د لاسرسۍ وړ لېنکونه

تازه خبر
سه شنبه ۲۹ کب ۱۴۰۲ کابل ۰۱:۱۵

افغانستان

پاکستان له افغانستان سره په سپین بولدک کې د وروستۍ پېښې د حل غوښتنه وکړه

سپین بولدک دروازه
سپین بولدک دروازه

د افغانستان او پاکستاني د سرحدي ځواکونو تر نښتو وروسته د پاکستان د بهرنیو چارو وزیر شاه محمود قریشي ویلي هیله من دی دا لانجه په کرارۍ هواره شي.

شاه محمود قریشي نن په اسلام اباد کې یوه خبري کنفرانس ته غږېده او دې مسلې ته یې هم اشاره وکړه.

هغه زیاته کړه: "چمن کې څه چې پرون شوي باید نه وای شوي، موږ د بهرنیو چارو وزارت له لارې دا مسئله له افغانستان سره تعقیبوو، ما هلته خپل سفیر ته ویلي چې دا مسئله تعقیب کړي، جناب اتمر صاحب په دې مسئلې خبر شوی، هیله من یم چې دا مسئله په ښه او ارامۍ سره حل شي."

د راپورونو په اساس پاکستاني ځواکونو پرون په چمن کې لومړی په هغو مسافرو ډزې کړي چې د دروازې د تړل کېدو په غبرګون یې د پاکستان په تاسیساتو هجوم وړی و او اورونه یې بل کړي و.

د کندهار مرستیال والي اغا لالي دستګیري نن ازادي راډیو ته وویل پاکستاني ځواکونو پر افغان خاوره بریدونه کړي چې په نتیجه کې یې ۱۶ افغان ملکیان وژل شوي او ۸۰ نور ټپيان دي.

مشال راډیو ته بیا پاکستاني چارواکو ویلي چې د افغان پوځیانو په بریدونو کې هم د دوی خوا ته ۵ ملکیان وژل شوي او ۲۰ تنه نور ټپیان دي.

د افغانستان دفاع وزارت ویلي چې عسکر د بریدونو د دفاع لپاره اماده ولاړ دي خو افغان چارواکو په دې ټینګار کړی چې پاکستان دې د داسې پېښو مخه ونیسي.

د ورځې تازه خبرونه دلته ولولئ

د سپینې ماڼۍ ویانده: طالبان او پاکستان دې خپل اختلافونه په خبرو حل کړي

د سپینې ماڼۍ ویانده، کرین ژان پییر
د سپینې ماڼۍ ویانده، کرین ژان پییر

پر افغانستان د پاکستان له هوايي حملو وروسته متحدو ایالتونو یوځل بیا پر دواړو خواوو غږ کړی چې خپل اختلافونه د خبرو له لارې اوار کړي.

د سپینې ماڼۍ ویاندې کرین ژان پییر بېګا له طالبانو وغوښتل چې دا خبره یقیني کړي چې د افغانستان له خاورې به تروریستي حملې نه کېږي.

مېرمن ژان پییر زیاته کړه امریکا پر دې ژمنه ولاړه ده چې افغانستان باید هېڅکله د هغو تروریستي ډلو په ځاله بدل نه شي چې متحدایالتونو یا متحدانو ته یې ګواښ پېښوي.

د سپینې ماڼۍ ویاندې د پاکستان په بمبارۍ کې د ملکي وګړو پر تلفاتو خپګان وښود، خو په څنګ کې یې له طالبانو غوښتنه وکړه چې له خپل قلمرو څخه د تروریستي حملو مخه ونیسي.

پرون له دې مخکې د امریکا د بهرنیوچارو وزارت ویاند ودانت پاتیل هم په یوه خبري غونډه کې دې ته ورته څرګندونې وکړې.

د طالبانو حکومت د امریکايي چارواکو د څرګندونو په اړه څه نه دي ویلي، خو پرون د پاکستان له هوايي حملو وروسته یې وویل چې د ځوابي اقداماتو په ترڅ کې یې د پاکستان پوځي اډې په نښه کړې دي.

د کندهار په ګډون د افغانستان یو شمېر سیمې نن یوې زلزلې ولړزولې

د افغانستان په نقشه کې کندهار ولایت
د افغانستان په نقشه کې کندهار ولایت

یوه زلزله چې شدت یې د ریښتر په کچه ۵،۵ درجې وه، نن د کندهار په ګډون د افغانستان په ډېرو برخو کې احساس شوه.

د کندهار، هلمند او د بلوچستان ایالت د چمن سیمو اوسېدونکو ازادي راډیو ته وویل چې نن د سهار په ۵ بجو او ۵ دقیقو یې د زلزلې ټکانونه احساس کړل.

دوی وویل چې د زلزلې شدت کم و، خو ځینې کسان له وېرې د څو شېبو لپاره له خپلو کورونو ووتل.

د امریکا د جیالوجیکي سروې د راپور له مخې، د دې زلزلې مرکز د بلوچستان ایالت په نوشکي سیمه کې د مځکې په ۱۰ کیلومتره ژور تل کې و.

