د لاسرسۍ وړ لېنکونه

تازه خبر
یکشنبه ۱۶ لیندۍ ۱۳۹۹ کابل ۰۵:۲۴

د زهرو کاروان

د کابل پولیسو د ۴۰کیلوګرامو چرسو د قاچاقو مخه نیولې

ارشیف

د کابل پولیسو د څلوېښت کیلوګرامو چرسو د قاچاقو مخه ونیوله.

د کابل د امنیه قومندانۍ ویاند فرامرز فردوس ازادۍ راډیو ته وویل، د خیرخانې کوتل په سیمه کې یې څلوېښت کیلوګرامه چرس هغه مهال ونیول چې د هېواد له شمال څخه یې په یوه موټر کې کابل ته قاچاق کول.

د دې موادو د قاچاقو په تور موټر چلوونکی نیول شوی او له نشه يي موادو سره د مبارزې عدلي او قضايي مرکز څارنوالۍ ته معرفي شوی دی.

د ورځې تازه خبرونه دلته ولولئ

هرات کې تر ٢٠ کيلوګرامو ډېرو نشه يي موادو د قاچاقو مخه نيول شوې

آرشیف

د هرات پولیسو تر شلو کيلوګرامو ډېرو نشه يي موادو د قاچاقو مخه ونيوله.

د هرات امنيه قوماندانۍ وياند عبدالاحد وليزاده ازادۍ راډيو ته وويل، پولیسو (۲۴) کيلوګرامه هغه هيرويين ونيول چې د موټر په ټايرونو کې پټ ايښودل شوي او په پام کې وه چې د اسلام کلا له لارې ايران ته قاچاق کړل شي.

پوليسو موټر چلوونکی د دې نشه يي موادو د قاچاقو په تور نيولی او له نشه يي موادو سره د مبارزې عدلي او قضايي مرکز څارنوالۍ ته يې معرفي کړی دی.

ننګرهار کې تر ٢٠ ټنو ډېر نشه يي مواد سوځول شوي

آرشیف

په ننګرهار ولايت کې تر شل ټنه ډېر نشه يي مواد وسوځول شول.

دا نشه يي مواد چې د ۱۳۹۸ شمسي کال له پيل څخه بیا د ۱۳۹۹ کال د عقرب تر مياشتې پورې د امنيتي ځواکونو له خوا د ننګرهار ولايت د مرکز او ولسوالیو په بېلابېلو عملياتو کې نيول شوي وو، وسوځول شول.

د ننګرهار امنيه قوماندان غلام سنايي ستانکزي ازادۍ راډيو ته وويل، د نشه يي موادو (۵۷۰) قاچاق کوونکي چې له دې موادو سره يو ځای نيول شوي وو، له نشه يي موادو سره د مبارزې عدلي او قضايي محکمو له خوا محکوم شوي دي.

بدخشان پولیسو تر ٥٠٠کيلوګرامو ډېرو نشه يي موادو د قاچاقو مخه نيولې

آرشیف

د بدخشان پولیسو تر پنځه سوه کيلوګرامو ډېرو نشه يي موادو د قاچاقو مخه ونيوله.

د بدخشان امنيه قوماندانۍ ویاند ثناالله روحاني ازادۍ راډيو ته وويل، له نشه يي موادو سره د مبارزې ځانګړو پولیسو په خواهان ولسوالۍ کې عمليات وکړل چې په نتيجه کې يې (۵۳۳) کيلوګرامه نشه يي مواد ونيول شول.

په دې نشه يي موادو کې هيرويين، چرس او تارياک شامل وو.

د دې موادو د قاچاقو په تور دوه تنه هم نيول شوي دي.

چارواکي: لوګر کې لسګونه کيلوګرامه نشه يي مواد سوځول شوي

آرشیف

په لوګر ولايت کې لسګونه کيلوګرامه نشه يي مواد وسوځول شول.

اته زره بنګ او چرس چې د خوشي ولسوالۍ په دوو ځایونو کې زېرمه شوي وو، له منځه یووړل شول.

د کورنيو چارو وزارت وياند طارق ارین ازادۍ راډيو ته وويل، دا مواد د هغو عملياتو په نتيجه کې له منځه يووړل شول چې له نشه يي موادو سره د مبارزې ځانګړو پولیسو او هوايي ځواکونو په ګډه وکړل، خو د دې نشه يي موادو د ساتلو او تولید په تور څوک نه دي نيول شوي.

کابل کې ۲۵ کیلوګرامه چرس د پولیسو له لوري ونیول شول

ارشیف، عکس تئزیني بڼه لري

په کابل ښار کې تر شلو کيلو ګرامو ډېر نشه يي مواد ونيول شول.

د کابل ولایت امنيه قوماندانۍ وياند فردوس فرامرز ازادي راډيو ته وويل،۲۵ کيلو ګرامه چرس چې په يوه کورولا موټر کې پټ ايښودل شوي او په پام کې وه له شمالي ولايتونو څخه کابل ته قاچاق شي، په دسپيچري سيمه کې د پولیسو له خوا ونيول شول. د دې نشه يي موادو د قاچاقو په تور موټر چلوونکی هم نيول شوی دی.

