په تهران کې د بریټانوي سفیر له توقیف وروسته، ایران بریټانیا ته خبرداری ورکړی چې د "کومې نوې تیروتنې" له کولو ډه ډه وکړي.

په تهران کې د بریټانیا سفیر راب مکایر ویلي، دا د شنبې په ورځ وروسته له هغې په موقته توګه بندی شو چې تهران ته نژدې د ایران په توغندي د نسکورې شوې اوکراینۍ الوتکې د قربانیانو په یاد یې د ډیوو بلولو مراسمو کې ګډون وکړ.

د الوتکې د پېښې د قربانیانو درې تنه بریټانویان وو.

د ایران د بهرنیو چارو وزارت وايي، دوی بریټانوي سفیر د دې لپاره احضار کړی و څو "په غیرې قانوني لاریون کې د هغه د غیرې متعارف" ګډون په اړه ورته اعتراض وسپاري.

د دوشنبې په ورځ بریټانیا په دې هېواد کې د ایران سفیر حامد بعیدي نژاد احضار کړ څو د خپل سفیر راب مکایر په توقیف ورته اعتراض واوروي.

د بریټانیا د صدراعظم بوریس جانسن ویاند د دوشنبې په ورځ خبریالانو سره خبرو کې د ایران دا اقدام د ډپیلوماټیکو اړیکو په اړه د ویانا له کنوانسیسون څخه "نه منونکی سرغړاوی" وباله.

له بعیدي نژاد سره تر کتنې وروسته د ایران د بهرنیو چارو وزارت په یو خبرداري کې وویل: "د بریټانیا له خوا هره نوې تېروتنه به د ایران له شدید تقابل سره مخ شي، چې مسول به یې لندن وي."

د ایران دولتي ټلویزیون د دې هېواد د بهرنیو چارو د وزارت په حواله زیاته کړې: "تهران کې د قربانیانو په یاد غونډه کې د بریټانوي سفیر ګډون د ډیپلوماټیکو نورمونو خلاف وو."
مکایر پر خپل ټویټر لیکلي چې د الوتکې د نسکورېدو د پېښې د قربانیانو په یاد دا غونډه یې پنځه دقیقې وروسته له هغې پرېښوده چې ځینو خلکو شعارونه پیل کړل.

په همدې ورځ ایراني معترضانو په تهران کې د بریټانیا د سفارت پر وړاندې د دې هېواد بیرغ ته اور واچوه.

پرایران د امریکا او اسراییل له بریدونو وروسته او په سیمه کې د جګړې له پراخیدو سره د تیلو بیه لس سلنه زیاته شوې.

د یکشنبې په ورځ د برینټ اومه تیلو د یوه بیرل بیه شاوخوا اتیا ډالرو ته پورته شوه. د رویترز په وینا کارپوهان اټکل کوي چې په منځني ختيځ کې د روانې جګړې له امله به ښایي د یوه بیرل تیلو بیه ترسل ډالرو پورې اوچته شي. د رویترز د راپورله مخې په داسې حال کې چې پوځي بریدونه په خپله د تیلو د بیو د زیاتوالي سبب شوي، د هرمز تنګي بندول یې یو مهم فاکتوربلل کیږي. د نړۍ څه باندې شل سلنه تیل د هرمز تنګي له لارې لیږدول کیږي. یوشمیرسرچینو ویلي، وروسته له هغې چې تهران کشتیو ته خبرداری ورکړچې له هرمز تنګي څخه دې له تیریدو ډډه وکړي، د اومه او نورو تیلو او اوبلن ګازو لیږدونکو کشتیو خپل فعالیتونه درولي دي.

د جرمني صدراعظم فریدریخ میرڅ وایي، پرایران د اسراییل او امریکا له خوا بریدونه ځینې خطرونه هم له ځان سره لري.

میرڅ د یکشنبې په ورځ په برلین کې وویل: "د دغو پوځي بریدونو هدف دادی چې د یوه کمزوري رژیم ویجاړوونکې لوبه پای ته ورسوي، خو دا کار له خطره خالي هم نه دی."

د جرمني ډي پي اې خبري آژانس د راپورله مخې میرڅ وویل هېڅوک نه پوهېږي چې "د ایران سخت غچ اخیستونکي بریدونه به سیمه د څه ډول کړکېچ پرلور بوځي" او یا دا چې "ایا له بهره د پوځي بریدونو له لارې په دننه کې د سیاسي بدلون د رامنځته کولو پلان به بریالی شي که نه."

میرڅ زیاته کړه چې د ایران د کورني سیاسي وضعیت درک کول ستونزمن دي او د لویدیځ هغه مداخلې چې په افغانستان، عراق او لیبیا کې یې کړي، ښایي یوازې تریوه حده د دې هیواد له شرایطو سره سمون ولري. نوموړي د لنډ مهاله ریښتیني خطرونو یادونه وکړه او ویې ویل چې له پایلو به یې موږ په جرمني او نوره اروپاکې هم اغیزمن شو.

