د لاسرسۍ وړ لېنکونه

تازه خبر
چهارشنبه ۲۲ زمری ۱۳۹۹ کابل ۰۶:۰۴

د زهرو کاروان

ننګرهار کې له ۱۰۰ کیلو ګرامو ډېر نشه يي مواد نیول شوي

ارشیف

په ننګرهار ولايت کې پولیسو تر سلو کيلو ګرامو ډېر نشه يي مواد ونيول.

د ننګرهار د امنيې قوماندانۍ په خبرپاڼه کې راغلي چې، په لومړي ګام کې پولیسو د موټرو د تلاشۍ پر مهال (۹۸) کيلوګرامه چرس ونيول.

دا چرس په يوه موټر کې پټ کړل شوي او له خوګياڼيو ولسوالۍ څخه غني خېلو ولسوالۍ ته قاچاق کېدل.

په دوهم ګام کې پولیسو (۳۲) کيلوګرامه چرس ونيول.

دا چرس له چپرهار ولسوالۍ څخه دربابا ولسوالۍ ته قاچاق کېدل.

په دريم اقدام کې پولیسو يوولس کيلوګرامه چرس له خوګياڼو ولسوالۍ څخه جلال اباد ښار ته د قاچاقو پر مهال ونيول.

د نشه يي موادو د دې دريو پېښو په تور پنځه تنه نيول شوي دي.

د ورځې تازه خبرونه دلته ولولئ

کندز کې ۲ کسان د هیرویینو د قاچاقو پر مهال نیول شوي

ارشیف

دوه کسان کندز ولایت ته د هیرویینو د قاچاقو پر مهال ونیول شول.

د کندز ولایت د امنیه قومندانۍ ویاند هجرت الله اکبري ازادۍ راډیو ته وویل، له نشه يي موادو سره د مبارزې پولیسو د اسد د میاشتې په ۱۴ نېټه دوه کسان هغه مهال ونیول چې څه د پاسه یو کیلوګرام هیرویین یې په ۵۹ کپسولونو کې په خپلو خېټو کې پټ کړي او کندز ولایت ته یې قاچاق کول.

د بدخشان پولیسو د هیرویینو او شرابو د قاچاقو مخه ونیوله

ارشیف

د بدخشان پولیسو دغه ولایت ته د هیرویینو او شرابو د قاچاقو مخه ونیوه.

د بدخشان ولایت د امنیه قومندانۍ ویاند ثناء الله روحاني ازادۍ راډیو ته وویل، له نشه يي موادو سره د مبارزې پولیسو د اسد د میاشتې په ۱۴ نېټه په کوف آب ولسوالۍ کې ۵۰ کیلوګرامه هیرویین ونیول چې دې ولایت ته قاچاق کېدل.

هغه زیاته کړه: "دغه ډول په یوه بله پېښه کې ۲۸ لېټره شراب هم نیول شوي چې له کندز ولایت څخه بدخشان ته قاچاق کېدل. د دې پېښې په تړاو یو تورن کس هم نیول شوی دی."

د یادونې وړ ده چې د دې موادو د قاچاقو په تور درې کسان هم نیول شوي دي.

پولیسو په بلخ کې څه د پاسه ۶۰۰۰ لېټره شراب نیولي

ارشیف

پولیسو په بلخ ولایت کې څه د پاسه شپږ زره لېټره شراب ونیول.

د بلخ ولایت د امنیه قومندانۍ ویاند عادل شاه عادل ازادۍ راډیو ته وویل، سرحدي پولیسو د ملي امنیت د کارکوونکو په مرسته په حیرتان بندر کې ۶۱۷۵ لېټره شراب ونیول.

دا شراب د لوبیا په بوجیو کې پټ کړای شوي او په یوه لارۍ موټر کې یې له ازبکستان څخه افغانستان ته قاچاق کول.