له دې چې د زلزلې مرکز ډېر ژور نه و، نو ټکانونه یې هم د زلزلې مرکز ته نژدې شدید او لیرې کم وو.

د دې زلزلې د احتمالي زیانونو په اړه تراوسه کوم راپور نه دی ترلاسه شوی.

امریکا کې یو افغان کډوال د قضیه په یوه قضیه کې مجرم وپېژندل شو

تصویر له ارشیفه
تصویر له ارشیفه

یو افغان کډوال په امریکا کې د یوه سړي د وژنې په قضیه کې مجرم وپېژندل شو.

د اسوشیتید پرېس د راپور له مخې، ۵۱ کلن محمد سید ښايي د یوه بل مسلمان ۴۱ کلن افتاب حسین د وژنې په خاطر له عمر بند سره مخ شي.

د ۲۰۲۲ کال د جولای په ۲۶مه د امریکا د نیومکسیکو ایالت په البوکرکي ښار کې درې کسان ووژل شول چې یو یې افتاب حسین وو.

د محمد سید محکمه د دوشنبې په ورځ وشوه او څارنوالانو شواهد وړاندې کړل چې د هغه مبایل یې د جرم له صحنې موندلی او هم د مرمیو د پوچکو له مخې ښکاري چې ډزې په هغه ټوپک شوي چې د محمد سید له کوره موندل شوی.

څارنوالان په نیومکسیکو کې د دوو نورو کسانو د وژنې په قضیه کې هم د محمد سید ښکېلتیا پلټي.

طالب چارواکي: بدخشان کې مو د یوه تاریخي اثر د قاچاق مخه نیولې ده

د افغانستان په نقشه کې بدخشان ولایت
د افغانستان په نقشه کې بدخشان ولایت

په بدخشان ولایت کې د طالبانو سیمه ییز چارواکي وايي، د هغه تاریخي اثر د قاچاق مخه یې نیولې ده چې ۳۳۴ کاله لرغونتوب لري.

باختر خبري اژانس چې طالبان یې اداره کوي؛ د بدخشان ولایت د استخباراتو د چارواکو له قوله خبر ورکوي چې دا اثر یوځانګړی کاغذ دی چې ۹ متره اوږدوالی او ۴۰ سانتي متره سور لري او وزن یې ۳۰۰ ګرامه دی.

د خبر له مخې، پر دې کاغذ د سروزرو او لاجوردو په اوبو د پیغمبرانو شجرې لیکل شوې دي.

د طالبانو دفاع وزارت: پر پاکستاني ځواکونو مو ځوابي بريدونه کړي

له ارشيفه د طالبانو د يو شمېر ځواکونو تصوير
له ارشيفه د طالبانو د يو شمېر ځواکونو تصوير

د طالبانو حکومت د ملي دفاع وزارت وايي، ځواکونو یې د پاکستاني الوتکو د نن سهار د بریدونو په غبرګون کې د پاکستان پوځي مرکزونه په نښه کړي دي.

دې وزارت په خپله ایکس‌پاڼه په یوه اعلامیه کې لیکلي: "د وی سرحدي ځواکونو د ډیورنډ فرضي کرښې په اوږدو کې د پاکستان پوځي مرکزونه د درنو وسلو په وسیله په نښه کړل. "

د طالبانو حکومت د دفاع وزارت په اعلامیه کې زیاته شوې، د دوی دفاعي او امنیتي ځواکونه د هر ډول تېري کوونکو کړنو ځواب ورکولو ته چمتو دي او په هر ډول حالاتو کې به له خپلې ځمکنۍ بشپړتیا دفاع وکړي.

دا په داسې حال کې ده چې د پکتیا د ډنډ پټان ولسوالۍ څخه سرچینو ازادي راډیو ته ویلي، طالب ځواکونو نن سهار په سیمه کې له پاکستاني عسکرو سره نښته کړې.

تر اوسه دواړو لوریو ته د دې نښتې له امله د مرګ‌‌ ژوبلې په اړه دقیق او رسمي ارقام نه‌ دي خپاره شوي.

سویډن کمېټې په افغانستان کې خپل فعالیتونه وځنډول

له ارشیفه د سویډن د بیرغ تصویر
له ارشیفه د سویډن د بیرغ تصویر

سویډني رسنۍ د افغانستان لپاره د سویډن کمېټې د فعالیتونو د ځنډولو خبر ورکوي.

د سویډن رادیو راپور ورکړ چې د مارچ په پنځلسمه په افغانستان کې د دغې کمېټې فعالیت درول شوی.

د دې اقدام اصلي لامل نه دی څرګند، خو رسنۍ وايي، طالبانو په افغانستان کې د سویډن کمېټې د کار جواز لغوه کړی دی.

د سویډن راډیو د راپور له مخې، د طالبانو حکومت په تېر کې غوښتل چې د دغې کمېټې کار ودروي او اوس دا اداره نه پوهېږي چې څنګه د خپلو کارکوونکو د خوندیتوب په پام کې نیولو سره په افغانستان کې خپل کار ته دوام ورکړي.

