- ینس سټولټنبرګ له عبدالله عبدالله سره ولیدل
د ناټو عمومي منشي ینس سټولټنبرګ کابل ته رسېدلی او دغلتهیې د افغانستان له اجرائیه رئیس عبدالله عبدالله سره کتلي.
ښاغلي عبدالله پر خپل ټویټر لیکلي چې د ناټو له عمومي منشي یې د افغانستان له امنیتي ځواکونو څخه د دې تړون د ملاتړ د دوام له کبله مننه کړې او دواړو په افغانستان کې د تاوتریخوالي سولهییز هواري ته ژمنتیا په ډاګه کړې.
ټاکل شوې چې نن به د ناټو عمومي منشي ینس سټولټنبرګ او د امریکا دفاع وزیر مارک اسپر د افغان ولسمشر اشرف غني سره په یوه ګډه اعلامیه کې له افغان دولت سره د ناټو او امریکا پر پخوانیو ژمنو او هوکړو ټینګار وکړي.
- د امریکا دفاع وزیر کابل ته راورسېد
د امریکا دفاع وزیر مارک اسپر نن کابل ته ورسېده.
چارواکي او څارونکي باور لري چې نوموړی به په دوحه کې له طالبانو سره د امریکا د تړون له لاسلیک مخکې کابل کې افغان حکومت ته د واشنګټن لهخوا د ملاتړ پر پخوانیو ژمنو د درېدو او دوام ډاډ ورکړي.
ټاکل شوې اسپر په کابل کې له ولسمشر محمد اشرف غني سره وګوري.
تر اسپر مخکې د ناټو عمومي منشي ینس سټولټنبرګ کابل ته رسېدلی او دغلتهیې د افغانستان له اجرائیه رئیس عبدالله عبدالله سره کتلي.
ښاغلي عبدالله پر خپل ټویټر لیکلي چې د ناټو له عمومي منشي یې د افغانستان له امنیتي ځواکونو څخه د دې تړون د ملاتړ د دوام له کبله مننه کړې او دواړو افغانستان کې د تاوتریخوالي سولهییز هواري ته ژمنتیا په ډاګه کړې.
ټاکل شوې چې نن د ناټو عمومي منشي ینس سټولټنبرګ او د امریکا دفاع وزیر مارک اسپر د افغان ولسمشر اشرف غني سره په یوه ګډه اعلامیه کې له افغان دولت سره د ناټو او امریکا پر پخوانیو ژمنو او هوکړو ټینګار وکړي.
- د امریکا د بهرنیو چارو وزیر قطر ته رسېدلی
د امریکا د بهرنیو چارو وزیر مایک پومپیو د قطر پلازمېنې دوحې ته رسېدلی څو دغلته د طالبانو او امریکايي پلاوي ترمنځ افغانستان ته د سولې د راوستو د تړون د لاسلیک مراسمو کې واوسي.
د طالبانو او امریکا ترمنځ "افغانستان ته د سولې د راوستلو تړون" نن په دوحه کې لاسلیک کېږي.
روېټرز خبري اژانس د طالب چارواکو په حواله ویلي چې د دوی ۳۱ کسیز هیئت هم دوحې ته رسېدلی دی.
دوی دا نهدي ویلي چې دا هیئتیې له کومه ځایه دوحې ته تللی، خو د طالبانو ډېر مشران د پاکستان په کوټه او پېښور کې مېشت دي.
همدارنګه د ملا عبدالغني برادر په مشرۍ د طالبانو د سیاسي دفتر غړي لا دمخه په دوحه کې دي چې نن به له امریکايي لوري سره دا تړون لاسلیک کړي.
که څه د دواړو لورو ترمنځ د لاسلیک کېدونکي تړون جزئیات څرګند نهدي، خو چارواکي وایي له مخې بهیې په لنډ وخت کې افغانستان کې د امریکايي سرتېرو شمېر شااوخوا اته زرو ته راکم شي او طالب لوری به امریکا ته ډاډ ورکوي چې تر واک لاندې سیمو څخه بهیې پر امریکا او متحدانو بریدونه نهکېږي.
- طالبان: د هوکړې تر لاسلیک، اورکم ته دوام ورکړئ
طالبانو خپلو جنګیالیو ته ویلي چې په دوحه کې د امریکا لوري سره د هوکړې تر لاسلیک پورې دې په افغانستان کې اورکم ته دوام ورکړي.
په افغانستان کې د یوې اوونۍ اورکم وخت تېره شپه پای ته رسېدلی او تمه کېده چې بریدونه به بیا پیل شي.
خو طالب ویاند ذبیحالله مجاهد له ازادي راډیو ته ویلي، طالبانو ته امر شوی چې د خلکو د خوښۍ په خاطر دې له هر ډول بریدونو ډډه وکړي.
طالب ویاند که څه هم ویلي چې بهرنیو جنګي الوتکو د دوی په سیمو الوتنې پیل کړي چې یو څه پارونکي دي، خو هیلهیې ښودلې چې امریکايي لوری به په خپلو ژمنو ودرېږي.
بلخوا د افغانستان د دفاع سرپرست وزیر اسدالله خالد نن د افغانستان ملي ټلوېزون سره په یوې مرکه کې هیله وښوده چې طالبان به تاوتریخوالی بېرته پیل نهکړي، خو په وینا یې دا پرېکړه طالبانو پورې اړه لري.
د ښاغلي خالد په وینا دوی هم اورکم ته چمتو دي او هم که طالبان بریدونه پیل کړي د خپلو خلکو څخه دفاع ته چمتووالی لري.