د طالبانو او امریکايي چارواکو ترمنځ تماسونه نږدې دوه کاله مخکې پیل شول ترڅو چې یوه نیمه میاشت مخکې دواړو خواوو په قطر کې افغانستان ته د سولې راوستو موافقه لاسلیک کړه.
خو د سولې پر وړاندې خنډونه تر اوسه هم پر ځای پاتې دي. افغان حکومت چې د روانې جګړې یو مهم لوری دی د سولې لپاره خپل شرایط په ډاګه مطرح کړي او د طالبانو د بندیانو د خوشې کولو په ګډون په ډېرو مسایلو کې یې انعطاف هم ښودلی، خو د طالبانو خبره نن، دوه کاله او ۲۰ کاله مخکې یوه ده.
ایا د سولې پر وړاندې اصلي خنډ طالبان دي؟ دا موضوع احمد تکل د سولې او شخړې د مطالعاتو د مرکز له مرستیال حکمت اعظمي سره په مرکه کې څېړلې ده.
ښاغلی اعظمي د مرکې په پیل کې دې پوښتنې ته ځواب وايي چې آیا طالبان د سولې په مسئله کې په رښتیا جدي دي؟
د دغې مرکې د اورېدو لپاره لاندې لېنک کېکاږئ:
