د لاسرسۍ وړ لېنکونه

تازه خبر
سه شنبه ۱۱ لیندۍ ۱۳۹۹ کابل ۰۱:۲۶

نړۍ

د کرونا وایروس د مخنیوي په هدف د چک حکومت نوي اقدامات

ټولو مغازو او دوکانونو ته امر شوی چې سر له نن سهاره دې د لسو ورځو لپاره تړلي وي.

د چک حکومت په دې هېواد کې ټولو مغازو او دوکانونو ته امر کړی چې سر له نن سهاره دې د لسو ورځو لپاره تړلي وي.

په دې امر کې د خوراکي توکو مغازې، درملتونونه او ځینې نور نه دي شامل.

په دې اعلان کې همدارنګه ویل شوي چې په چک جمهوریت کې به رسټورانټونه هم د لسو ورځو په مخه تړلي وي.

په چک جمهوریت کې دا اقدامات د کرونا وایروس د خپرېدو د مخنیوي لپاره کېږي.

تر دې مهال په دې هېواد کې ۱۱۶ کسان پر دې وایروس اخته پېژندل شوي او لا ترې څوک مړ شوی نه دی.

د چک صدراعظم اندری بابیش لا دمخه په دې هېواد کې د کرونا وایروس له کبله بیړنۍ وضیعت اعلان کړی چې ښوونځي تړل شوي او په لویو غونډو بندیز لګېدلی دی.

همدارنګه د چک وګړو او دلته مېشتو اوږدمهالو استوګنو ته ویل شوي چې په دې وخت کې دې بهر سفر نه کوي.

چک جمهوریت همدارنګه له ګڼو هېوادونو سره خپلې پولې تړلي دي.

بل خوا د روغتیا نړیوال سازمان ویلي، اروپا دا مهال په نړۍ کې د کرونا وایروس د پېښو او خپرېدو له پلوه له چین هم مخکې شوې او د دې وایروس د خپرېدو په مرکز اوښتې.

د کرونا وایروس له کبله په نړۍ کې د مړینو شمېره ۵ زرو ته رسېدلې او هېوادونو د دې نړیوالې وبا د کنټرول لپاره د خپلو پولو د تړلو سربېره بېلابېل اقدامات پیل کړي دي.

د ورځې تازه خبرونه دلته ولولئ

د بېلاروس ځواکونو د لاریون کوونکو پر وړاندې ځانګړې وسیلې کارولي

معترضان در بلاروس

د بېلاروس د کورنیو چارو وزارت تایید کړه چې امنیتي ځواکونو پرون د لاریون کوونکو په وړاندې چې له واکه د الکساندر لوکا شینکا د لیرې کېدو غوښتنه کوي، له ځانګړو وسیلو کار اخیستی دی.

د کورنیو چارو وزارت ویاندې ولها چمادونووا نن په ټلګرام کې ولیکل چې د قانون د تنفیض ځواکونو د لاریون کوونکو د تیت وپرک کولو لپاره هوایي ډزې وکړې او اوښکې بهونکی ګاز او غږیز بمونه یې استعمال کړل.

هغې وویل چې ۳۱۳ تنه د ټولنیزو غونډو له اصولو د سرغړونو په خاطر نیول شوي دي.

په مینسک کې دېره د ویاسنا په نوم د بشري حقونو مدافعې ډلې ویلي چې د دوی د معلوماتو په اساس پرون د لاریونونو په ترڅ کې له ۴۲۰ ډېر معترضان نیول شوي دي.

د ایراني اټومي ساینسپوه "محسن فخري زاده" جنازه خاورو ته وسپارل شوه

د محسن فخري زاده جنازه

د ایراني اټومي ساینس پوه محسن فخري زاده جنازه نن په تهران کې خاورو ته وسپارل شوه.

فخري زاده د نومبر په ۲۷ مه د تهران په یوه څنډه کې په پوځي بڼه په یوه برید کې چې ایراني چارواکو یې مسولیت پر اسراييلو اچولی، ووژل شو.

