د لاسرسۍ وړ لېنکونه

تازه خبر
چهارشنبه ۲۵ چنګاښ ۱۳۹۹ کابل ۰۴:۰۷

پروان کې د "دولت جوړوونکي" ټاکنیز ټیم غونډې ته نږدې چاودنې ۲۶ تنه ووژل

په پروان کې د محمد اشرف غني په مشرۍ د "دولت جوړوونکي" ټاکنیز ټیم یوې کمپایني غونډې ته نږدې چاودنه شوې.


پروان کې د انتحاري حملې له امله ټپيان شوي کسان روغتون ته د لېږدولو پر مهال

لنډيز

په پروان کې د محمد اشرف غني په مشرۍ د "دولت جوړوونکي" ټاکنیز ټیم یوې کمپایني غونډې ته نږدې چاودنه شوې.

تراوسه ددغې چاودنې څرنګوالي او احتمالي تلفاتو په اړه څه نه دي ویل شوي.

نور جزئیات وروسته وړاندې کېږي.

د افغانستان د کورنیو چارو وزارت ویاند نصرت رحیمي وايي، په چارېکار ښار کې د یوه ځانمرګي بریدګر په حمله کې چې په موټرسایکل سپور و د ۴ پوځیانو په شمول ۲۶ تنه وژل شوي او ۴۲ نور ملکي کسان ټپيان دي.

ښاغلی رحیمي زیاتوي، د وژل شویو او ټپیانو په ډله کې ښځې او ماشومان هم شامل دي.

د پروان د ولایتي روغتون رئیس قاسم سنګین ازادي راډیو ته وايي چې په چارېکار ښار کې د نن له غرمې مخکې چاودنې د ښځو او نارینه‌وو په شمول تر اوسه ۲۴ مړي او له ۳۰ زیات ټپیان روغتون ته لېږدول شوي او د ۱۱ ټبيانو روغتیايي وضعیت د اندېښنې وړ دی.

تر اوسه د دغې حملې مسؤلیت چا نه‌دی منلی.

د پروان د امنیه قوماندانۍ د امنیت امر عبدالواسع ګلبهاري ازادي راډیو ته وايي چې په چارېکار ښار کې د نن له غرمې مخکې چاودنې تر اوسه ۲۴ مړي او ۳۶ ټپیان روغتون ته لېږدول شوي دي.

نور راوښيه

XS
SM
MD
LG