د جرمني صدراعظم په ایران کې د ملايانو رژیم یو ترهګریز رژیم وباله چې د ده په خبره له لسیزو راهیسې د خپلو وګړو د ځپلو مسؤل دی."

د ایران په پلازمېنه تهران کې نن یکشنبې (د کب لسمه) د څو چاودنو غږونه واورېدل شول. د آزادۍ راډیو د ایران د څانګې راډیو فردا د راپور له مخې د جماران په نوم خبري ویبپاڼې خبر ورکړی چې دا چاودنې د تهران په شمال او ختیځ کې شوې دي.

خبر زیاتوي چې د تهران په نورو برخو کې هم د چاودنو غږونه اورېدل شوي.

د ایران سپاه پاسداران ځواک ته نژدې فارس خبري آژانس هم خبر ورکړی چې د تهران ښار د سیدخندان او قصر څلور لارې په سیمو کې د توغنديو او هوايي حملو غږونه اورېدل شوي دي.

همداراز د اسراییلو پوځ پر خپله ټویټر پاڼه لیکلي چې د دې هېواد هوايي ځواک (همدا شېبه) د پلازمېنې تهران په زړه کې د ایران د تروریستي رژیم پر اهدافو د پراخو حملو څپه پیل کړې ده.

پر تهران د حملو خبر داسې مهال ورکول کېږي چې د ایران وسله وال ځواکونو د عراق په کردستان او همداراز د خلیج په څو هېوادونو کې د امریکا اهداف د توغندیو او هوايي حملو په وسیله ویشتلي دي.

د ایران په پلازمېنه تهران کې نن یکشنبې د څو چاودنو غږونه واورېدل شول. د آزادۍ راډیو د ایران د څانګې راډیو فردا د راپور له مخې د جماران په نوم خبري ویبپاڼې خبر ورکړی چې دا چاودنې د تهران په شمال او ختیځ کې شوې دي.

خبر زیاتوي چې د تهران په نورو برخو کې هم د چاودنو غږونه اورېدل شوي.

د ایران سپاه پاسداران ځواک ته نژدې فارس خبري آژانس هم خبر ورکړی چې د تهران ښار د سیدخندان او قصر څلور لارې په سیمو کې د توغنديو او هوايي حملو غږونه اورېدل شوي دي.

همداراز د اسراییلو پوځ پر خپله ټویټر پاڼه لیکلي چې د دې هېواد هوايي ځواک (همدا شېبه) د پلازمېنې تهران په زړه کې د ایران د تروریستي رژیم پر اهدافو د پراخو حملو څپه پیل کړې ده.

پر تهران د حملو خبر داسې مهال ورکول کېږي چې د ایران وسله وال ځواکونو د عراق په کردستان او همداراز د خلیج په څو هېوادونو کې د امریکا اهداف د توغندیو او هوايي حملو په وسیله ویشتلي دي.

د امریکا ولسمشر ډونالډټرمپ د ایران اسلامي جمهوریت پاتې شویو چارواکو ته خبرداری ورکړ چې پر امریکا د ځوابي ضربې له وهلو ډډه وکړي.

ښاغلي ټرمپ نن سهار وختي پر خپله ټولنیزه شبکه ټروت سوشل ولیکل، ایران همدا اوس اعلان وکړ چې غواړي موږ ته پر پخوانیو هغو سخته ضربه راکړي. خو ده لیکلي چې دا کار دې نه کوي ځکه که داسې وشي نو داسې سخته ضربه به ورکړل شي چې تراوسه به یې نه وي لیدلې.

د ایران حکومت د شنبې ورځې په ماښام له څو ساعته ځنډ وروسته تایید کړه چې د اسلامي جمهوریت لوی مذهبي مشر آیت الله علي خامنه يي د امریکا او اسراییلو د حملو په لومړۍ څپه کې وژل شوی دی.

د آزادۍ راډیو د ایران د څانګې راډیو فردا د راپور له مخې د خامنه يي له وژل کېدو وروسته د ایران د پارلمان مشر محمدباقر قالیباف او د ملي امنیت د عالي شورا منشي علي لاریجاني امریکا ته د خبرداري جلا پیغامونه ورکړل.

لاریجاني له دولتي ټلویزیون سره په خبرو کې په سیمه کې د امریکا پوځي اډو ته ګواښ وکړ او ویې ویل چې امریکا او صهیونیستي رژیم [اسراییل] د ایران د ملت زړه ته اور واچاوه او ایران به هم د هغوی زړه وسوځوي. نوموړي زیاته کړه چې د ایران وسله وال ځواکونو ژمن دي چې دې بهیر ته به دوام ورکوي.

همداراز قالیباف وویل چې ایران ټولو سناریوګانو ته چمتو دی او حتی د امام خامنه یي له مړینې د وروسته دورې لپاره هم پلانونه چمتو شوي دي.