اسراییل په دې اړه له نظرورکولو ورکولو ډډه کړې ده.

د ایران ولسمشر حسن روحاني ویلي چې هیواد به یې د فخري زاده غچ واخلي خو په خپل وخت او بیړه نه لري چې په کومه لومه کې ونښلي.

په پاکستان کې د ټرافیکي پېښو کې له امله لسګونه کسانو ته مرګ ژوبله اوښتې

آرشیف

په پاکستان کې په دوو ټرافیکي پېښو کې له شلو زیات کسان مړه شوي او لسګونه نور ټپيان دي.

د پنجاب پولیسو وویل، چې نن لږترلږه ۱۳ تنه هغه مهال مړه شول چې یو بس او مسافروړونکي میني بس د دې ایالت په مرکزي د نارنګ منډي په سیمه کې ټکر وکړ.

په دې پېښه کې شاوخوا شل تنه ټپیان شوي دي.

تېره شپه په سند ایالت کې په یوه بله، د مسافروړونکي میني بس او پر خښتو بار د یوې لارې ترمنځ په ټکر کې یولس تنه مړه شوي دي.

په پاکستان کې هر کال په زرګونو کسان په ټرافیکي پېښو کې مړه کېږي، چې خرابې لارې، زاړه موټر او د ډریورانو له خوا د ټرافیکي مقررارتو ته نه پاملرنه د دغو پېښو اصلي لاملونه ګڼل کېږي.

د سوریې حکومت، اپوزیسیون او د مدني ټولنې استازي په جنیوا کې غونډه کوي

ښکېلې خواوې جنيوا کې غونډه کوي

ټاکل شوې چې د سوریې د حکومت، د اپوزیسیون او د مدني ټولنې استازي نن په جنیوا کې په دې هېواد کې د روانې جګړې د پای ته رسولو لپاره د سولې د نوي پړاو په اړه خبرې وکړي.

د سوریې لپاره د ملګروملتونو استازي ګیرپیدرسن هیله څرګنده کړې چې دغه خبرې به د ښکېلو اړخونو ترمنځ د باور فضا له جوړولو سره مرسته وکړي.

هغه وویل، خبرو اترو مهمه مسله به د نوي اساسي قانون پراصولو متمرکزه وي.

له ۲۰۱۱ کال راهیسې د سوریې په کورنۍ جګړه کې له څلورلکو زیات کسان وژل شوي او له ۱۲ ملیونونو زیات هم له خپلو سیمو بې ځایه شوي دي.

د امریکا له نوې ادارې د فلسطین او عربي ټولنې غوښتنه

محمود عباس

فلسطیني اداره او عربي ټولنه وایي، هیله لري چې د امریکا متحده ایالاتو نوې اداره د فلسطین د خپلواک دولت په جوړېدو کې مثبت رول ولوبوي.

د فلسطیني ادارې مشر محمود عباس او د عربي ټولنې عمومي منشي احمد ابو الغیظ پرون یکشنبه د مصر پلازمېنه قاهره کې د اسرائیل او فلسطین د شخړې په اړه خبرې وکړې.

چارواکو ویلي، د اردن پادشاه عبدالله هم له محمود عباس سره کتلي او هیله‌یې څرګنده کړې چې د امریکا نوی ولسمشر جوبایډن د اسرائیل او فلسطین د شخړې په هواري کې رول ولوبوي.

د اردن حکومت په بیانیه کې راغلي، د دغه هېواد پادشاه ټینګار کړی چې له فلسطین سره د خپلواک دولت په جوړولو او مشروع حقونو ته د لاسرسي په چارو کې اوږه په اوږه درېږي.

جوبایډن نن د ورځنیو استخباراتي معلوماتو لومړنی راپور ترلاسه کوي

جوبایډن او د کابینې یو شمېر غړي یې

نن به د امریکا منتخب ولسمشر جوبایډن د ورځنیو استخباراتي معلوماتو لومړنی راپور ترلاسه کړي.