په کونړ او خوست کې څه د پاسه ۳۰۰ کیلوګرامه نشه يي مواد نیول شوي

ارشیف

په کونړ او خوست ولایتونو کې څه د پاسه درې سوه کیلوګرامه نشه يي مواد ونیول شول.

د کورنیو چارو وزارت په خبرپاڼه کې راغلي چې په لومړیو عملیاتو کې له نشه يي موادو سره د مبارزې پولیسو د کونړ ولایت په نورگَل ولسوالۍ کې د پوتاشیم کلورایډ په نوم ۲۷۵ کیلوګرامه نشه يي مواد او څه د پاسه ۲۹ کیلوګرامه تاریاک ونیول.

دغه ډول امنیتي ځواکونو د خوست ولایت په دومنده ولسوالۍ کې ۶۴ کیلوګرامه چرس ونیول.

د دې موادو د قاچاقو په تور دوه تنه هم نیول شوي دي.

امنیتي مسئولین: بغلان کې سلګونه نشه يي ګولۍ نیول شوي

ارشیف

په بغلان ولايت کې سلګونه نشه يي ګولۍ د قاچاقو پر مهال ونيول شوې.

د بغلان د امنيې قوماندانۍ وياند جاويد بشارت ازادۍ راډيو ته وويل، دوه نفره چې غوښتل يې ۸۸۰ ټابليټ کا نشه يي ګولۍ له کابل ولايت څخه بلخ ولايت ته قاچاق کړي، د بغلان ولايت له نشه يي موادو سره د مبارزې ځانګړو پولیسو د پلخمري ښار د کمربند شَمَرق او نساجۍ کلوپ په سيمه کې د موټرو د تلاشۍ پر مهال ونيولې.

د يادونې وړ ده چې په دې وروستيو وختونو کې د افغانستان په مرکز او شمالي ولايتونو کې د ټابليټ کا نشه يي ګوليو استعمال ډېر شوی دی.

بدخشان کې تر ۶۰ کیلو ګرامه ډېر نشه يي مواد نیول شوي

ارشیف

په بدخشان ولايت کې په يوه کور کې تر شپېتو کيلوګرامو ډېر نشه يي مواد ونيول شول.

د بدخشان د امنيې قوماندانۍ وياند ثناالله روحاني ازادۍ راډيو ته وويل، د بدخشان پولیسو په خاش ولسوالۍ کې عمليات وکړل چې په نتيجه کې يې د استوګنې په دوو کورونو کې ۶۱ کيلوګرامه چرس ونيول.

هغه زیاته کړه: " نن د بدخشان ولايت له نشه يي موادو سره د مبارزې ځانګړو پولیسو د بدخشان ولايت د خاش ولسوالۍ د استوګنې په دوو کورونو کې ۶۱ کيلوګرامه چرس نيولي دي."

د يادونې وړ ده چې په دې وروستیو وختونو کې د افغانستان په شمالي ولايتونو کې د چرسو قاچاق ډېر شوی دی.

پنجشیر، جوزجان او خوست کې نږدې ۵۰ کیلوګرامه نشه يي مواد نیول شوي

ارشیف

په دريو ولايتونو کې نږدې پنځوس کيلوګرامه نشه يي مواد ونيول شول.

د پنجشېر د والي وياند محمد منصور عنابي ازادۍ راډيو ته وويل، د پنجشېر پولیسو د اسد د مياشتې پر اوومه نېټه (۳۰) کيلوګرامه چرس ونيول.

په پام کې وه چې دا چرس په يوه بار وړونکي موټر کې له پنجشېر ولايت څخه کابل ته قاچاق شي.

دوهم عمليات د خوست ولايت په مرکز کې وشول چې په نتيجه کې يې پولیسو پنځه کيلوګرمه چرس ونيول.

په دريم ګام کې په جوزجان ولايت کې پولیسو د موټرو د تلاشۍ پر مهال نژدې پنځه کيلو ګرامه چرس ونيول.