پاکستان د کرکټ په نړیوال جام کې سریلانکا ماته کړه خو له نړیوال جام سره یې خدای پامانی وکړ.

پاکستان په شلو اورونو کې د سریلانکا لپاره د ۲۱۳ منډو هدف ټاکلی وو.
سریلانکا بېرته ۲۰۷ منډې پوره کړې او لوبه یې په پنځو نمرو وبایلوده.

خو پاکستان له دې بریا سره سره بیا هم نیمه پایلوبې ته له ورتګه پاتې راغلی ځکه په جدول کې د امتیازونو د اوسط په حساب تر نیوزیلنډ وروسته شو.

تمه ده یکشنبې دوه لوبې وشي. اولنۍ کې زمبابوې او جنوبي افریقا مخ دي او په دویمه کې هند او ویسټ انديز.

د اسراییلو پوځ ویلي چې په ایران کې یې په ۵۰۰ هدفونو هوايي بریدونه کړي.

د بیان په اساس لږ تر لږه ۲۰۰ جنګي الوتکو دا حملې کړي.

اسراییلو ویلي چې دا یې د هوايي پوځ په تاریخ کې تر ټولو لوی بریدګر پروازي عملیات وو.

رویټرز خبري اژانس د خپلو سرچینو په حواله وايي داسې ښکاري چې د ایران د سپاه پاسداران انقلاب اسلامي ځواکونو قوماندان او د ایران دفاع وزیر د اسراییلو په نننیو بریدونو کې وژل شوي دي.

دغه خبري اژانس لیکلي " د اسراییلو له پوځي عملیاتو دوو با خبره سرچینو او یوې سیمه ییزې سرچینې ویلي چې د دفاع وزیر امیر ناصرزاده او د سپاه پاسداران قوماندان محمد پاکپور د اسراییلو په بریدونو کې وژل شوي دي."

د ایران د بهرنیو چارو وزیر عباس عراقچي بیا نن له NBC نیوز سره په یوه مرکه کې تایید کړه چې لږترلږه "یو یا دوه قوماندانان" وژل شوي، خو نومونه یې وانخیستل.

عراقچي بیا زیاته کړه تر هغه ځایه چې دی پوهیږي، د ایران رهبر علي خامنه ای او د ایران ولسمشر مسعود پزشکیان "ژوندي دي."

که څه هم د ایران دولتي رسنیو پر ایران د اسراییلو او امریکا د بریدونو له پیل وروسته، د ځينو مشرانو او قومندانانو د ژوند په اړه خلکو ته ډاډ ورکړ خو تر اوسه یې د دفاع د وزیر او د سپاه د قومندان په تړاو هېڅ راپور نه دی ورکړی.

په داسې حال کې چې د ایران په شاوخوا کې د امریکا پوځي تیارۍ زیاتې شوي د ترکیې له استانبول ښار څخه تهران ته الوتنې پرون ماښام وځندول شوې.

د استانبول نړیوال هوايي ډګر پرون اعلان وکړ چې تهران ته د ترکش ایرلاین او دوو ایراني هوايي شرکتونو الوتنې کنسل شوې دي.

همداراز د ایران شمالي ښار تبریز ته د ترکش ایرلاین یوه الوتنه چې د نن سهار لپاره پلان شوې وه، هم کنسل شوې ده.

په عین حال کې د ایټالیا د بهرنیوچارو وزارت پرون جمعه له ایټالوي وګړو وغوښتل چې له ایران څخه ووځي. دې وزارت په یوه بیان کې وویل، هغو ایټالوي وګړو ته چې د ګرځندویانو په توګه ایران ته تللي او شتون یې هلته ډېر حتمي نه دی سپارښتنه کېږي له هغه ځایه ووځي.

داسې مهال چې د ایران د اټومي پروګرام په اړه له امریکا سره مذاکراتو تراوسه کومه ملموسه نتیجه نه ده ورکړې، متحدوایالتونو پر ایران له احتمالي پوځي برید مخکې په منځني ختیځ کې خپل پوځي حضور پیاوړی کړی دی.

د ایران او امریکا ترمنځ د غیر مستقیمو خبرو اترو دریم پړاو له شپږ ساعته بحثونو وروسته پای ته ورسېد.

د ایران د بهرنیو چارو وزیر عباس عراقچي د امریکا له ځانګړو استازو ستیف ویټکاف او جرد کوشنر سره دا خبرې د دواړو لورو ترمنځ ( تر ټولو جدي ) وبللې.

عراقچي ویلي، " ښه پرمختګونه مو درلودل، د یوې هوکړې عناصرو ته ننوتو، هم د اټومي حوزې او هم د بندیزونو په برخو کې."

د خبرو دا پړاو پرون پنجشنبه په جینوا کې د عمان او د اټومي انرژۍ نړیوالې ادارې د مشر په منځګړیتوب ترسره شوې.

عراقچي ویلي چې بل پړاو خبرې به شاوخوا یوه اونۍ وروسته ترسره شي.