دا خبره د بایډن دفتر په یوه خبرپاڼه کې کړې ده.

دغه راپورونه چې "د ولسمشر د ورځنیو معلوماتو " په نوم پېژندل کېږي، په نړیواله کچه ملي امنیت ته د ورپېښو لویو ګواښونو په اړه وي.

له دې وړاندې د نومبر په ۲۴مه د برحاله ولسمشر ډونالد ټرمپ ادارې ویلي و، بایډن ته د لېږد پړاو په رسمي ډول پیلېدای شي.

بایډن او ټیم‌یې پخوا د استخباراتي معلوماتو له ترلاسه کولو منعه شوي وو.

د منتخب ولسمشر دفتر ویلي، بایډن به له دې معلوماتو وروسته له سلاکارانو سره هم وګوري.

بایډن د جنورۍ په ۲۰مه نېټه لوړه کوي.

بریتانیا د کرونا ویروس ضد دوه میلیونه دوزه نور واکسین هم برابر کړ

ارشیف

د بریتانیا چارواکو ویلي، راتلونکو اوونیو کې د کرونا په ضد د پراخ واکسین له پیلولو مخکې یې دوه میلیونه دوزه نور واکسین هم برابر کړی.

بریتانیا چې په اروپا کې د 'کووېډ-۱۹' ناروغۍ ډېره مړینه لري نن دوشنبه ویلي، هیله لري چې د کرونا واکسین په پیلېدو کې د نړۍ لومړنی هېواد شي.

بریتانیا کې چې ۶۷ میلیونه نفوس لري، تر اوسه څه باندې ۵۸ زره کسان کرونا مړه کړي دي.

د بریتانیا حکومت موافقه کړې چې له بېلابېلو تولیدي شرکتونو څخه به ۳۵۰ میلیونه دوزه واکسین واخلي، په دې شرط چې واکسینونه‌یې ګټور ثابت شي.

ګارډین او فایننشل ټایمز ورځپاڼو د روغتونونو په حواله ویلي چې د دسمبر په دوهمه اوونۍ کې به د واکسینونو لومړني دوزونه ترلاسه کړي.

ټاکل شوې امریکا کې هم ډسمبر میاشت کې د کرونا ضد واکسین پيل شي.

نړۍ کې د کرونا زیاتېدونکې پېښې؛ بریتانیا کې ۱۲ زره کسان تازه اخته شوي

ارشیف

په داسې حال کې چې تر تېرې شپې په نړۍ کې په کرونا ویروس د اخته کسانو شمېر تر ۶۲ میلیونو واوښت، بریتانیا په ۲۴ ساعتونو کې د ۱۲ زره کسانو د اخته کېدو او ۲۱۵ کسانو د مړینې خبر ورکړ.

په ټوله نړۍ کې په کرونا ویروس د مړینو شمېر تر ۱۴ لکو اوښتی دی.

په ترکیه کې هم پرون د اوومې ورځې په مخه په کرونا ویروس د خلکو د مړینې اندازه زیاته ښوول شوې او چارواکو په تېرو ۲۴ ساعتونو کې په ترکیه کې د ۱۸۵ کسانو د مړینې خبر ورکړی دی.

نایجریا کې یوې وسله‌والې حملې لږ تر لږه ۱۱۰ ملکیان وژلي

ارشیف، نایجریا کې له یوې حملې وروسته سیمه

په نایجریا کې لږ تر لږه ۱۱۰ ملکیان په یوه وسله‌واله حمله کې وژل شوي دي.

ملګرو ملتونو پرون اعلان وکړ چې دغه ۱۱۰ کسان د شنبې په ورځ د دغه هېواد په شمال ختیځ کې وژل شوي دي.

