کابل چاپ نننیو ورځپاڼو د افغانستان سولې، روانې جګړې د ملکي تلفاتو په اړه لیکنې او تبصرې خپرې کړي دي.
- دنیا
دنیا ورځپاڼې لیکلي، له بل هر وخت زیات افغانان د ۴۰ کلنې غمیزې د پای ته رسېدو لپاره سولې ته نږدې شوي، د لیکوال په اند له روان وضعیته داسې ښکاري چې دا فرصت د لهمنځه تللو ګواښ سره مخ دی.
په سرمقاله کې راغلي چې د سولې له پېلېدونکو مذاکراتو سره په هېواد کې جنګ جګړو زور اخېستی چې هره ورځ له افغانانو قرباني اخلي.
د لیکوال د معلوماتو له مخې داسې ښکاري چې د ښکېلو خواوو تر شا څنګه خلک ولاړ دي، د جګړې ملاتړي، د جنګ د پای ته رسېدو لپاره اراده نهلري.
لیکوال ټینګار کوي چې دواړه لوري دې، نور د سولې د امتیاز اخېستو په خاطر ملت نه وژني او له رامنځته شوي فرصته دې اغېزناکه ګټه واخلي.
- اصلاح
اصلاح دولتي ورځپاڼې د سرمقالې سرلیک دی، د سولې رامنځته شوی فرصت به ضایعه شي.
وړاندې په سرمقاله کې راغلي، اوس د افغان سولې خبرې ګرمې شوي چې دا هرڅه د امریکا په انتخاباتو پورې تړوا لري او د امریکا ولسمشر ډونالډ ټرمپ او ډېموکراټ کاندید جوبایډن له افغان کشالې انتخابي شعار جوړ کړی.
لیکوال اندېښنه ښکاره کوي، کله چې د امریکا نوی جمهور رئیس اعلان شي، د افغانستان د سولې پروسه به ورسره وځنډېږي، خو افغانانو ته په کار و ه چې د سولې له رامنځته شوي فرصته باید بشپړه ګټه واخیستل شي.
نورو ورځپاڼو بیا په جګړه کې د ملکي تلفاتو په اړه لیکنې او تبصرې خپرې کړي دي.
- هېواد
هېواد دولتي ورځپاڼې لیکلي، په افغانستان کې جګړه باید په پياوړي تعقل او تفکر وارزول شي.
وړاندې سرمقاله کې راغلی، په تېرو ۹ میاشتو کې ۲۱۱۷ وژل شوي او ۳۸۲۲ نور ملکیان ټپیان شوي دي چې د منلو وړ ده.
د لیکوال د معلوماتو له مخې دومره چې ملکیان وژل شوي، حتمن به له دې زیات طالبان او افغان سرتیري وژل شوي وي چې په ټوله کې دواړه خواوې افغانان دي او د افغانو وژل کېدل یو بشري ناورین دی.
- هشت صبح
هشت صبح ورځپاڼې لیکلي، نړیواله ټولنه باید په جګړه کې د ملکي افغانانو په وژل کېدو چوپه خوله پاتې نهشي.
په سرمقاله کې راغلي، که نړیواله ټوله په طالبانو سیاسي فشار زیات نهکړي او د تاوتریخوالي کمښت تهیې ونههڅوي، ممکن جګړه نوره هم ګرمه شي او زیان یې ملکیانو ته واوړي.
