د افغانستان په هغو ولایتونو کې چې هلته نشه يي مواد کرل کېږي، ګڼ شمېر داسې واړه محلي قاچاق کوونکي شته چې له یوې سیمې څخه بلې سيمې ته نشه يي مواد قاچاق کوي. د کونړ ولایت احسان الله هم له دې ډلې څخه دی.
دا چې احسان الله د څه ډول نشه يي موادو قاچاق کاوه؟ نشه يي مواد یې له کومو څخه کومو سیمو ته قاچاق کول؟ نشه يي مواد يې له چا څخه رانيول او بيا يې پر چا باندې خرڅول؟ آیا پولیسو نیولی او که نه دی او اوس څه ډول ژوند لري؟ په دې اړه محمد ایاز ترنک له احسان الله سره مرکه کړې او په پیل کې یې پوښتلی چې، ولې یې د نشه يي موادو قاچاقو ته ملا وتړله؟
