ايران په عراق کې د امريکا دوه پوځي اډې په توغندیو ويشتلې دي، له دې سره په سيمه کې د کړکېچ د لا زياتېدو خطر شته.
د افغانستان ولسمشر پرون د امريکا له دفاع وزير سره د سيمې پر امنيتي وضعيت، دغهراز د واشنګټن او تهران پر تازه بحران ټیلیفوني خبرې وکړې.
جمهوري رياست وايي په دې مکالمه کې محمد اشرف غني د امريکا دفاع وزير مارک اسپر ته وويل، د دې وخت راغلى چې امريکا او ايران د کړکېچ د کمېدو هڅه وکړي.
صالح محمد صالح په کابل کې د ځوانانو د پارلمان له پخواني رئيس اقا محمد قريشي سره مرکه کړې او په پیل کې یې ترې پوښتلي چې وروستي تحولات په سيمه کې د ورځو په تېرېدو کړکېچن کېږي، افغانستان څومره متأثره کېداى شي؟
د دې مرکې د اورېدو لپاره لاندې لېنک کېکاږئ:
