شفیق همدم وايي، د تاوتریخوالو زیاتېدل نه یواځې د تړون او توقع خلاف دی بلکې د سولې روانو خبرو او سیاسي پروسې ته جدي زیان رسوي.
د ناټو دغه پخواني سلاکار له واشنګټنه په دې اړه ازادي راډیو سره مرکه کې زیاته کړه چې طالبانو په بېلابېلو سیمو کې بریدونه زیات کړي.
پرون له بدخشانه نیولې تر هلمند پورې په بېلابېلو سیمو کې د طالبانو د بریدونو راپورونه ورکړل شوي.
دا ډله په غور کې د موټر بم برید په ترسره کولو هم تورنه شوې ده.
دا چې د بریدونو او تاوتریخوالو زیاتوالی د سولې خبرې څومره زیانمنوي او امریکا څه کولای شي، په دې اړه صفي الله ستانکزي د ناټو له پخواني سلاکار شفیق همدم ځینې پوښتنې کړي.
د دې مرکې اورېدو لپاره لاندې لینګ کېکاږئ:
