د لاسرسي لېنکونه

تازه خبر
سه شنبه ۲۳ تله ۱۳۹۸ کابل ۱۱:۲۴

د ترکیې جنګي الوتکو د سوریې په شمال کې بمبار پیل کړی


د ترکیې جنګي الوتکو پرون د اکټوبر په نهمه د سوریې په شمال کې بمبار پیل کړ.

د سوریې شمال د ترکیې په پوله پورې پروت دی.

رپوټونه وايي چې د سوريې په راس العین ښار کې چې د سوریې پولې ته نږدې دی، د درنو چاودنو غږونه وو.

په دې سیمه کې مېشتو وسله والو ویلي چې دوه ملکي وګړي وژل شوي او دوه نور زخمیان شوي دي.

د ترکیې جمهور رئيس رجب طیب اردغان پرون د اکټوبر په نهمه اعلان وکړ چې د سوریې په شمالي سیمو کې پوځي عملیات کوي.

اردوغان دې عملیاتو ته د سولې چینه نوم ورکړی دی.

د ترکیې جمهور رئيس وویل چې په عملیاتو کې به د داعش وسله وال او کرد ملېشه ځواکونه چې د سوریې په شمال کې مېشت دي، وځپل شي.

د ترکیې ولسمشر وویل چې د دوی د پوځي عملیاتو هدف له ترورېزم سره مبارزه او ځپل دی.

XS
SM
MD
LG