغان پناغوښتونکی تورن دی چې څه موده وړاندې یې په یوه ۳۱ کلنه ښځه او دوو وړو نجونو یې یو ډول کیمیاوي مواد شیندلي او بیا یې وروسته ځان سیند ته اچولی دی.

لویدیځو رسنیو له هغې ډلې بي بي سي د لندن د پولیسو په حواله دغه خبر ورکړی دی او ویل شوي، د موندل شوي مړي جامې هغه ډول دي لکه د برید پر مهال چې په امنیتي کمرو کې د عبدالشکور ایزیدي په ځان کې لیدل شوې وې.

پولیسو لا د مړي د پېژندګلوۍ رسمي اعلان نه دی کړی.

پولیسو پخوا ویلي، امنیتي کمرو دغه کس د وروستي ځل لپاره د چلسي پله د پنجرې پر سر لیدلی دی.

پولیسو تر دې وړاندې ویلي و، ممکن برید کوونکي ځان سیند ته غورځولی وي.

د ناوالني مور پوتین ته: د زوی مړی مې راوسپارئ

د الکسي ناوالني مور لودمیلا ناوالنایا
د الکسي ناوالني مور لودمیلا ناوالنایا

په یوه تازه ویډیو کې چې نن خپره شوه د کریملین د منتقد الکسي ناوالني مور د روسیې ولسمشر ولادیمیرپوتین ته سوال کوي چې د دې د زوی مړی وروسپاري.

په ویډیو کې لودمیلا ناوالنایا په داسې حال کې خبرې کوي چې په اغزن سیم د پوښلي دېوال مخې ته ولاړه ده او وايي: "پنځه ورځې تېرې شوې، خو زه تراوسه نه یم توانېدلې چې د خپل زوی مړی ووینم. تاسو د هغه مړی ما ته نه دی راکړی او حتی نه راته ووایئ چې هغه چېرته دی."

د ناوالني مېرمنې یولیا ناوالنایا چې په تبعید کې ده، ولسمشر پوتین د خپل مېړه په وژنه تورن کړی او ژمنه یې کړې چې خپلې مبارزې ته به دوام ورکړي.

روسي چارواکو د تېرې جمعې په ورځ خبر ورکړ چې ناوالنۍ په شمالي قطب کې د روسیې په یوه لیرې پراته زندان کې مړ شوی دی.

روسي چارواکو د ناوالنۍ کورنۍ ته د هغه د مړي د سپارلو غوښتنې رد کړې او ادعا کوي چې د نوموړي د مړینې د عواملو د معلومولو لپاره تحقیقات ښايي تر دوو اونیو پورې وخت ونیسي.

دا په داسې حال کې ده چې د ناوالني د مړینې په غبرګون کې په روسیه کې دننه او بهر غوسه په زیاتېدو ده.

عربي هېوادونو امنیت شورا ته په غزه کې د اوربند د یوه پرېکړه لیک مسوده وړاندې کړه

یو شمېر اسراییلي ځواکونه په غزه کې
یو شمېر اسراییلي ځواکونه په غزه کې

عربي هېوادونو د هغه پرېکړه لیک مسوده د ملګرو ملتونو امنیت شورا ته د رایو د اخیستو لپاره وړاندې کړې چې په غزه کې د سمدستي بشري اوربند غوښتنه کوي.

که څه دا هېوادونه پوهېږي چې د دوی پرېکړه لیک به د متحدو ایالاتو له خوا ویټو شي، خو وايي هیله من دي چې د دوی طرح به د غزې په تړانګه کې د جګړې د پای ته رسولو لپاره د نړیوالو ملاتړ وښيي.

امنیت شورا دې پرېکړه لیک ته د رای ورکولو وخت نن د افغانستان په وخت د شپې ۸ بجې ټاکلی دی.

په ملګرو ملتونو کې د امریکا سفیرې لیندا توماس ګرینفیلډ ویلي چې د بایډن حکومت به د عربي هېوادونو په ملاتړ دا پرېکړه لیک ویټو کړي، ځکه د دې په وینا ښايي په غزه کې د اوربند د ټینګولو لپاره د متحدو ایالاتو هڅې زیانمنې کړي.

واشنګټن هڅه کوي د غزې د جګړې ښکېل لوري لږ ترلږه د شپږو اوونیو لپاره د جګړې پر بندولو موافقه وکړي.

نور راوښيه

XS
SM
MD
LG