د دې نشه يي موادو په تور اووه نفره نيول شوي او د نورو څېړنو لپاره له نشه يي موادو سره د مبارزې عدلي او قضايي مرکز ته معرفي شوي دي.

چارواکي: کابل کې د نشه يي موادو ۱۰ قاچاق کوونکي او خرڅوونکي نیول شوي

ارشیف

په کابل ښار کې د نشه يي موادو نږدې لس قاچاق کوونکي او خرڅوونکي ونيول شول او دوکانونه يې هم وتړل شول.

د کابل د امنيې قوماندانۍ وياند فرامرز فردوس ازادۍ راډیو ته وويل، له نشه يي موادو سره د مبارزې ځانګړو پولیسو د کابل ښار په بنايي سیمه کې ۱۸۰۰ ليټره شراب، تر زرو ډېرې ټابليټ کا نشه يي ګولۍ، څه اندازه چرس، تر اووه لکه ډېرې افغانۍ، تر دوه زره ډېر امريکايي ډالر او تر دوه لکه ډېرې نغدې پاکستانۍ کالدارې ونيولې.

د دې نشه يي موادو د ساتلو او قاچاقو په تور دوولس تنه نيول شوي او دوکانونه يې تړل شوي دي.

نیمروز کې تر ۱۰۰ کیلو ګرامه ډېر تاریاک نیول شوي

ارشیف

په نيمروز ولايت تر سلو کيلوګرامو ډېر تارياک ونيول شول.

د نيمروز ولايت د امنيې قوماندانۍ په خبرپاڼه کې راغلي چې له نشه يي موادو سره د مبارزې ځانګړو پولیسو د اسد د مياشتې پر اوومه نېټه په زرنج ښار کې پر يوه کور عمليات وکړل چې په نتيجه کې يې ۱۱۰ کيلوګرامه تارياک ونيول شول.

دا تارياک په داسې حال کې ونيول شول چې د قاچاقو لپاره چمتو شوي وو.

تر اوسه پورې د دې نشه يي موادو د ساتلو او قاچاقو په تور څوک نه دي نيول شوي.

ميدان وردګ له نشه يي بوټو څخه پاک ولایت اعلان شو

ارشیف

د ميدان وردګو ولايت له نشه يي بوټو څخه پاک ولایت اعلان شو.

د ميدان وردګو ولايت د زراعت رياست اعلان وکړ چې، په ۲۰۱۹ ميلادي کال کې په دې ولایت کې هيڅ ډول نشه يي بوټي نه دي کرل شوي.

د دوی څېړني ښيي چې په روان ميلادي کال کې به هم په دې ولايت کوکنار او نور نشه يي بوټي و نه کرل شي.

په هغو مراسمو کې چې په دې مناسبت د ميدان وردګو ولايت د زراعت رياست او ځينو مدني ټولنو له خوا په ګډه جوړ شوي، مدني فعالانو له حکومت څخه وغوښتل چې، له بزګرو سره د مرستو له لارې دي په دې ولايت کې په راتلونکي کال کې هم د نشه يي بوټو د کښت مخه ونيسي.

افغان چارواکي: د نشه يي موادو تر ۲۰ ډېر قاچاق کوونکي محاکمه شول

ارشیف

د نشه يي موادو تر شلو ډېر قاچاق کوونکي محاکمه شول.

له نشه يي موادو سره د مبارزې عدلي او قضايي مرکز وياند خالد موحد ازادۍ راډيو ته وويل، د دې مرکز محکمو د نشه يي موادو ۲۵ قاچاق کوونکي د خپلو علني غونډو په نتيجه کې له څلورو کالو څخه نيولې بیا تر شلو کالو پورې په تنفيذي بند باندې محکوم کړل.

هغه زیاته کړه: "امنیتي ادارو محکوم شوی کسان د ۳۱ کیلوګرامه هیرویینو، څه باندې ۱۸ کیلوګرامه مورفینو، ۶۰ کیلوګرامو تاریاکو، ۱۱۱۳ کیلوګرامو چرسو او لس کیلوګرامه ښیښې د قاچاقو په تور د هیواد له بېلابېلو سیمو څخه نیولی وو."

