د لاسرسي لېنکونه

تازه خبر
یکشنبه ۲۸ تله ۱۳۹۸ کابل ۱۱:۵۶

په بدخشان کې شهدا او بهارک لپاره د طالبانو پوځي مسؤلان وژل شوي


ارشیف، بدخشان

د بدخشان ولايت چارواکي وايي، د شهدا او بهارک ولسواليو لپاره د طالبانو پوځي مسؤلان وژل شوي دي.

د بدخشان مطبوعاتي دفتر تېره شپه په يوه اعلاميه کې ويلي چې د شهدا ولسوالۍ لپاره د طالبانو پوځي مسؤل مولوي محمد داود خالد او د بهارک ولسوالۍ لپاره د طالبانو پوځي مسؤل برکت الله ارشد په هوايي حمله کې وژل شوي دي.

د اعلاميې په حواله، د افغانستان هوايي ځواک د طالبانو دغه دوه پوځي مسؤلان په بلې ولسوالۍ وردوج کې په نښه کړي دي.

د بدخشان مطبوعاتي دفتر ويلي چې د طالبانو دغو دوو پوځي مسؤلانو له کلونو راهيسې پر خلکو ظلمونه کړي دي.

وسله والو طالبانو په دې اړه څه نه دي ويلي.

XS
SM
MD
LG