د افغانستان لپاره د دغې کمېټې د مشر اندریس سټیفنسن له قوله ویل شوي چې دوی نه شي کولای خپل کارکوونکي له خطر سره مخامخ کړي.

د افغانستان لپاره د سویډن کمیټې په ۱۹۸۰ کال کې خپل فعالیت پیل کړ، خو په وروستیو دوو کلونو کې یې کار د طالبانو له خوا محدود شو.

د مقاومت جبهې ادعا؛ کابل کې مو ۲ طالب ځواکونه وژلي

د افغانستان په نقشه کې کابل ښار
د افغانستان په نقشه کې کابل ښار

د طالبانو یوې مخالفې وسله والې ډلې ملي مقاومت جبهې ادعا کړې چې د یکشنبې په شپه یې په کابل کې دوه طالب ځواکونه وژلي دي.

دې جبهې په خپله ایکس پاڼه لیکلي چې د طالبانو د استخباراتو د ریاست دا دوه غړي یې د کابل په هودخېلو کې هدف ګرځولي.

په دې اړوند مقاومت جبهې یوه ویډیو هم خپره کړې چې پکې په یوه موټر کې چاودنه ښيي.

تر دې مخکې هم د راپورونو له مخې، د کابل په بېلابېلو سیمو کې په ځینو چک پاینټونو د لاسي بمونو بریدونه شوي.

طالبانو د بېګاني برید په اړه لا څه نه دي ویلي، خو مخکې یې په اکثرو داسې بریدونو کې چې د مقاومت یا ازادۍ جبهو یې ادعاوې کړي وراوښتې مرګژوبله رد کړې ده.

د خوست په یوه سوداګریز مارکېټ کې اور لګیدلی

د افغانستان په نقشه کې خوست ولایت
د افغانستان په نقشه کې خوست ولایت

په خوست ښار کې د یکشنبې په شپه یو سوداګریز مارکېټ اور اخیستی وو.

سیمه ییزو رسنیو راپور ورکړی چې څو ساعته وخت یې ونیوه څو د اور وژنې ټیم دا اور مهار کړي.

په خواله رسنیو هم د دې اور اړوندې ګڼې ویډیوګانې لاس په لاس کېدلې.

د راپورونو په اساس، اور د افغان پلازه په نوم په یوه مارکېټ کې لګېدلی و.

په دې مارکېټ کې د جامو ګنډلو او رختونو دوکانونه وو چې معمولا د اختر په درشل کې پکې ګڼه ګوڼه هم وي.

لا د اوښتیو زیانونو او احتمالي تلفاتو په اړه چارواکو څه نه دي ویلي.

چین افغان ځوانانو ته تحصیلي بورسونه ورکوي

په کابل کې د چین سفارت
په کابل کې د چین سفارت

د طالبانو حکومت وایي په کابل کې د چین سفیر ژمنه کړې چې افغان ځوانانو ته به تحصیلي بورسونه برابروي.

د طالبانو تر کنټرول لاندې ارګ په خپله ایکس پاڼه لیکلي چې د دوی د رییس الوزرا سیاسي مرستیال مولوي عبدالکبیر د یکشنبې په ورځ په کابل کې د چین له سفیر ژاو شینګ سره کتلي دي.

په بیان کې د ژاو شینګ په حواله راغلي چې هېواد یې افغان ځوانانو ته د روغتیا په ګډون په بیلابیلو برخو کې تحصیلي بورسونه ورکوي.

د طالبانو د رییس الوزرا له سیاسي مرستیال سره د چین سفیر همداراز د اقتصادي اړیکو په پراختیا او د مس عینک د کان په اړه هم خبرې کړي.

مولوي کبیر په حواله راغلي چې د طالبانو حکومت له چین څخه د لا زیاتو اقتصادي همکاریو تمه لري او ترې غواړي چې د افغانستان د لویو لارو، رېل پټلیو او نورو لویو پروژو کې پانګونه وکړي.

کرکټ؛ افغانستان ایرلنډ ته د ۱۵۳ منډو هدف ورکړ

د افغانستان او ایرلنډ له لوبو یو انځور
د افغانستان او ایرلنډ له لوبو یو انځور

د افغانستان د کرکټ ملي لوبډلې د ایرلنډ پر وړاندې په دویمې شل اوریزې سیالۍ کې لومړۍ توپوهنه وکړه او د ۹ لوبغاړو په سوځېدو یې ۱۵۲ منډې وکړې.

په افغان توپ وهونکو کې محمدنبي ۵۹، صدیق اتل ۳۵ او راشدخان ۲۵ منډې وکړې.

ایرلنډ ته چټکو توپ اچونکو مارک اډیر۳، جاش لېټل او مککارټي دوه دوه لوبغاړي وسوځول.

د ویلو ده چې د دې لوبلړۍ لومړۍ سیالي ایرلنډ ګټلې ده.

نور راوښيه

XS
SM
MD
LG