د ښاغلي موحد په وينا په تېره يوه اوونۍ کې امنيتي ادارو ۲۸ داسي کسان دې مرکز ته معرفي کړي چې د نشه يي موادو د قاچاقو شک ورباندې کېده.

د دې مشکوکو خلکو دوسيې د څېړلو په حال کې دي.

له بدخشان څخه کندز ته د هیرویینو د قاچاق مخه نیول شوې

ارشیف

له بدخشان څخه کندز ولايت ته د هیرويينو د قاچاقو مخه ونيول شوه.

د بدخشان ولايت د امنيې قوماندان وياند ثناالله روحاني ازادۍ راډيو ته وويل د بدخشان پولیسو د سرطان د میاشتې پر ۲۵ نېټه په يوه موټر کې لس کيلوګرامه هیرويين ونيول.

دا نشه يي مواد چې د بدخشان په يوه ولسوالۍ کې په موټر کې پټ ايښودل شوي، په پام کې وه چې کندز ولايت ته قاچاق شي.

د يادونې وړ ده چې د دې موادو د قاچاقو په تور موټر چلوونکی هم نيول شوی دی.

چارواکي: پنجشیر کې تر ۲۰ کیلوګرامه ډېر نشه يي مواد نیول شوي

ارشیف

په پنجشير ولايت کې تر شلو کيلو ګرامو ډېر نشه يي مواد ونيول شول.

د پنجشير د والي وياند محمد منصور عنابي د سرطان د میاشتې پر (۲۵) نېټه ازادۍ راډيو ته وويل، پنځه ویشت نيم کيلوګرامه چرس چې په يوه کورولا موټر کې پټ ايښودل شوي او په پام کې وه چې له پنجشېر ولايت څخه کابل ولايت ته قاچاق کړل شي، د موټرو د تلاشۍ پر مهال ونيول شول.

موتر چلوونکی هم د دې نشه يي موادو د قاچاقو په تور نيول شوی دی.

نیمروز کې یوه اندازه ښیښه نیول شوې

ارشیف

نيمروز ولايت ته د شلو لېټرو ښیښې د قاچاقو مخه ونيول شوه.

د نيمروز د امنيه قوماندانۍ په خبرپاڼه کې راغلي چې، له نشه يي موادو سره د مبارزې ځانګړو پولیسو په زرنج ښار کې عملیات وکړل چې په نتيجه کې يې (۱۸) لېټره مايع ښیښه ونيوله.

دا ښیښه په يوه باروړونکي موټر کې پټه کړل شوې وه.

د دې نشه يي موادو د قاچاقو په تور څوک نه دی نيول شوی.

کابل کې زرګونه نشه يي ګولۍ او تر ۱۰ کیلو ګرامو ډېر نشه يي مواد نیول شوي

ارشیف

په کابل ښار کې زرګونه نشه يي ګولۍ او تر لسو کيلو ګرامو ډېر نور نشه يي مواد ونيول شول.

د کابل د امنيه قوماندانۍ وياند فرامرز فردوس د سرطان د میاشتې پر (۱۹) نېټه ازادۍ راډيو ته وويل، له نشه يي موادو سره د مبارزې ځانګړو پولیسو د کابل ښار په څلورمه ناحيه کې دوه جلا جلا عمليات وکړل.

د لومړيو عملياتو په نتيجه کې تر يوولسو کیلوګرامو ډېره ښیښه او د دوهمو عملياتو په نتيجه کې د ټابلیټ کا په نوم (۲۴۵۰) نشه يي ګولۍ ونيول شوې.

د دې نشه يي موادو د قاچاقو او خرڅلاو په تور دوه تنه نيول شوي او له نشه يي موادو سره د مبارزې عدلي او قضايي مرکز ته معرفي شوي دي.

نور راوښيه

XS
SM
MD
LG