د نایجریا لپاره د ملګرو ملتونو د بشري مرستو همغږي کوونکي اډوارډ کالون وویل، موټرسایکل سپرو وسله‌والو پر هغو نارینه او ښځو چې په بورنو ولایت کې یې په کروندو کې کار کاوه، ډزې وکړې.

ګڼ شمېر نور ټپیان شوي او ځیني تښتول شوي دي.

که څه هم د دې حملې مسؤلیت چا نه‌دی منلی، خو د افریقا په لوېدیځ کې د بوکو حرام افراطي ډلې ترڅنګ داعش ډلې هم په وروستیو کلونو کې ځینې خونړۍ حملې کړې دي.

بلاروس کې د مظاهرو دوام؛ ۱۳۰ کسان په پلازمېنه مېنسک کې نیول شوي

بلاروس کې مظاهرې

په بلاروس کې له واکه د الکساندر لوکاشینکا د لیرې کېدو په هدف د روانو مظاهرو پر مهال په لسګونه مظاهره‌چیان ونیول شول.

د ویانسا په نوم د بشري حقونو یوه ملاتړې ډله وايي، پرون یکشنبه لږ تر لږه ۱۳۰ کسان په پلازمېنه مېنسک او بارا ولیاني ښار کې نیول شوي دي.

دا دوهمه اوونۍ ده چې په بلاروس کې مظاهره‌چیان د «ګاونډیانو د مارش» په نوم لارو سړکونو ته په اعتراض راوځي.

اوس مظاهره‌چیانو خپله تګلاره بدله کړې، دوی پر وړو ډلو وېشل شوي او په بېلابېلو سیمو کې په مظاهرو راوځي چې د امنیتي ځواکونو له‌خوا یې نیول ستونزمن شي.

د ازادي راډیو بلاروسۍ څانګې راپور ورکړی چې پرون امنیتي ځواکونو د مظاهره‌چیانو پر خلاف اوښکې بهوونکی ګاز او بې‌سدوونکي لاسي بمونه کارولي دي.

په بلاروس کې د اګسټ میاشتې له نهمې د ولسمشرۍ تر لانجمنو ټاکنو وروسته چې الکساندر لوکاشینکا یې ګټونکی اعلان شوی، مظاهرې روانې دي. اپوزېسون وايي په ټاکنو کې درغلي شوې ده.

چک جمهوریت د کرونا له امله د لګول شویو محدودیتونو د کمولو اعلان کړی

ارشیف، د چک جمهوریت پراګ ښار یوه څنډه

چک جمهوریت چې په اکټوبر میاشت کې د کرونا وبا د مهارولو لپاره شدید محدودیتونه لګولي وو، د ډسمبر میاشتې له درېیمې د محدودیتونو کمولو اعلان کړی دی.

په چک جمهوریت کې به رستورانتونه پرانیستل کېږي، خو فعالیت به‌یې محدود وي.

د اروپا په دغه هېواد کې به د شپې له خوا ګرځبندیز هم لیرې شوي او ځینو ورزشي فعالیتونو به هم اجازه ورکړل شي.

بېلاروس کې د اعتراضونو دوام؛ لسګونه لاریون کوونکي نیول شوي

ښايي د ورځې په اوږدو کې د نیولو شویو لاریون کوونکو شمېر زیات شي. 

د بېلاروس امنیتي ځواکونو نن لسګونه لاریون کوونکي ونیول.

خلکو په بېلاروس کې د اګست له ۹ د الکساندر لوکاشینکا پر ضد لاریونونه پیل کړل او هر وار د پولیسو له خوا نیول شوي.

د یکشنبې په ورځ په پلازمېنه مېنسک کې لږ تر لږه ۴۵ تنه نیول شوي.

ښايي د ورځې په اوږدو کې د نیولو شویو لاریون کوونکو شمېر زیات شي.

الکساندر لوکاشینکا د اګست نهمې ولسمشرۍ ټاکنو کې بریالی اعلان شوی خو خلک او اپوزیسیون یې نه منی او وايي، چې لوکاشینکا په درغلیو ځان ولسمشر کړی.