پکتیا کې له ۳۰۰ کیلوګرامو ډېر چرس نیول شوي

ارشیف، عکس تئزیني بڼه لري

د پکتيا پولیسو تر درې سوه کيلوګرامو ډېر چرس او بنګ ونيول.

د کورنيو چارو وزارت له نشه يي موادو سره د مبارزې معينیت وياند اسدالله يادګاري ازادي راډيو ته وويل، له نشه يي موادو سره د مبارزې ځانګړو پوليسو د سيد کرم ولسوالۍ پر يوه کور عمليات وکړل چې په نتيجه کې يې ۳۰۰ کيلوګرامه بنګ او ۱۱۰ کيلوګرامه اومه چرس ونيول شول.

ننګرهار کې نږدې سل کیلوګرامه نشه يي توکي ونیول شول

ارشیف، عکس تئزیني بڼه لري

پولیسو په ننګرهار ولایت کې د دوو جلا جلا عملياتو په نتيجه کې نژدې سل کيلوګرامه نشه يي مواد ونيول.

لومړي عمليات چې له نشه يي موادو سره د مبارزې ځانګړو پولیسو په اچين ولسوالۍ کې وکړل، په نتيجه کې يې ۸ کيلوګرامه هيروئين او ۸۰ کيلو ګرامه چرس ونيول شول.

د کورنيو چارو وزارت وياند طارق ارين ازادي راډيو ته وويل، دوهم عمليات په غني خېلو ولسوالۍ کې د نشه يي موادو پر يوه زېرمه وشول، د دې عملياتو په نتيجه کې ۶۰ کيلوګرامه چرس، پنځه کيلوګرامه ښيښه، نژدې پنځه کيلوګرامه تارياک او څه اندازه وسلې او مهمات هم نيول شوي دي.

هرات کې لسګونه ټنه الکولي توکي وسوځول شول

ارشیف، عکس تئزیني بڼه لري

په هرات ولايت کې لسګونه ټنه کېمياوي او الکولي مواد وسوځول شول.

په دې اړه د هرات امنيه قوماندانۍ وياند عبدالاحد ولي زاده رسنیو ته وويل، د هرات له نشه يي موادو سره د مبارزې ځانګړو پولیسو او نورو امنيتي ځواکونو ۶۵۴ لېټره شراب او پريکرسرونه، دغه ډول ۳۶۲۴۹ کيلوګرامه سوډيم کلورايډ وسوځول.

د يادونې وړ ده چې پولیسو دا مواد په تېرو دوو وروستیو کلونو کې په هرات ښار او ولسوالیو کې د عملياتو په نتيجه کې نيولي وو.

د دې موادو د قاچاقو په تور د څلورو بهرنيانو په ګډون ۴۳۵ تنه هم نيول شوي او د عدلي او قضايي ادارو له خوا مجازات شوي دي.

په کابل کې د نشه يي موادو د قاچاق او خرڅلاو په تور اووه کسان نیول شوي

ارشيف

په کابل ښار کې د نشه يي موادو د قاچاقو او خرڅولو په تور اووه نفره ونيول شول.

د کابل امنيه قوماندانۍ وياند فرامرز فردوس ازادۍ راډيو ته وويل: له نشه يي موادو سره د مبارزې ځانګړو پولیسو د کابل ښار په دوولسمه ناحیه کې عمليات وکړل چې په نتيجه کې يې شپږ کيلوګرامه هيرويين ونيول شول، دا هيرويين د موټر په ټايرونو کې پټ ایښودل شوي او په پام کې وه چې پر معتادينو باندې وپلورل شي.

دغه ډول پولیسو د خيرخانې په کوتل کې هم عمليات وکړل چې په نتيجه کې يې د نشه يي موادو پنځه قاچاق کوونکي ونيول شول، دې قاچاق کوونکو څلور کيلوګرامه ښيښه په يوه سفري بکس کي ايښي او غوښتل يې چې د افغانستان له شمالي ولايتونو څخه يې کابل ته قاچاق کړي.

چارواکي: تورخم کې لسګونه کيلوګرامه نشه يي مواد ونيول شول

ارشيف

په تورخم کې لسګونه کيلوګرامه نشه يي مواد ونيول شول.

د کورنيو چارو وزارت وياند طارق ارين ازادۍ راډيو ته وويل: (۲۷۵) کيلوګرامه نشه يي مواد چې په يوه موټر کې بار شوي او په پام کې وه له هېواد څخه دباندې قاچاق کړل شي، پولیسو ونيول.

په دې موادو کې (۵۴) کيلوګرامه هيرويين، (۸۹) کيلوګرامه تارياک او (۱۳۲) کيلوګرامه چرس شامل وو. د دې موادو د قاچاقو په تور موټر چلوونکی هم نيول شوی دی.

هرات کې تر دېرشو زرو ليټرو ډېرو الکولو د قاچاقو مخه نيول شوې

ارشيف

د هرات پولیسو دې ولایت ته تر دېرشو زرو ليټرو ډېرو الکولو د قاچاقو مخه ونيوله.

د هرات د امنيې قوماندانۍ وياند عبدالاحد وليزاده ازادۍ راډيو ته وويل: له نشه يي موادو سره د مبارزې پولیسو په ګذرې ولسوالۍ کې عمليات وکړل چې په نتيجه کې يې (۳۱) زره او (۳۱۰) لېټره ايټايل الکول په ميرداود دروازه کي ونيول شول. دا الکول په يوه موټر کې بار شوي او په پام کې وه چې هرات ښار ته قاچاق کړل شي.

د دې موادو د قاچاقو په تور درې نفره هم نيول شوي دي.

چارواکي: د نشه يي موادو تر دېرشو ډېر قاچاق کوونکي مجازات شول

ارشيف

د نشه يي موادو تر دېرشو ډېر قاچاق کوونکي مجازات شول.

له نشه يي موادو سره د مبارزې عدلي او قضايي مرکز محکمو د علني غونډو په جوړولو سره د نشه يي موادو (۳۶) قاچاق کوونکي چې د (۲۸) پېښو په تړاو نيول شوي وو، له دوو کالو څخه نيولې بیا تر شپاړسو کالو پورې په بند باندې محکوم کړل.

له نشه يي موادو سره مبارزې عدلي او قضايي مرکز وياند خالد موحد ازادۍ راډيو ته وويل چې، دا قاچاق کوونکي په بېلابېلو ولايتونو کې نيول شوي دي، له دوی سره نژدې درې سوه کيلوګرامه نشه يي مواد نيول شوي دي، په دې نشه يي موادو کې هيرويين، ښيښه، چرس او تارياک شامل دي.

دغه ډول امينتي ادارو په تېره اوونۍ کې د نشه يي موادو د قاچاقو (۲۳) مشکوک کسان ځانګړي څانوالۍ ته معرفي کړي او دوسيې يې د څېړلو په حال کې دي.

کابل کې د نشه يي توکو د قاچاق په تور ۷ تنه ونيول شول

ارشیف، عکس تئزیني بڼه لري

په کابل ښار کې د نشه يي موادو د قاچاقو او پلورلو په تور اووه تنه ونيول شول.

د کابل امنيه قوماندانۍ وياند فرامرز فردوس ازادي راډيو ته وويل، له نشه يي موادو سره د مبارزې ځانګړو پولیسو د کابل ښار په ۱۲مه ناحیه کې عمليات وکړل چې په نتيجه کې يې شپږ کيلوګرامه هيروئين ونيول شول، دا هيروئين د موټر په ټايرونو کې پټ ایښودل شوي او په پام کې وه چې پر معتادينو باندې وپلورل شي.

دغه ډول پولیسو د خيرخانې په کوتل کې هم عمليات وکړل چې په نتيجه کې يې د نشه يي موادو پنځه قاچاق کوونکي ونيول شول، دې قاچاق کوونکو څلور کيلوګرامه ښيښه په يوه سفري بکس کي ايښي او غوښتل يې چې د افغانستان له شمالي ولايتونو څخه يې کابل ته قاچاق کړي.

تورخم کې لسګونه کیلوګرامه نشه يي توکي ونیول شول

ارشیف، عکس تئزیني بڼه لري

په تورخم کې لسګونه کيلوګرامه نشه يي مواد ونيول شول.

د کورنيو چارو وزارت وياند طارق ارين ازادي راډيو ته وويل، ۲۷۵ کيلوګرامه نشه يي مواد چې په يوه موټر کې بار شوي او په پام کې وه له هېواده دباندې قاچاق کړل شي، پولیسو ونيول.

په دې موادو کې ۵۴ کيلوګرامه هيروئين، ۸۹ کيلوګرامه تارياک او ۱۳۲ کيلوګرامه چرس شامل وو. د دې موادو د قاچاقو په تور موټر چلوونکی هم نيول شوی دی.

هرات کې له ۳۰ زرو لیټره زیاتو الکولو د قاچاق مخه ونیول شوه

ارشیف، عکس تئزیني بڼه لري

د هرات پولیسو دې ولایت ته تر ۳۰ زرو ليټرو ډېرو الکولو د قاچاقو مخه ونيوله.

د هرات د امنيې قوماندانۍ وياند عبدالاحد ولي زاده ازادي راډيو ته وويل، له نشه يي موادو سره د مبارزې پولیسو په ګذرې ولسوالۍ کې عمليات وکړل چې په نتيجه کې يې ۳۱ زره او ۳۱۰ لېټره ايټايل الکول په ميرداود دروازه کې ونيول شول. دا الکول په يوه موټر کې بار شوي او په پام کې وه چې هرات ښار ته قاچاق کړل شي.

د دې موادو د قاچاقو په تور درې تنه هم نيول شوي دي.

نور راوښيه

XS
SM
MD
LG