۱۲:۱۶
۲۳.۲.۱۳۹۹
تازه: د افغانستان د کورنیو چارو وزارت وايي چې امنیتي ځواکونو د کابل په لوېدیځ کې پر یوه روغتون د وسلهوالو له حملې له ۴۰ زیات کسان ژغورلي او عملیات روان دي.
د افغانستان کورنیو چارو وزارت وايي چې دغه حمله نن له غرمې مخکې شااوخوا ۱۰:۰۰ بجې شوې ده.
۳ وسلهوالو حمله کوونکو د کابل ښار ۱۳مې حوزې اړوند دشت برچي سیمه کې پر یوه روغتون حمله وکړ.
د افغانستان کورنیو چارو وزارت وايي چې دغه حمله نن له غرمې مخکې شااوخوا ۱۰:۰۰ بجې پر دشت برچي سل بستریز ملي روغتون شوې ده.
د دغه وزارت مرستیال ویاندې مروه امیني ازادي راډیو ته وویل: "نن له غرمې مخکې شااوخوا ۱۰:۰۰ بجې د کابل ښار د ۱۳مې حوزې مربوطاتو کې یو شمېر وسلهوالو کسانو پر یوه روغتون حمله کړې ده. د پولیسو ځانګړي ځواکونو سیمې ته رسېدلي، سیمه کلابنده ده او نور جزئیات به وروسته شریک شي."
د وسلهوالو طالبانو ویاند ذبیحالله مجاهد ازادي راډیو سره په خبرو کې د کابل د نن ورځې په برید کې د دغې ډلې لاس لرل رد کړل.