اروپايي ټولنې په الکساندر لوکاشینکا بندیزونه هم لګولي او د هغه بیا ځلي ټاکنه یې په رسمیت نه ده پېژندلې.

لوکاشینکا نږدې درې لسیزې په بېلاروس واک چلوي.

پېژندل شويو دوو متقاعدو سوک وهونکو تېره شپه لوبه کړې

دوی دواړه په ځوانۍ کې څو دورې د اتلولۍ کمربندونه ګټلي دي.

په نړیواله کچه پېژندل شویو متقاعدو سوک وهونکو مایک ټایسن او روی جونز بېګا له خیریه ټولنو سره د مرستې په هدف سره ولوبېدل.

لوبه د داورانوله خوا مساوي اعلان شوه.

ټایسن څلور پنځوس کلن اورویجونز ۵۱ کلن دی.

دوی دواړه په ځوانۍ کې څو دورې د اتلولۍ کمربندونه ګټلي دي.

لوبه د لاس انجلس ښار په سټاپلس مرکز کې وشوه.

خلک ځکه لیدو ته نه و ورپرېښودل شوي چې امریکا د کرونا ویروس د محدودیتونو په خاطر داسې لوبې یواځې په ټلویزیون ښکاروي.

سبا په خيبر پښتونخوا کې پولیو ضد واکسین کمپاين پيلېږي

آرشیف

د پاکستان د خیبرپښتونخوا ایالت د پوليو د کنټرول اداره سر له سبا د پولیو د واکسین یو اوونیز کمپاین پيلوي.

د خیبرپښتونخوا د پولیو ضد د کمپاین مسوولینو د ازادي راډیو مشال څانګې ته ویلي چې ټول ټال ۶۴ لکه ماشومان به په دې اوه ورځنۍ دوره کې واکسین شي.

د خیبرپښتونخوا په لرو پرتو سیمو کې ځینې خلک اجازه نه ورکوي چې ماشومان یې د پولیو پر ضد واکسین واخلي.

د یوه فلج شوي ماشوم حمزه خان پلار سخت پښېمانه دی چې زوی یې نه دی واکسین کړی.

هغه زياتوي: "خلک دې سرغړونه نه کوي، د خدای په خاطر دا ډېره خطرناکه ناروغي ده، ما یې زور وليد، ما د دغه هلک ګرمي ولیدله، که الله بچ کړ خو ښه کار به وي خو که نه شو د ده به څه ژوند وي؟."

سږ ۲۰۲۰ کال په پاکستان کې ۶۵ ماشومان په ګوزڼ اخته شوي چې ۲۲ یې په خیبرپښتونخواه کې دي.

روسیه کې د بندیزونو نه‌رعایتولو په خاطر تر یو میلیون ډېر کسان جریمه شوي

روسیه کې روغتیايي کارکوونکی

د روسیې پولیسو تر یو میلیون ډېر خلک په دې خاطر جریمه کړي چې د کرونا ویروس د نه‌خپرېدو لپاره بندیزونه‌یې نه‌دي رعایت کړي.

د روسیې د کورنیو چارو وزارت پرون (شنبه) تاس خبري اژانس ته وویل، قانون نافذوونکو د قرنطین د مقرراتو د نه‌رعایتولو په خاطر یو میلیون او ۱۰۰ زره کسان جریمه کړي دي.

د کرونا ویروس د بندیزونو د نه‌رعایتولو په خاطر په روسیه کې لږترلږه جریمه زر روبله ده چې ۱۳ ډالره کېږي.

روسیه په نړۍ کې د کرونا د مثبتو پېښو د ډېروالي له نظره څلورم هېواد دی.

تر اوسه په دغه هېواد کې ۲ میلیونه او ۲ لکه تنه په کرونا ویروس اخته شوي او ۳۹ تنه ورڅخه مړه شوي دي.

نور راوښيه

XS
SM
MD
LG